Ek soek na my Dina

"Ek soek na my Dina"
Genre	Afrikaanse volksmusiek
Woorde	Tradisioneel, C.J. Langenhoven
Melodie	Volkswysie
Verwerking	G.G. Cillié
Portaal    Musiek

"Ek soek na my Dina" is ’n gewilde Afrikaanse volksliedjie. Dit is as lied 136 in die FAK-sangbundel opgeneem.

Woorde

[Tradisioneel]

Ek soek na my Dina, my Dina, my Dina;
ek soek na my Dina, die Dina van my.
O, hier is my Dina, my Dina, my Dina;
o, hier is my Dina, die Dina van my.

[C.J. Langenhoven]

Ek soek 'n lemoentjie, en toe 'n pampoentjie
– presentjie vir Dina – en kon dit nie kry.
"Laat staan wat daar ver is; daar's nader en beter;
gee dié maar", sê Dina, "gee dié maar vir my".

Ek soek 'n jangroentjie, 'n pêrelemoentjie
– presentjie vir Dina – en kon dit nie kry.
"Laat staan wat so skaars is; daar's volop en beter;
gee dié maar", sê Dina, "gee dié maar vir my".

Pampoentjie, jangroentjie, en pêrelemoentjie
– wat is daar op aarde dan beter te kry?
En toe kom 'n ander en gee haar 'n soentjie
– en nooit meer 'n Dina, 'n Dina vir my.