Elandsdriftdam

Elandsdriftdam
Amptelike naam	Elandsdriftdam
Ligging	naby Port Elizabeth
Provinsie/Land	Oos-Kaap, Suid-Afrika
Koördinate	32°31′48.2″S 25°45′22.5″O
Dam in	Groot-Visrivier
Doel	Besproeiing
Eienaar	Departement van Waterwese
Soort dam	Boogdam
Reservoir	Elandsdriftdam

Die Elandsdriftdam in die Groot-Visrivier is deel van die Oranjerivierprojek en voldoen aan 'n groot deel van Port Elizabeth se waterbehoeftes.

Ligging

Die dam lê tussen Cradock en Kookhuis, net wes en sigbaar van die Daggaboersnek-padstal op die N10-pad. Dit is by die Nelland-spoorweghalte, suid van Drennan en noord van Witmos en by die koördinate 32° 31′ 48.2″ suid en 25° 45′ 22.5″ oos.

Roete

Met die Oranje-Visrivier Tonnel van 80 km lank gaan die water uit die Gariepdam van Oviston na Teebus (tussen Rosmead en Steynsburg). Met die Teebusspruit en die Grootbrakrivier vloei dit na die Grassridgedam. Van daar na die Groot-Visrivier tot by die keerwal Elandsdriftdam. Hier word die water uitgekeer in 'n kanaal, daarna loop dit deur 'n tonnel tot Uitkeer, tussen Somerset-Oos en Kookhuis, en van daar weer in 'n kanaal na die Klein-Visrivier. In hierdie rivier loop die water tot die De Mistkraal-keerwal, van waar dit in 'n kanaal na die Schoenmakersspruit gelei word. Hierdie spruit voed die Darlingtondam (deel van die Addo-olifant Nasionale Park) in die Sondagsrivier. Die water loop in die Sondags tot by die Korhaansdrift-keerwal. Van daar neem die Kirkwoodkanaal die water na die Scheepersvlaktedam. 'n Pyplyn neem van hier die water na die Nooitgedacht-waterwerke naby Sunlands en van daar word dit na Motherwell in die Baai gepomp.

Sien ook

• Lys van grootste damme in Suid-Afrika