Elegante hurk-krap

in Wikipedia, die vrye ensiklopedie
Jump to navigation Jump to search

Elegante hurk-krap
Allogalathea elegans.jpg
Not evaluated (IUCN 3.1)
Wetenskaplike klassifikasie
Koninkryk:
Filum:
Subfilum:
Klas:
Orde:
Suborde:
Infraorde:
Familie:
Genus:
Spesie:
A. elegans
Binomiale naam
Allogalathea elegans
(Adams & White, 1848)
Sinonieme [1]
  • Galathea deflexifrons Haswell, 1882
  • Galathea elegans Adams & White, 1848
  • Galathea grandirostris Stimpson, 1858
  • Galathea longirostris Dana, 1852
  • Galathea longirostris Yokoya, 1936

Die Elegante hurk-krap (Allogalathea elegans) is 'n valskrap en kom wydverspreid in die Stille- en Indiese oseane voor. In die Indiese Oseaan kom dit vanaf die Rooi See suidwaarts tot by KwaZulu-Natal voor.

Die krap word tot 50 mm lank en die lyf is plat en gevorm soos 'n druppel. Die karapaks is vorentoe verleng en die saamgestelde staan op steeltjies. Die wyfie is groter as die mannetjie. Die kleur is nie konstant nie en varieer baie maar pas gewoonlik aan by die gasheer. Die krap is oor die algemeen rooi of pers met longitudinale strepe oor die lyf. Die eerste paar bene is korter as die lyf en het knypers vooraan. Dan volg drie pare bene waarmee die krap loop en die laaste paar word onder die lyf ingevou. Dit word gebruik om die kieue skoon te maak. Die kleur van die bene pas by die lyf aan. Fyn haartjies bedek die lyf en bene.

Die seedier leef gewoonlik in die takke van 'n veerseester of soms skuil dit onder die basis van die seester. Die seedier vreet plankton soos sy gasheer. Die spesie is raar.

Bron[wysig | wysig bron]

  • The Reef Guide: Fishes, corals, nudibranchs & other invertebrates: East & South Coasts of Southern Africa, deur Dennis King & Valda Fraser, Struik Nature, 2014. ISBN 978-1-77584-018-3

Verwysings[wysig | wysig bron]

  1. Gary C. B. Poore & Enrique Macpherson (2009). "Allogalathea elegans (Adams & White, 1848)". World Register of Marine Species. Besoek op April 8, 2010.

Eksterne skakel[wysig | wysig bron]