Elio de Angelis

De Angelis in 1982

Elio de Angelis (Rome, 26 Maart 1958 – Marseille, 15 Mei 1986) was 'n Italiaanse Formule Een-renjaer wat tussen 1979 en 1986 aan die sport deelgeneem het. Hy is soms die "laaste heer" in Formule 1 genoem, en hoewel hy waarskynlik nie die talentvolste bestuurder van alle tye was nie, was hy beslis een van die gewildstes. Hy het altesaam 122 Wêreldkampioenskappunte gedurende sy loopbaan aangeteken.

Loopbaan

De Angelis het in 1979 sy Formule 1-debuut vir die Shadow-span gemaak. In 1980 het hy na Team Lotus oorgeskakel. In daardie seisoen, op die ouderdom van 20, het hy amper die jongste Grand Prix-wenner van alle tye geword deur net-net tweede te eindig by die Brasiliaanse Grand Prix op die Interlagos-renbaan.

In 1985 verlaat De Angelis Lotus toe dit duidelik word dat die span se aandag hoofsaaklik op sy talentvolle spanmaat Ayrton Senna gefokus was. Sy plaasvervanger in die Lotus-span was Johnny Dumfries. De Angelis het na Brabham verhuis, waar hy die tweemalige wêreldkampioen Nelson Piquet opgevolg het, wat na Williams oorgeskakel het omdat die destydse Brabham-spanbaas Bernie Ecclestone nie met Piquet se salariseise ingestem het nie.

Die motor waarmee Brabham in 1986 in Formule 1 meegeding het, die BT55, het radikaal verander van die vorige jaar, maar dit het gou duidelik geword dat die motor nie so mededingend was soos in die vroeë tagtigerjare nie. De Angelis het hard gewerk om die motor te verbeter.

Sterwe

Tydens 'n oefenlopie op die Paul Ricard-renbaan het die motor sy agtervlerk op 'n pylvak verloor, wat veroorsaak het dat die agterwiele hul greep met die baan verloor het. Die motor het verskeie kere gerol, toe aan die ander kant van die relings beland en aan die brand geslaan. Dit was egter nie die hoë spoed wat De Angelis se dood veroorsaak het nie, maar daar was te min baanbeamptes teenwoordig om hom om vinnig uit die brandende motor te help. Die enigste ander bestuurder wat by die ongeluk teenwoordig was, die Australiër Alan Jones, het egter nie daarin geslaag om De Angelis uit die wrak te bevry nie. Die ambulanshelikopter het hul toe 'n halfuur laat wag. Hy is uiteindelik 29 uur later in die hospitaal oorlede aan die gevolge van verstikking. De Angelis se plek in die Brabham-span is deur Derek Warwick ingeneem.