Elisabeth Thible

Detail van Elisabeth Thible op die gravering deur Charles-Ange Boily "Montgolfière La Gustave"

Élisabeth Thible, of Elizabeth Tible (née Estrieux, 8 Maart 1757 – 13 Februarie 1785), was die eerste vrou wat in 'n losgemaakte lugballon gevlieg het. Sy is op 8 Maart 1757 in Frankryk in Lyon gebore. Op 4 Junie 1784, agt maande nadat die eerste bemande lugballonvlug plaasgevind het, het Thible saam met mnr. Fleurant aan boord van 'n lugballon gevlieg wat La Gustave gedoop is ter ere van koning Gustav III van Swede se besoek aan Lyon.

Lugballonvaarte

Monsieur Fleurant het oorspronklik beplan om die lugballon saam met graaf Jean-Baptiste de Laurencin te vlieg, maar die graaf het sy plek op The Gustave aan Élisabeth Thible afgestaan.

Toe die ballon die grond verlaat het Thible, geklee as die Romeinse godin Minerva, en Fleurant twee duette uit Monsigny se La Belle Arsène, 'n gevierde opera van die tyd, gesing. Die vlug van 4 kilometer het 45 minute geduur, en het 'n geskatte hoogte van 1 500 meter bereik. Dit is aanskou deur koning Gustav III van Swede na wie se eer die ballon vernoem is. Tydens die stamperige landing het Thible 'n enkel geswik toe die mandjie die grond getref het. Sy is deur Fleurant gekrediteer met die sukses van die vlug, beide omdat sy die ballon se vuurkas onderweg gevoer het en deur die merkwaardige moed wat sy aan die dag gelê het.

Privaat lewe

Min is bekend van Madame Thible; sy word beskryf as die verlate eggenoot (épouse délaissée) van 'n Lyon-handelaar. Geen rekord van haar oorleef as 'n professionele operasangeres nie. Sy is op 13 Februarie 1785 in Parys oorlede.

Film

• Venus im Wolkenschiff (Venus in die wolk-skip) – WDR Fernsehen- film deur A. Reeker met Anouk Plany as Élisabeth Thible

Sien ook

• Sophie Blanchard – French balloonist (1778–1819)

Bronnelys

• Jutta Rebmann: Als Frau in die Luft ging. Die Geschichte der frühen Pilotinnen (Women went into the air. The history of the early pilots.) Sieglitz. Precinct. ISBN 3-7987-0361-2