Ellis Brown-viaduk
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Ellis Brown-viaduk is ‘n padbrug oor die Umgenirivier ten noorde van Durban in Suid-Afrika.
Brug[wysig | wysig bron]
Hierdie betonbrug is 480 m lank en bestaan uit twee rybane van elk 7½ m breed sowel as ‘n voetganger- en fietsrybaan. Dit is in 1955 gebou en was toentertyd een van die duurste brûe in die land.
Naam[wysig | wysig bron]
Die Ellis-Brown-familie was vooraanstaande sakemense, veral in die koffiebedryf. Twee lede van die familie was burgemeester van Durban. Rupert Ellis-Brown (26 Oktober 1880 – 28 Junie 1969) se naam is gekoppel aan die brug. Hy was vir twee termyne burgemeester, naamlik van 1939 tot 1945 en van 1946 tot 1947. Ook was hy ‘n begaafde seiljagvaarder. By die Olimpiese Spele van 1924 in Meulan in Frankryk was hy die enigste lid van die Suid-Afrikaanse seilspan. Dit was ook Suid-Afrika se debuut in die seilsport by die Olimpiese Spele.
1950’s[wysig | wysig bron]
In die vyftigerjare van die 20ste eeu het daar besonder groot vordering in die bou van paaie, passe, tonnels en brûe in Suid-Afrika plaasgevind. Tussen 1950 en 1960 het die aantal passasiersmotors met 90% en handelsvoertuie met 71% in die land toegeneem.
Bibliografie[wysig | wysig bron]
- Standard Encyclopaedia of Southern Africa, deel 2. Kaapstad: Nasou, 1970.