Engadinerhuis

in Wikipedia, die vrye ensiklopedie
Jump to navigation Jump to search
Schellenurslihaus, 'n Engadinerhuis in Guarda met die twee ingangspoorte tot die woonvertrekke en die stal
Engadinerhuis in Sur En met sgraffiti wat deur die Switserse kunstenaar Steivan Liun Könz (1940−1998) aangebring is
Engadinerhuis in Guarda met erker

Die Engadinerhuis is 'n tipe plaashuis wat eie is aan die Engadin-vallei in die Switserse kanton Groubunderland, die Vinschgau (die boonste gedeelte van die Etsch- of Adige-vallei in Suid-Tirol, Italië) en die Tiroolse Bo-Innvallei in Oostenryk.

Kenmerkend vir die Engadinerhuis is massiewe buitemure (dikwels versier met muurskilderye wat volgens 'n verfynde variant van die Italiaanse sgraffitotegniek aangebring is), diep vensteropeninge, en twee ingangspoorte wat toegang bied tot die sulèr (voorkamer) en die stal aan die voorkant. Gewoonlik is Engadinerhuise met drie verdiepings opgerig, waarby woonvertrekke, skure en stalle altyd onder een dak gehuisves is.

Eksterne skakels[wysig | wysig bron]