Enzo Bearzot

Enzo Bearzot

Bearzot, afgebeeld op ’n Panini-sokkerkaart, omstreeks 1975
Persoonlike inligting
Geboortenaam	Enzo Bearzot
Geboortedatum	(1927-09-26)26 September 1927
Geboorteplek	Aiello del Friuli, Italië
Sterfdatum	21 Desember 2010 (op 83)
Sterfplek	Milaan, Italië
Speelposisie	Verdedigende middelvelder
Seniorloopbaan*
Jare	Span	Kere†	(Doele)†
1946–1948	Pro Gorizia	39	(2)
1948–1951	Internazionale	19	(0)
1951–1954	Catania	95	(5)
1954–1956	Torino	65	(1)
1956–1957	Internazionale	27	(0)
1957–1964	Torino	164	(7)
Totaal		409	(15)
Nasionale span
1955	Italië	1	(0)
Spanne bestuur
1964–1967	Torino (jeug)
1968–1969	Prato
1969–1975	Italy o/23
1975–1986	Italië
* Kere vir seniorklub uitgedraf en doele is net vir die plaaslike liga.. † Kere uitgedraf (Doele).

Enzo Bearzot (26 September 1927 – 21 Desember 2010) was ’n Italiaanse professionele sokkerspeler en -afrigter. As ’n verdediger en middelveldspeler het hy die grootste deel van sy loopbaan by Torino FC deurgebring, oor twee periodes. As afrigter is hy die bekendste daarvoor dat hy Italië na triomf gelei het by die FIFA Wêreldbeker in 1982.

Na swak vertonings in die eerste drie wedstryde het Bearzot die sogenaamde silenzio stampa (“persstilte”) aangekondig om toenemende kritiek van die Italiaanse pers te vermy. Ná dit het die Italiaanse span uiteindelik begin om hul beste sokker te speel, en hulle het Argentinië en Brasilië in die tweede rondte geklop, Pole in die halfeindstryd, en Wes-Duitsland in die eindstryd, en sodoende die Wêreldbeker vir die eerste keer sedert 1938 gewen.

Hy het ná die Wêreldbeker in 1986 bedank. Bearzot hou die rekord vir die meeste wedstryde as afrigter van Italië, met 104 wedstryde. Hy is bynaam Vecchio (“ou man”) genoem en was bekend vir sy kalm geaardheid en sy liefde vir pyprook.

’n Jaar ná sy dood is ’n toekenning ter ere van die 1982-Wêreldbeker-afrigter ingestel, die “Enzo Bearzot-toekenning”, wat jaarliks toegeken word aan die beste Italiaanse afrigter van die jaar.