Erfgoed is sterfgoed

Erfgoed is sterfgoed is 'n 79 minuut lange Afrikaanse komedie wat in 1976 vrygestel is.^[1] Die film is deur Jan Breytenbach geregisseer met 'n draaiboek ook deur Jan Breytenbach, vervaardig deur Oscar Films (Jan Breytenbach) en versprei deur Kinekor/Flip Bezuidenhout Produksies/Nu Metro.^[1]

Sinopsis

Wanneer die spook van Tant Sopie begin rondloop, pla, skrikmaak en in liefdesverhale inmeng, is daar groot probleme. Die tante wou net rus, want na jare se swaarkry op aarde het sy gevoel sy verdien dit. Maar toe sy van die hiernamaals af haar neef dophou, besluit sy om terug te keer en 'n handjie te help. Almal wil egter nie so gehelp of deur 'n spook gepla word nie.^[1]

Rolverdeling

Die rolverdeling is Albert Botha, Francis Coertze, Gaby Getz, Marietta Ferreira, Francois de Bruyn, Tobie Cronjé, Dries Alberts, Sam Groenewald, Jan Breytenbach, Annatjie Vermeulen, Sonja van Kasterop, Anette van Niekerk, Jan van der Klashorst, Josephus, Maureen Nel, Colin Wilsenach, en Bertus en Anita Führi.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]