Ernst Brocker

in Wikipedia, die vrye ensiklopedie

Ernst Bröcker is ’n Afrikaanse dramaturg.

Lewe en werk[wysig | wysig bron]

Ernst Bröcker is op 1 September 1984 gebore. Hy matrikuleer aan die Groote Schuur Hoërskool in Kaapstad, waarna hy by die AFDA Filmskool in Kaapstad studeer in Regie en die skryf van draaiboeke. Tydens sy studies wen hy verskeie pryse, waaronder ’n kontantprys van Sanlam vir Teaterskryfwerk in 2003, in 2004 beste tweedejaar studenteproduksie vir sy selfgeskrewe film “Popster” en in 2005 die AFDA-pryse vir beste kortverhaal, beste verhoogdirekteur en beste verhoogproduksie. Vanaf 2006 tot 2012 is hy vir sewe jaar betrokke by die sepie “Sewende Laan in diverse hoedanighede, insluitende as draaiboek-koördineerder en medeskrywer. Hy is terselfdertyd vryskutskrywer vir die tydskrif Gay Pages, vir wie hy ’n aantal artikels oor verhoudings binne homoseksuele verband skryf. In 2013 voltooi hy ’n internasionale internskap in sosiale media en kommunikasie by Party Earth in Barcelona in Spanje. Sy primêre taak is om foto’s te neem en oorsigte te skryf oor sosiale uithangplekke in en rondom Barcelona. Na sy terugkeer na Suid-Afrika is hy kopieskrywer vir Firefly Advertising. Hy het ’n swart gordel in karate

Skryfwerk.[wysig | wysig bron]

Hy skryf die drama “Eetjie Feetjie” wat by die Kaapse Fees en ook by die Klein Karoo Nasionale Kunstefees opgevoer word. Hierdie drama is ook ’n finalis vir die Sanlam Teaterprys in 2004. Tydens sy studies skryf hy ook die dramas “Liefde.Kom” en “Amal ‘le Selle”. Hy is ook skrywer en regisseur van verskeie kortfilms, insluitende “Weekend special”, “Popster”, “Grooming evolution”, “Grooming evolution 2”, “The adventures of O-Boy”, “Oh Koek” en “Saving face”.

Bronnelys[wysig | wysig bron]

Internet[wysig | wysig bron]