Ernst Haas

Ernst Haas
Ernst Haas
	Ernst Haas in 1986.
Gebore	2 Maart 1921; Wene, Oostenryk
Sterf	12 September 1986 (op 65); New York, VSA
Nasionaliteit	Amerikaans, Oostenryks
Beroep	Fotograaf
Eggenoot	Antoinette Wenckheim
Kinders	Alexander, Victoria
Webwerf	http://www.ernst-haas.com

Ernst Haas (2 Maart 1921 – 12 September 1986) was ’n fotojoernalis en pionier-kleurfotograaf. In sy loopbaan van 40 jaar het die Oostenryks gebore Haas die gaping oorbrug tussen fotojoernalistiek en die gebruik van fotografie as kunsmedium. Benewens sy uitstekende dekking van gebeure oor die wêreld heen ná die Tweede Wêreldoorlog, was hy ’n vroeë innoveerder in kleurfotografie. Sy foto's is ruim gebruik deur tydskrifte soos Life en Vogue, en was in 1962 die onderwerp van die eerste tentoonstelling van een fotograaf se werk in New York se Museum of Modern Art.

Hy was onder andere die president van die koöperatiewe Magnum Photos, en sy boek The Creation (1971) was een van die suksesvolste fotografieboeke ooit; meer as 350 000 eksemplare is verkoop.

Haas is op 12 September 1986 in New York oorlede ná ’n beroerte in Desember 1985.

Pryse

’n Paar van die pryse wat Haas gewen het, is:

Newhouse-prys van die Syracuse-universiteit, 1958
Wilson Hicks-medalje van die Universiteit van Miami, 1978
Hasselblad se fotograaf van die jaar, 1986
Leica-medalje vir uitnemendheid: Meester van Fotografie, 1986

Eksterne skakels

Ernst Haas Estate
Hasselblad-pryswenner: Ernst Haas
Ernst Haas Color Correction by Steidl
Ernst Haas Color Correction - TIME Lightbox Geargiveer 20 Julie 2014 op Wayback Machine
Ernst Haas Color Correction by Lensculture Geargiveer 10 Maart 2012 op Wayback Machine
Ernst Haas in die Internet-rolprentdatabasis
Ernst Haas by Getty Images Geargiveer 19 Maart 2014 op Wayback Machine