Ernst de Jong

in Wikipedia, die vrye ensiklopedie
Jump to navigation Jump to search
Suid-Afrikaanse banknote

Ernst de Jong (193415 Februarie 2016) was 'n Suid-Afrikaanse kunstenaar. Hy is bekend as die persoon wat die diere op die Suid-Afrikaanse banknote geskilder het.

Suid-Afrika se eerste banknote het die afbeelding van Jan van Riebeeck, die eerste Nederlandse goewerneur van die Kaap die Goeie Hoop, gedra. In die 1980's is die note herontwerp met afbeeldings van inheemse diere, soos die renoster, olifant, leeu, buffel, luiperd, ens. De Jong was vir hierdie ontwerpe verantwoordelik.

Hy het ook sy Springbokkleure verwerf in sierduik (3m)[1] in 1960 en later 'n duikafrigter geword.

De Jong is in Pretoria gebore, waar hy ook sy skoolopleiding ontvang het. 'n Sportbeurs wat aan hom toegeken is, het hom in staat gestel om na Amerika te gaan, waar hy opleiding aan die kunsskool van die Universiteit van Oklahoma ontvang het. Daar het hy onder John O'Neill, Eugene Baninger en Emilio Amero gestudeer. Ernst de Jong het in 1958 na Suid-Afrika teruggekeer en was tot in 1961 lektor in inligtingontwerp aan die Pretoriase Tegniese Kollege.

Hy besit 'n reklame-ontwerpateljee in Pretoria, waar hy ontwerpe maak vir nywerhede, uitstallings, advertensies, films en posseëls. Sy openbare opdragte sluit in verskeie grafiese werke vir onder meer die Transvaalse Provinsiale Administrasiegebou in Pretoria en die Kernnavorsingsentrum by Pelindaba. Van sy werk is in die Museum vir Skone Kuns in Oklahoma en in Johannesburg en Pretoria ten toon gestel.

Sien ook[wysig | wysig bron]

Verwysings[wysig | wysig bron]

Bronne[wysig | wysig bron]