Ernst van Dyk

in Wikipedia, die vrye ensiklopedie
Spring na: navigasie, soek
Ernst van Dyk
’n Beeld van die betrokke persoonlikheid.
Ernst van Dyk tydens die Boston-marathon in 2014

Geboortenaam Ernst Francois van Dyk
Gebore 4 April 1973 (1973-04-04) (43 jaar oud)
Ceres, Wes-Kaap
Nasionaliteit Vlag van Suid-Afrika Suid-Afrika
Bekend vir handfiets-renjaer

Ernst van Dyk OIS (gebore 4 April 1973) is 'n Suid-Afrikaanse handfiets-renjaer. Hy het 'n rekord van 10 rolstoel-titels in die Boston-marathon verower.[1] In 2006 ontvang hy die gesogte "Laureus World Sports Awards"-toekenning en word as die "Gestremde sportpersoon van die jaar" aangewys.

Biografie[wysig | wysig bron]

Van Dyk is op 4 April 1973 in Ceres in die Wes-Kaap sonder bene gebore. Sy ouers, beide provinsiale atlete, het sy atletiese vermoëns raakgesien en hom aangemoedig om aan sport deel te neem. Hy begin sy skoolopleiding in Graaff-Reinet, maar die skool kon nie aan sy behoeftes voorsien nie. Daarna woon hy die Elizabeth Conradie-skool vir gestremde kinders in Kimberley by. Hy het in sy tienerjare nasionaal aan swemgalas deelgeneem. In 1992 skryf hy by die Universiteit van Stellenbosch in en neem op die Barcelona Paralimpiese Spele aan swem en rolstoelresies deel. Daarna begin hy op rolstoel-atletiek konsentreer.

Hy woon in die Paarl met sy vrou en dogter, en besit 'n besigheid wat in sporttoerusting vir gestremdes spesialiseer.

Sportprestasies[wysig | wysig bron]

Tydens die Paralimpiese Somerspele van 2000 in Sydney wen hy 'n bronsmedalje in die 400-meter rolstoelresies. In die daaropvolgende Spele van 2004 in Athene wen hy silwer in die 800 meter rolstoelresies, nog 'n silwer in die 1500 meter, en 'n brons in die 5000 meter. In Beijing tydens die Paralimpiese Spele van 2008 wen hy goud in die handfiets-marathon asook 'n brons in die rolstoelmarathon. Die Spele in Londen was Van Dyk se sesde Paralimpiese Spele.

Van sy ander prestasies sluit in: dubbele goud (padwedren en tydtoets) by die 2007 Wêreldfietsrykampioenskap in Bordeaux en silwer en ​​brons by die 2009 Wêreldfietsrykampioenskap in Italië.

Belangrike resultate[wysig | wysig bron]

Ernst van Dyk (23) tydens die Londen-marathon in 2015
Jaar Boston-marathon[2] New York Stad-marathon Parys-marathon Los Angeles-marathon Londen-marathon "Great North Run"
2001 Gold medal icon.svg1:25:12
2002 Gold medal icon.svg 1:23:19 Bronze medal icon.svg 1:45:16 Gold medal icon.svg 1:28:44
2003 Gold medal icon.svg 1:28:32 Silver medal icon.svg 1:35:36
2004 Gold medal icon.svg 1:18:27
2005 Gold medal icon.svg 1:24:11 Gold medal icon.svg 1:31.11 Gold medal icon.svg
2006 Gold medal icon.svg 1:25:29 Gold medal icon.svg 1:24:48 (CR)
2007 Gold medal icon.svg 42:35
2008 Gold medal icon.svg 1:26:49
2009 Gold medal icon.svg 1:33:29 Bronze medal icon.svg 1:28:59
2010 Gold medal icon.svg 1:26:53
2011 Bronze medal icon.svg 1:18:51
2012
2013 Silver medal icon.svg 1:40:14 Bronze medal icon.svg 1:31:30
2014 Gold medal icon.svg 1:20:36 Silver medal icon.svg 1:30:56 Bronze medal icon.svg 1:32:42
2015 Silver medal icon.svg 1:36:27 Gold medal icon.svg 1:30:54
2016 Silver medal icon.svg 1:24:06 1:35:23
WR – Wêreldrekord
BR – Baanrekord

Verwysings[wysig | wysig bron]

Eksterne skakels[wysig | wysig bron]