Estação Cabo Branco

in Wikipedia, die vrye ensiklopedie
Jump to navigation Jump to search
Die Estação Cabo Branco

Die Estação Cabo Branco is 'n wetenskap-, kultuur- en kunssentrum in João Pessoa, die hoofstad van die Brasiliaanse deelstaat Paraíba.

Die agthoekige sentrum met sy kenmerkende spieëlglasfasade, wat deur die befaamde argitek Oscar Niemeyer ontwerp en ná 'n boutyd van een jaar op 3 Julie 2008 ingewy is, maak deel uit van 'n kulturele en opvoedkundige gebouekompleks in die stadsdeel Cabo Branco en het intussen ook 'n gewilde toeristetrekpleister geword.

Die sentrum het 'n vloeroppervlakte van 8 571 m². Die boukoste, wat R$ 33,5 miljoen beloop het, is deur die Brasiliaanse Departement van Wetenskap en Tegnologie gedra.[1]

Die argitektuur van die sentrum[wysig | wysig bron]

'n Nagaansig van die sentrum

Die sentrum maak deel uit van 'n kompleks van vyf geboue wat deur die sentrale agthoekige toring in die middel met mekaar verbind word. Die sentrale toring, wat as hoofgebou van die kompleks dien, het 'n deursnee van 43 meter en rus op 'n silindervormige onderdeel met 'n deursnee van vyftien meter.

Die kompleks behels die volgende dele:

  • Die toring met twee verdiepings wat deur 'n poel omring word. Hier word permanente net soos wisselende uitstallings gehou, en daar is sale met video-, beeld- en klanktoerusting, 'n kafee en 'n restaurant. Die uitsig- ben besoekersterras bied 'n panoramiese rondomsig oor die omgewing. Vanuit die terras kan ook die mees oostelike punt van die Amerikaanse vasteland, die Ponta do Seixas, en die vuurtoring Farol do Cabo Branco raakgesien word.
  • Die ouditorium bied plek vir 501 gehoorlede en behels daarnaas nog twee sale met 200 sitplekke.
  • Die amfiteater, wat volledig met die omliggende landskap versmelt, is vir 300 gehoorlede ontwerp.
  • 'n Aandenking- en die kitskoswinkel.
  • Die administratiewe blok van die kompleks is aan sy buitekant geleë.
  • 'n Parkeerterrein vir 198 voertuie, insluitende busse.

Fotogalery[wysig | wysig bron]

Sien ook[wysig | wysig bron]

Verwysings[wysig | wysig bron]