Europese jaguar
| Europese Jaguar | |
|---|---|
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | P. gombaszoegensis
|
| Binomiale naam | |
| Panthera gombaszoegensis Miklós Kretzoi, 1938
| |
Die Europese jaguar (Panthera (onca) gombaszoegensis) het sowat 1,5 miljoen jaar gelede geleef en is die oudste bekende Panthera-spesie van Europa. Fossieloorblyfsels is eerste in op die Olivola-terrein in Italië gevind, wat allereers onder die sinoniem Panthera toscana bekend gestaan het en ook in ander Italiaanse streke gevind is. Later is soortgelyke fossiele ook in Engeland, Duitsland, Spanje, Frankryk en Nederland opgegrawe. Dit word soms as 'n subspesies van die jaguar, Panthera onca, erken. [1]
Europese jaguars was groter gebou as dié wat in Suid-Amerika gevind is, en kon moontlik groter prooi plattrek. 'n Spesie soortgelyk aan die Panthera gombaszoegensis, wat uit die Pleistoseen Oos-Afrika dateer, het oor beide leeu- en tierkenmerke beskik.
Die Europese jaguar was moontlik 'n alleenlopende dier. Daar word dikwels aangevoer dat hierdie katsoort 'n bosbewoner was, ooreenkomstig met die gedrag en gewoontes van die moderne jaguar, hoewel onlangse bevindinge daarop dui dat die verbintenis tussen die Europese jaguar en woudgebiede nie soseer so sterk is as wat voorheen aangeneem is nie.[2]
Letterkunde[wysig | wysig bron]
- A. Turner: The big cats and their fossil relatives. Columbia University Press, 1997.ISBN 0-231-10229-1
Verwysings[wysig | wysig bron]
- ↑ Hemmer, H & R.-D. Kahlke. 2005. Nachweis des Jaguars (Panthera onca gombaszoegensis) aus dem späten Unter- oder frühen Mittelpleistozän der Niederlande. Deinsea, Jaarblad van die Natural History Museum Rotterdam. Bl. 47-57. (Volle pdf Geargiveer 28 Augustus 2006 op Wayback Machine)
- ↑ O'Regan, H.J., A. Turner & D.M. 2002. Wilkinson. European Quaternary refugia: a factor in large carnivore extinction? Journal of Quaternary Science 17(8) 789–795. (Volle pdf Geargiveer 21 Augustus 2006 op Wayback Machine)
| Hierdie artikel is in sy geheel of gedeeltelik vanuit die Engelse Wikipedia vertaal. |
