Evelyn Dalberg
Evelyn Dalberg | |
|---|---|
| Gebore | 23 Mei 1939 Leipzig, Duitsland |
| Sterf | 30 November 2025 (op 86) New Hanover, KwaZulu-Natal |
| Genres | Opera |
| Beroep(e) | Sanger |
| Instrumente | Stem |
Evelyn Dalberg (23 Mei 1939 - 30 November 2025) was 'n bekende Suid-Afrikaanse operasangeres wat gereeld as mezzosopraan of alt vir die destydse streekrade van Suid-Afrika opgetree het. Sy het verskeie belangrike pryse vir haar rolle van die streekkunsterade ontvang.[1]
Dalberg is op 23 Mei 1939 in Leipzig, Duitsland, gebore en is die enigste kind van die Britse bas Frederick Dalberg en die Duitse sopraan Ellen Winter. Sy het haar musiekopleiding aan die Guildhall School of Music in Londen ontvang en in 1953 as 'n ad hoc-lid in die koor van die Covent Garden gesing. Gedurende 1957 het sy na Duitsland vertrek, waar sy sopraanrolle aan die Koblenz-teater gesing het.
Ná haar huwelik met Werner EichIer, 'n Duitse fagotspeler, het hulle hul in Suid-Afrika gevestig. In 1967 is sy aangestel as lektrise in sang aan die Suid-Afrikaanse Musiekkollege in Kaapstad. Sy was vir 'n lang tydperk 'n lid van die permanente operagroep van Kruik.
Haar opera-repertorium sluit onder meer in Ulrica in Un Ballo in Maschera, Suzuki in Madama Butterfly, Amneris in Aïda en Carmen.
Dalberg is op 86 leeftyd in New Hanover, KwaZulu-Natal op 30 November 2025 oorlede.[2]
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Opperman, AJ. 2 Desember 2025. Operasanger Evelyn Dalberg (86) sterf. Netwerk24. Besoek 2 Desember 2025.
Bronnelys
[wysig | wysig bron]- Wêreldspektrum, Volume 4, bl.201, ISBN 0-908409-45-1
| Internasionaal | |
|---|---|
| Nasionaal | |
| Mense | |
