Ezanasteen
| Ezanasteen | ||
| ||
| Die Ezanasteen. | ||
| Land | Ethiopië | |
| Soort | Stele | |
| Geskiedenis | ||
| Bouer | Ezana | |
| Unesco-wêrelderfenisgebied | ||
| Deel van | Aksoem | |
| Tipe | Kultureel | |
| Kriteria | i, iv | |
| Verwysing | 15 | |
| Inskripsie | 1980 (4de sessie) | |
| Streek† | Tigrai-streek | |
| † Streek soos deur Unesco geklassifiseer. | ||
Die Ezanasteen is 'n antieke stele wat nog in Aksoem in die hedendaagse Ethiopië staan. Aksoem was lank die hoofstad van die antieke koninkryk. Die steenmonument, wat moontlik uit die 4de eeu dateer, vertel van koning Ezana se bekering tot die Christendom en sy oorwinnings oor verskeie naburige gebiede, onder meer Meroë.
Ezana het van 330 tot 356 oor die Koninkryk Aksoem in die Horing van Afrika regeer. Hy het teen Nubië geveg en sy oorwinning op steentablette verewig om God te prys. Die inskripsies was in verskeie antieke tale, insluitende die Ethiopiese Ge'ez, die Suid-Arabiese Sabees en Grieks. Die Ezanasteen is 'n drietalige monument, nes die Rosettasteen.[1][2][3]
Die Ethiopies-Ortodokse Tewahedo-kerk het sy oorsprong in dié tyd gehad. Die teoloog en historikus Rufinus vertel in sy Ecclesiastical History hoe sint Frumentius, 'n bevryde slaaf en Ezana se onderwyser, hom bekeer het.[4] Teen die einde van sy bewind, omstreeks 350, het Ezana 'n veldtog teen die Koninkryk Koesj gevoer en die land verwoes. Verskeie steeninskripsies in Ge'ez is by Meroë, die Koesjiete se hoofstad, ontdek.
Verwysings
[wysig | wysig bron]- ↑ "The Inscriptions". Addis Herald. Geargiveer vanaf die oorspronklike op 29 November 2020.
- ↑ Tabbernee, William (18 November 2014). Early Christianity in Contexts: An Exploration across Cultures and Continents (in Engels). Baker Academic. p. 252. ISBN 978-1-4412-4571-7.
- ↑ Anfray, Francis; Caquot, André; Nautin, Pierre (1970). "Une nouvelle inscription grecque d'Ezana, roi d'Axoum". Journal des Savants. 4 (1): 266. doi:10.3406/jds.1970.1235.
- ↑ "Ethiopian Saints". Aliens in This World (in Engels). 11 Februarie 2011. Besoek op 6 November 2021.
Skakels
[wysig | wysig bron]- National Geographic-artikel
- Harden, J. M., "An introduction to Ethiopic Christian Literature" (1926), hoofstuk II, "Brief Historical Sketch of the Country and Church", bevat 'n bespreking van dié inskripsie
Hierdie artikel is in sy geheel of gedeeltelik uit die Engelse Wikipedia vertaal.
