F.S. Malan-versameling

in Wikipedia, die vrye ensiklopedie

Die F.S. Malan-versameling in die staatsargief in Kaapstad gee ‘n unieke beeld van die politieke geskiedenis van Suid-Afrika rondom die Nasionale Konvensie.

Dat F.S. Malan ‘n besonder veelsydige persoon was, word weerspieël in die groot aantal dokumente in sy nagelate rekords wat strek oor ‘n tydperk van 50 jaar. Veral die politiek en kerksake het sy belangstelling gewek. As lid van die Nasionale Konvensie het hy ‘n besondere bydrae tot die besprekings gelewer. Hy was ten gunste van federasie en die uitbreiding van die nie-blanke stemreg in die Kaapkolonie na die ander kolonies. Sy dagboek (wat later gepubliseer is) is ‘n waardevolle en insiggewende stuk oor ‘n sentrale gebeurtenis in Suid-Afrika se geskiedenis. Ook briewe van mev. Marie Koopmans-de Wet is in die versameling.