Forum vir China-Afrika-Samewerking

in Wikipedia, die vrye ensiklopedie
(Aangestuur vanaf FOCAC)

Forum vir China-Afrika-Samewerking, (Engels: The Forum on China–Africa Cooperation (FOCAC) Vereenvoudigde Chinese karakters: 中非合作论坛; tradisionele Chinees: 中非合作論壇; pinyin: Zhōng Fēi hézuò lùntán; Frans: Forum sur la coopération sino-africaine) is 'n amptelike forum tussen die Volksrepubliek van China en alle state in Afrika (met die uitsondering van Eswatini, die laaste Afrika-staat waarmee Kommunistiese China nie tans diplomatieke verhoudinge het nie, aangesien dit Taiwan erken). Daar was tot dusver drie spitsberaadbyeenkomste gehou, met die mees onlangse wat van 3 tot 4 September 2018 in Beijing, China plaasgevind het. Die eerste spitsberaad is in November 2006 in Beijing gehou.

2000, Beijing, China[wysig | wysig bron]

Die eerste ministerkonferensie is van 10 tot 12 Oktober 2000 in Beijing gehou. President Jiang Zemin, premier Zhu Rongji van die Staatsraad en vise-president Hu Jintao van die Volksrepubliek van China het aan die konferensie deelgeneem. Meer as 80 ministers van China en 44 lande en verteenwoordigers van 17 internasionale en streeksorganisasies het hierdie vergadering bygewoon. Afrika-deelnemers het president Gnassingbé Eyadéma van Togo, president Abdelaziz Bouteflika van Algerië, president Frederick Chiluba van Zambië, president Benjamin William Mkapa van Tanzanië, en sekretaris-generaal dr. Salim Ahmed Salim van die Organisasie vir Afrika-eenheid (OAE) ingesluit.[1] Die konferensie het die Beijing-verklaring van Forum vir China-Afrika-Samewerking en die program vir samewerking tussen China en Afrika in Ekonomiese en Maatskaplike Ontwikkeling aanvaar.

2003, Addis Ababa, Ethiopië[wysig | wysig bron]

Die tweede ministerkonferensie is in Addis Abeba, Ethiopië, gehou van 15 tot 16 Desember 2003. Chinese premier Wen Jiabao, die Ethiopiese premier Meles Zenawi, ses Afrika-presidente, drie vise-presidente, twee ander eerste ministers en een president van die senaat sowel as president Alpha Oumar Konare van die Kommissie van Afrika-unie en die verteenwoordiger van die VN se sekretaris-generaal het die openingseremonie bygewoon en toesprake gelewer. Meer as 70 ministers van China en 44 Afrika-lande het die konferensie bygewoon. Die konferensie het die Addis Abeba-aksieplan (2004-2006) aanvaar.

2006, Beijing, China[wysig | wysig bron]

Die eerste FOCAC-beraad en die derde ministeriële konferensie is van 3 tot 5 Mei 2006 in Beijing gehou. Hu Jintao, president van China, en staatshoofde of regeringshoofde van 35 Afrika-lande het hierdie spitsberaad bygewoon.[2] President Hu het tydens die beraad VS$ 5 miljard aan konsessie-lenings aan Afrika beloof. As een van die agt maatreëls vir China-Afrika-verhoudinge het President Hu die skepping van die China-Afrika-ontwikkelingsfonds aangekondig om Chinese belegging in Afrika te bevorder met VS$ 1 miljard van aanvanklike befondsing. Die fonds sou na verwagting tot VS$ 5 miljard in die toekoms kon groei.[3]

2009, Sharm el-Sheikh, Egipte[wysig | wysig bron]

Die vierde ministeriële konferensie van die FOCAC is op 8 tot 9 November 2009 by Soho-Square, in die Egiptiese oord Sharm el-Sheikh gehou. Die vergadering het nagegaan hoe die konsensus van die Beijing-beraad geïmplementeer is. Dit het ook 'n Sharm el-Sheikh verklaring en 'n aksieplan vir 2010-2012 aangeneem om die pad vir verdere samewerking tussen China en Afrika te bepaal. Chinese premier Wen Jiabao, die Egiptiese president Hosni Mubarak en Afrika staatshoofde of regerings uit 49 lande het die openingseremonie bygewoon. Die presidente van Liberië, Zimbabwe, Oeganda, Soedan, Republiek van die Kongo, Rwanda, Sentraal-Afrikaanse Republiek en Tanzanië het ook verklarings gemaak tydens die openingsessie. die eerste ministers van Ethiopië, Ivoorkus, en die Demokratiese Republiek van die Kongo; die vise-presidente van Seychelle, Ghana en Burundi; die president van die nasionale vergadering van Gaboen; en die voorsitter van die Afrika Unie-kommissie.[4] Chinese minister van buitelandse sake, Yang Jiechi en minister van handel, Chen Deming, het 'n afvaardiging gelei om die vergadering by te woon.[5][6][7]

Lae-rente lenings van VS$ 10 miljard is op 9 November 2009 aangekondig. Die lenings van VS$ 5 miljard wat aangekondig en geïmplementeer is op die 2006-beraad in Beijing, verdubbel. 'n Spesiale lening van 1 miljard Amerikaanse dollar vir klein en mediumgrootte Afrika-ondernemings is ook gestig. China het ook aangekondig dat agt nuwe beleidsmaatreëls wat daarop gemik is om die Afrika-China verhoudinge te versterk, "meer gefokus is op die verbetering van mense se lewensbestaan".[8] Wen het aangekondig dat China die skuld van sommige van die armste Afrika-lande sal afskryf. Hy het gesê China sal 100 nuwe skoon-energie-projekte op die vasteland bou wat sonkrag, biogas en klein hidrokrag insluit, en geleidelik laer doeaneregte op 95 persent van die produkte van Afrika-state met wie dit diplomatieke bande het, verlaag. Hy het ook gesê dat China 100 gesamentlike demonstrasieprojekte in wetenskaplike en tegnologiese navorsing sal onderneem, 100 Afrika-postdoktorale stydente sal ontvang om wetenskaplike navorsing in China te doen en hulle te help om hul tuislande terug te keer en te dien. Die aantal demonstrasiesentrums van landboutegnologie wat deur China in Afrika gebou is, sal verhoog word na 20, 50 landbou tegnologie spanne sal na Afrika gestuur word en 2 000 landboutegnologiepersoneel sal vir Afrika opgelei word om Afrika se vermoë om voedselveiligheid te verseker, te versterk.

China sou ook mediese toerusting en anti-malaria materiale ter waarde van 500 miljoen yuan skenk aan die 30 hospitale en 30 malariavoorkomings- en behandelingsentrums wat deur China gebou word, en 3 000 dokters en verpleegsters vir Afrika oplei. Wen het verder gesê dat China 50 China-Afrika-vriendskapskole sou bou en 1 500 skoolhoofde en onderwysers vir Afrika-lande sou oplewer en die aantal Chinese regeringstoekennings na Afrika tot 5 500 teen 2012 verhoog. China sou ook altesaam 20 000 professionele persone van verskillende velde oplei vir Afrika oor die daaropvolgende drie jaar.[9]

Die hoof van die Verenigde Nasies se voedselagentskap, World Food Program, uitvoerende direkteur Josette Sheeran, het die forum se rol in voedselsekuriteit, landbou en infrastruktuur in Afrika geprys.[10]

2012, Beijing, China[wysig | wysig bron]

Die vyfde ministeriële konferensie van die FOCAC is op 19 tot 20 Julie 2012 in Beijing, China gehou.

2015, Johannesburg, Suid-Afrika[wysig | wysig bron]

Die tweede FOCAC-beraad en sesde ministerkonferensie is op 4 tot 5 Desember 2015 in Johannesburg, Suid-Afrika, gehou.[11] Een van die uitkomste van die Johannesburg-byeenboms was die Toegang tot Satelliet-TV vir 10 000 Afrika Dorpies-program.

2018, Beijing, China[wysig | wysig bron]

Afrika-vlae by 'n FOCAC-vergaderinglokaal in Beijing, September 2018

Van 26 Junie tot 10 Julie 2018 was daar China-Afrika-Forum vir Verdediging en Sekerheid in Beijing plaas. Na die byeenkoms kom militêre verteenwoordigers van 49 Afrika state. Die doel van die byeenkoms was die uitbou van 'n "omvattende strategiese venootskap" tussen China en Afrika.[12][13]

Die derde FOCAC-spitsberaad en die sewende ministerkonferensie het op 3 en 4 September 2018 in Beijing plaasgevind. China se president Xi Jinping kondig aan dat in die volgende drie jaar VS$ 60 miljard in die vorm van skenkings, lae-rente lenings en beleggings beskikbaar gestel gaan word. China is gefokus om te belê in die infrastruktuur, verbeterde handelsvoorwaardes, uitgeboude nywerheidsbasis in Afrika, onderwys vir jong Afrikane en militêre hulp.[14][15]

Verdere leeswerk[wysig | wysig bron]

Ian Taylor, The Forum on China-Africa Cooperation (FOCAC) London: Routledge, 2012. ISBN 978-0-415-62851-8.

Verwysings[wysig | wysig bron]

  1. "The 1st Ministerial Conference", Sina.com, 26 October 2006, originally published by Xinhua News (Besoek 19 Maart 2009)
  2. Kawakami, Osamu. "China rivalry marks TICAD IV / Govt seeks African support on climate change, UNSC membership," Daily Yomiuri. Mei 31, 1008.
  3. Yan, Zhou (28 Mei 2010). "CAD Fund to boost footprint in Africa" (in Engels). China Daily. Geargiveer vanaf die oorspronklike op 8 Desember 2019. Besoek op 22 Februarie 2012.
  4. "Liberia: President Highlights Benefits From China At Fourth Ministerial FOCAC Conference". 9 November 2009. Besoek op 23 Augustus 2017 – via AllAfrica.
  5. http://news.xinhuanet.com/english/2009-10/27/content_12341880.htm
  6. http://news.xinhuanet.com/english/2009-11/08/content_12411216.htm
  7. http://news.xinhuanet.com/english/2009-11/10/content_12420444.htm
  8. Barney Jopson, Jamil Anderlini (9 November 2009). "China pledges $10 billion in low-cost loans to Africa". The Washington Post.
  9. "Full text of Wen's speech at 4th Ministerial Conference of FOCAC - China.org.cn". www.china.org.cn (in Engels). Geargiveer vanaf die oorspronklike op 18 September 2018. Besoek op 23 Augustus 2017.
  10. Section, United Nations News Service (9 November 2009). "UN News - Head of UN agency applauds China-Africa forum's commitment on food security". UN News Service Section. Besoek op 23 Augustus 2017.
  11. http://www.saiia.org.za/news/focac-background-and-2015-focus-priorities
  12. Deutsche Welle (www.dw.com)=https://www.dw.com/de/china-l%C3%A4dt-afrikas-armeechefs-zum-tee/a-44404397 China lädt Afrikas Armeechefs zum Tee (DW) 26.06.2018 (Duits)
  13. Deutsche Welle (www.dw.com) =https://www.dw.com/de/china-will-milit%C3%A4rbeziehungen-zu-afrika-ausbauen/a-44603118 China will Militärbeziehungen zu Afrika ausbauen (DW) 10.07.2018 (Duits)
  14. Matthias Müller, China umgarnt Afrika mit Milliarden (NZZ) Sammelwerk=Neue Zürcher Zeitung, Datum=2018-09-04,ISSN=0376-6829 |Online=https://www.nzz.ch/international/china-umgarnt-afrika-mit-milliarden-ld.1416905 (Duits) Besoek=2018-12-28}}
  15. Deutsche Welle (www.dw.com) url=https://www.dw.com/de/afrika-passagier-china-zug-focac-wirtschaftshilfe-gipfel-seidenstrasse-xi-jinping-taiwan-handel/a-45359502 =Afrika - nur Passagier im China-Express? (DW) 05.09.2018 Besoek 2018-12-28 (Duits)
Hierdie artikel is in sy geheel of gedeeltelik vanuit die Engelse Wikipedia vertaal.