Fairey Firefly

in Wikipedia, die vrye ensiklopedie
Jump to navigation Jump to search
Fairey Firefly
Fairey Firefly FR.1 Z2030 Ringway 04.46 edited-2.jpg
Fairey Firefly FR.1 in laat-Tweede Wêreldoorlogse kamoeflering
Tipe Veg/verkenningsvliegtuig
Vervaardiger Fairey Aviation Company
Nooiensvlug 22 Desember 1941
Bekendstelling 1943
Onttrek 1956 (Britse Vloot)
Status Uit diens gestel
Hoofgebruikers Britse Vloot
Koninklike Australiese Vloot
Kanadese Vloot
Nederlandse Vloot
Vervaardig 1941 - 1955
Aantal gebou 1 702

Die Fairey Firefly was 'n veg- en verkenningsvliegtuig wat deur die Britse Vloot gebruik is tydens die Tweede Wêreldoorlog op hulle vliegdekskepe. Dit was 'n tweesitplek, eenmotorige monovlerkvliegtuig. Dit het die Fairey Fulmar vervang. Die vliegtuig het sy nooiensvlug op 22 Desember 1941 voltooi.

Verbeterings[wysig | wysig bron]

Die vliegtuig se vlerke kon terugvou sodat dit in die loods van 'n vliegdekskip kon pas. Die Mk1, toegerus met 'n Griffon-motor, was ongeveer 64km/g vinniger as die Fulmar met 'n Merlin-motor; tog was dit nog te stadig vir die gemiddelde vegvliegtuig van die tyd.

Die Firefly was beter bewapen as die Fulmar; dit het oor vier 20 mm kanonne beskik teenoor die Fulmar se agt masjiengewere. 'n Voordeel van die Firefly is dat dit goeie hanteringseienskappe teen lae snelhede het, 'n absolute vereiste vir 'n vliegdekgebaseerde vliegtuig.

Nagvegter[wysig | wysig bron]

Daar is vroeg reeds in die produksie ook 'n nagvegterweergawe van die Fairey Firefly ontwikkel. Dit is toegerus met klein onderskepradars in die vlerke. Die ekstra toerusting aanboord het egter die vliegtuig se gravitasiepunt beinvloed en die nagvegter se romp is verleng met 47,7 cm. Die model het bekend gestaan as die N.F2. Die N.F2 was in klein getalle gebou omrede daar later beter radartoerusting beskikbaar was wat in die bestaande vliegtuig gepas het. Later is radar as 'n standaard op alle Firefly's geinstalleer. Die nagvegters is ook met spesiale gloedonderdrukkers op die uitlaatpype toegerus om die gloed te verskans.

Die Firefly is nie werklik 'n klassieke vegvliegtuig nie, maar het uitgemunt in die rol as 'n aanvals- en verkenningsvliegtuig. Die Firefly het sy eerste luggevegoorwinning behaal op 2 Januarie 1945 toe 'n vegter van 1770 Eskader 'n Japannese Oscar-vliegtuig afgeskiet het. Dit het naby 'n olieraffinadery in Sumatra gebeur.

In die weke na Japan oorgegee het is die Firefly gebruik om voorrade aan die krygsgevangenes te verskaf op die hoofeiland. Firefly's van die Britse Vloot het aan die Korea-oorlog deelgeneem asook in 1954 in Maleisië.

Tegniese besonderhede[wysig | wysig bron]

Fairey Firefly Mk I
Besonderhede van die Fairey Firefly F.1:
Item Statistiek
Aantal motors 1
Tipe motor Skroef
Vervaardiger Rolls-Royce Griffon XII
Kraglewering per motor 1 990 perdekrag
Vlerkspan 13,56 m
Lengte 11,46 m
Hoogte 4,14 m
Vlerkoppervlakte 30,48 m2
Normale opstygmassa 6 360 kg
Maksimumsnelheid 509 km/h
Operasionele hoogte 8 534 m
Togafstand 2 092 km
Bewapening Vier 20 mm kanonne in vlerke

Sien ook[wysig | wysig bron]

Bron[wysig | wysig bron]