Fernando Torres
 Torres in 2017 | |||
| Persoonlike inligting | |||
|---|---|---|---|
| Geboortedatum | 20 Maart 1984 | ||
| Geboorteplek | Fuenlabrada, Spanje | ||
| Lengte | 1,86 m[1] | ||
| Speelposisie | Aanvaller | ||
| Klubinligting | |||
| Huidige klub | Atlético Madrid B (afrigter) | ||
| Jeugloopbaan | |||
| 1989–1991 | Parque 84 | ||
| 1991–1994 | Mario's Holanda | ||
| 1994–1995 | Rayo 13 | ||
| 1995–2001 | Atlético Madrid | ||
| Seniorloopbaan* | |||
| Jare | Span | Kere† | (Doele)† |
| 2001–2007 | Atlético Madrid | 214 | (82) |
| 2007–2011 | Liverpool | 102 | (65) |
| 2011–2015 | Chelsea | 110 | (20) |
| 2014–2015 | → AC Milan (leen) | 10 | (1) |
| 2015–2016 | AC Milan | 0 | (0) |
| 2015–2016 | → Atlético Madrid (leen) | 49 | (14) |
| 2016–2018 | Atlético Madrid | 58 | (13) |
| 2018–2019 | Sagan Tosu | 35 | (5) |
| Totaal | 578 | (200) | |
| Nasionale span | |||
| 2000 | Spanje o/15 | 1 | (0) |
| 2001 | Spanje o/16 | 9 | (11) |
| 2001 | Spanje o/17 | 4 | (1) |
| 2002 | Spanje o/18 | 1 | (1) |
| 2002 | Spanje o/19 | 5 | (6) |
| 2002–2003 | Spanje o/21 | 10 | (3) |
| 2003–2014 | Spanje | 110 | (38) |
| Spanne bestuur | |||
| 2021–2024 | Atlético Madrid U19 | ||
| 2024– | Atlético Madrid B | ||
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Fernando José Torres Sanz (gebore 20 Maart 1984) is ’n Spaanse sokkerafrigter en voormalige speler wat as aanvaller gespeel het. Hy is tans die afrigter van Atlético Madrid B. Weens sy konstante doeltreffendheid as jong speler het Torres die bynaam El Niño (“Die Kind”) gekry, wat hom deur sy hele loopbaan gevolg het.[2] In sy beste jare is hy beskou as een van die beste doelskieters ter wêreld en was hy bekend vir sy spoed, doeltreffendheid en tegniese vaardighede.
Torres het sy loopbaan by Atlético Madrid begin, waar hy deur die jeugstelsel gevorder het tot in die eerstespan. Hy het in 2001 sy debuut gemaak en die klub verlaat met 75 doele in 174 La Liga-wedstryde. In 2007 het hy by die Premierliga-klub Liverpool aangesluit en die vinnigste speler in die klub se geskiedenis geword om 50 ligadoele aan te teken.[3] In 2008 het hy derde geëindig in beide die Ballon d’Or en die FIFA Wêreldspeler van die Jaar-toekennings. In Januarie 2011 het hy Liverpool verlaat om by Chelsea aan te sluit vir ’n destydse Premierliga-rekordbedrag van £50 miljoen, wat hom die duurste Spaanse speler in die geskiedenis gemaak het. By Chelsea het hy die FA-beker, die UEFA-kampioeneliga en die Europaliga gewen. Daarna het hy kortliks vir AC Milan gespeel voordat hy teruggekeer het na Atlético Madrid, waar hy die 2017/18 Europaliga gewen het. In Julie 2018 het hy by die Japannese klub Sagan Tosu aangesluit en in 2019 uit professionele sokker getree.
Torres het in 2003 sy debuut vir Spanje gemaak in ’n vriendskaplike wedstryd teen Portugal. Hy het 110 keer vir sy land gespeel en is die derde hoogste doelskieter in Spanje se geskiedenis met 38 doele. Hy het aan ses groot toernooie deelgeneem: UEFA Euro 2004, die 2006 Wêreldbeker, Euro 2008, die 2010 Wêreldbeker, Euro 2012, en die 2014 Wêreldbeker. Spanje het die toernooie van 2008, 2010 en 2012 gewen, en Torres het in albei die eindstryde van Euro 2008 en Euro 2012 gescore. Hy het die Goue Stewel gewen vir die meeste doele in die 2012-toernooi.
Verwysings
[wysig | wysig bron]- ↑ "9. Fernando Torres". Liverpool F.C. Geargiveer vanaf die oorspronklike op 4 Januarie 2009. Besoek op 12 Januarie 2009.
- ↑ "El Nino Nickname - What does it mean and how did it come about? - Player Biography and Profile". www.sports-king.com. Geargiveer vanaf die oorspronklike op 24 Mei 2022. Besoek op 28 Mei 2022.
- ↑ "Counterattack: Is Torres The Best Striker In The World? | Goal.com". www.goal.com. Geargiveer vanaf die oorspronklike op 27 Mei 2022. Besoek op 27 Mei 2022.
