Gaan na inhoud

Fidjiaanse nasionale vrouerugbyspan

in Wikipedia, die vrye ensiklopedie
Fidji
Unie Fidjiaanse Rugbyunie (FRU)
Bynaam(e) Fijiana
Embleem die palmboom
Stadion HFC Bank-stadion, Suva
Kapasiteit 25 000
Afrigter(s) Vlag van Wallis Ioan Cunningham (sedert 2025)
Kaptein(s) Sereima Leweniqila
Spankleure
Alt. kleure
Eerste internasionale wedstryd
Vlag van Fidji Fidji 15–27 Samoa Vlag van Samoa
(Nukuʻalofa, Tonga; 14 April 2006)
Grootste oorwinning
Vlag van Fidji Fidji 152–0 Papoea-Nieu-Guinee Vlag van Papoea-Nieu-Guinee
(Papakura, Nieu-Seeland; 9 Julie 2022)
Grootste nederlaag
Vlag van Fidji Fidji 19–84 Engeland Vlag van Engeland
(Auckland, Nieu-Seeland; 8 Oktober 2022)
Wêreldbeker
Verskynings 2/10 (Eerste in 2021)
Beste uitslag Groepfase in 2021 en 2025
Unie webwerf
www.fijirugby.com

Die Fidjiaanse nasionale vrouerugbyspan (Engels: Fiji women’s national rugby union team) is die nasionale vrouerugbyspan wat Fidji in internasionale wedstryde (toetswedstryde) verteenwoordig. Rugby word in Fidji geadministreer deur die Fidjiaanse Rugbyunie (Fiji Rugby Union, FRU) wat in 1913 gestig is. Fidji se bynaam is Fijiana en hulle speel tradisioneel in wit truie met swart broeke. Fidji is een van die min lande waar rugby die hoofsport is.[1]

Fidji het in 2006 sy eerste internasionale wedstryd teen Samoa gespeel. Die span neem deel aan die jaarlikse Oseanië Rugby Vrouerugbykampioenskap, saam met Papoea-Nieu-Guinee, Samoa en Tonga. Fidji het twee keer vir die vrouerugbywêreldbekertoernooi gekwalifiseer, maar hulle is in 2021 en 2025 in die groepfase uitgeskakel. Die Fidjiaanse vrouerugbyspan is tans (September 2025) 14de op Wêreldrugby se wêreldranglys gelys.[2]

Beheerliggaam

[wysig | wysig bron]
Die hoofartikel vir hierdie afdeling is: Fidjiaanse Rugbyunie.

Die beheerliggaam vir rugby in Fidji is die Fidjiaanse Rugbyunie (Engels: Fiji Rugby Union, FRU). Die Fidjiaanse Rugbyunie is in 1913 gestig en het in 1987, net voor die eerste mansrugbywêreldbekertoernooi, ’n volle lid van die Internasionale Rugbyvoetbalraad (IRVR; nou Wêreldrugby) geword.[3] Daarbenewens was die Fidjiaanse Rugbyunie in 2000 ’n stigtingslid van die Vereniging van Oseaniese Rugbyunies (Federation of Oceania Rugby Unions, FORU; nou Oseanië Rugby).[4]

Geskiedenis

[wysig | wysig bron]

Oorsprong

[wysig | wysig bron]

Fidji het sy heel eerste wedstryd in 1997 teen ’n besoekende Amerikaanse span gespeel. In 2006 het die eerste amptelike toetswedstryd teen Samoa tydens die Stille Oseaan-vrouedrienasiesbeker gevolg.

Tien jaar ná die Stille Oseaan-vrouedrienasiesbeker is die Oseanië Rugby Vrouerugbykampioenskap gestig. Die eerste Oseanië Rugby Vrouerugbykampioenskap 2016 is op die ANZ Nasionale Stadion in Suva tussen Fidji en Papoea-Nieu-Guinee beslis.[5] Dié toernooi het gelyktydig gedien as Vrouerugbywêreldbeker 2017-kwalifisering.[5] Die Fidjiane het die toernooi met ’n 37–10-oorwinning beklink en die volgende kwalifiseringsrondte gehaal.[6]

In die uitspeelrondte het Fidji teen Hongkong en Japan te staan gekom, maar albei wedstryde verloor en vervolgens die Vrouerugbywêreldbeker 2017 misgeloop.[7] In 2018 kon Fijiana die tweede Oseanië Rugby Vrouerugbykampioenskap 2018 beklink en daarmee sy titel onoorwonne verdedig.[8]

Die Oseanië Rugby Vrouerugbykampioenskap was gelyktydig deel van die Vrouerugbywêreldbeker 2021-kwalifisering in Nieu-Seeland. Oseanië het vir die eerste keer oor sy eie kwalifiseringsplek by die vrouerugbywêreldbekertoernooi beskik. Australië en Nieu-Seeland het weens hul goeie prestasie tydens die vorige toernooi regstreeks gekwalifiseer, waardeur Fijiana die kwalifiseringsplek kon bespreek en ook vir die eerste keer vir ’n vrouerugbywêreldbekertoernooi gekwalifiseer het.[9][10]

In 2022 het die Fidjiane in Brisbane twee toetswedstryde teen Australië en Japan gespeel.[11][12] Dit was hulle eerste ontmoeting ooit met Australië en hul tweede wedstryd teen Japan.[13] Fidji het die Oseanië Rugby Vrouerugbykampioenskap 2022 in Nieu-Seeland beklink.[14][15][16] Tydens dié toernooi het die span geskiedenis gemaak met sy 152–0-oorwinning oor Papoea-Nieu-Guinee in Papakura, Nieu-Seeland.[17][18]

Eerste wêreldbekerdeelname

[wysig | wysig bron]

In 2022 is Fijiana in sy eerste groepwedstryd afgeransel deur Engeland wat 14 drieë gedruk en met 84–19 geseëvier het.[19][20] Daarna kon hulle hul eerste wêreldbekeroorwinning ooit aanteken deur Suid-Afrika met 21–17 te klop.[21][22] Ná hul oorwinning het die Fidjiane met die 16de plek hul beste plek op Wêreldrugby se wêreldranglysm behaal.[23][24] Frankryk het in die laaste groepwedstryd teen Fidji geen punte afgestaan nie en met 44–0 geseëvier.[25][26] Daarmee het hulle in die negende plek geëindig.[27]

Tweede wêreldbekerdeelname

[wysig | wysig bron]

Fidji het die Oseanië Rugby Vrouerugbykampioenskap 2024 beklink en sodoende vir die Vrouerugbywêreldbeker 2025 in Engeland gekwalifiseer.[28][29] Die Fidjiane is egter ná twee nederlae teen Kanada en Skotland in die groepfase uitgeskakel.[30] Hul troosprys was ’n oorwinning in die laaste groepwedstryd oor Wallis.

Kleure, embleem en bynaam

[wysig | wysig bron]

Fidji speel tradisioneel in ’n wit trui met swart kleuraksente, wit broeke en swart-wit-gestreepte sokkies. Hul alternatiewe trui is swart met wit kleuraksente, wit broeke en wit sokkies met swart bane.

Die beheerliggaam Fidjiaanse Rugbyunie se kenteken toon ’n palmboom in swart voor ’n gestileerde rugbybal met ’n swart fraiing en die belettering Fiji Rugby daaronder. Die nasionale span se bynaam is Fijiana.

Tuisstadion

[wysig | wysig bron]

Fidji se tuisstadion is die HFC Bank-stadion in die hoofstad Suva wat in 1951 opgerig is. Ná opknappings in 1978/79 en 2012 het dit ’n kapasiteit van 15 000.[31][32]

Toetswedstryde

[wysig | wysig bron]

Fidji het 14 van sy 28 toetswedstryde gewen, ’n wenrekord van 50,00%. Fidji se statistieke in toetswedstryde teen alle lande, in alfabetiese volgorde, is soos volg (korrek teen September 2025):

Opponent Gespeel Gewen Verloor Gelykop % Gewen
Vlag van Australië Australië 2 0 2 0 0,00
Vlag van Engeland Engeland 1 0 1 0 0,00
Vlag van Frankryk Frankryk 1 0 1 0 0,00
Vlag van Hongkong Hongkong 2 0 2 0 0,00
Vlag van Japan Japan 2 0 1 0 0,00
Vlag van Kanada Kanada 2 0 2 0 0,00
Vlag van Papoea-Nieu-Guinee Papoea-Nieu-Guinee 4 4 0 0 100,00
Vlag van Samoa Samoa 7 4 3 4 57,14
Vlag van Skotland Skotland 1 0 1 0 0,00
Vlag van Suid-Afrika Suid-Afrika 1 1 0 0 100,00
Vlag van Tonga Tonga 4 4 0 0 100,00
Vlag van Wallis Wallis 1 1 0 0 100,00
Algeheel 28 14 14 0 50,00

Rekords

[wysig | wysig bron]

Wêreldbekerrekord

[wysig | wysig bron]

Fidji het tot dusver vir twee vrouerugbywêreldbekertoernooie gekwalifiseer. Hulle is tydens die 2021- en 2025-toernooie egter ná een oorwinning elk in die groepfase uitgeskakel.

Jaar Uitslag
1991 Nie deelgeneem nie
1994 Nie deelgeneem nie
1998 Nie deelgeneem nie
2002 Nie deelgeneem nie
2006 Nie deelgeneem nie
2010 Nie gekwalifiseer nie
2014 Nie gekwalifiseer nie
2017 Nie gekwalifiseer nie
2021 Groepfase
2025 Groepfase
2029 N.v.t.
2033 N.v.t.

Oseanië Rugby Vrouerugbykampioenskap

[wysig | wysig bron]

Fidji se enigste jaarlikse toernooi sedert 2016 is die Oseanië Rugby Vrouerugbykampioenskap, waartydens hulle teen Papoea-Nieu-Guinee, Samoa en Tonga speel. Hulle het die toernooi vier keer gewen.

  • Titeloorwinnings (4): 2016, 2018, 2022, 2024

Spelers

[wysig | wysig bron]

Huidige span

[wysig | wysig bron]

Die volgende spelers het die Fidjiaanse span gevorm tydens die Vrouerugbywêreldbeker 2025:[33]

Agterspelers (backs)
Speler Posisie Klub Toetswedstryde
Kolora Lomani Skrumskakel Fijian Drua 17
Salanieta Kinita Losskakel Fijian Drua 15
Setaita Railumu Losskakel Fijian Drua 20
Verenaisi Ditavutu Senter Fidji Sewes 01
Rusila Nagasau Senter Fijian Drua 12
Alowesi Nakoci Senter Fijian Drua 07
Josifini Neihamu Senter Fijian Drua 03
Ilisapeci Delaiwau Vleuel Fidji Sewes 05
Kelerayani Luvu Vleuel Fidji Sewes 00
Mere Vocevoce Vleuel Fidji Sewes 00
Litiana Vueti Vleuel Fijian Drua 02
Adi Salote Nailolo Vleuel klubloos 01
Ema Adivitaloga Heelagter Fijian Drua 20
Michellaʻe Stolz Heelagter klubloos 02
Repeka Tove Heelagter Fijian Drua 12
Voorspelers (forwards)
Speler Posisie Klub Toetswedstryde
Keleni Marawa Haker Fijian Drua 21
Selai Naliva Haker klubloos 01
Vika Matarugu Stut Fijian Drua 19
Tiana Robanakadavu Stut Fijian Drua 18
Loraini Senivutu Stut Fijian Drua 13
Bitila Tawake Stut Fijian Drua 23
Bulou Wainikiti Vasuturaga Stut klubloos 09
Jade Coates Slot Chiefs Manawa 09
Mereoni Nakesa Slot Fijian Drua 23
Asinate Serevi Slot Fijian Drua 27
Nunia Daunimoala Losvoorspeler Fijian Drua 17
Alfreda Fisher Maria Kaptein Losvoorspeler Fijian Drua 08
Karalaini Naisewa Losvoorspeler Fijian Drua 28
Adi Salaseini Railumu Losvoorspeler Fijian Drua 04
Sulita Waisega Losvoorspeler Fijian Drua 24
Carletta Yee Losvoorspeler Fijian Drua 01
Manuqalo Komaitai Losvoorspeler klubloos 02

Bekende spelers

[wysig | wysig bron]

Tot dusver is nog geen Fidjiaanse speler in Wêreldrugby se Heldesaal opgeneem nie.

Afrigters

[wysig | wysig bron]

Die volgende persone het al as hoofafrigters van Fijiana gedien:

Naam Tydperk
Vlag van Fidji Seremaia Bai 2016
Vlag van Fidji Senirusi Seruvakula 2020–2022
Vlag van Fidji Inoke Male 2023
Vlag van Fidji Mosese Rauluni 2024
Vlag van Wallis Ioan Cunningham sedert 2025

Sien ook

[wysig | wysig bron]
Rugbyportaal

Verwysings

[wysig | wysig bron]
  1. ↑ (en) "Rugby History in Fiji". Teivovo. Geargiveer vanaf die oorspronklike op 14 November 2007. Besoek op 14 November 2007.
  2. ↑ (en) "Women's and Men's Rankings". Wêreldrugby. Besoek op 8 September 2025.
  3. ↑ (en) "Fiji". Wêreldrugby. Besoek op 22 September 2024.
  4. ↑ (en) Robert F. Dewey (2012). John Nauright, Charles Parrish (red.). Rugby Union Football, Pacific Islands (1 uitg.). Santa Barbara: ABC-Clio. pp. 445–447. ISBN 978-1-59884-300-2. {{cite book}}: |work= ignored (hulp)
  5. ↑ 5,0 5,1 (en) "Women's RWC qualification at Stake in Inaugural Oceania Championship". Fidjiaanse Rugbyunie. Besoek op 6 Junie 2025.
  6. ↑ (en) "Fijiana Win Inaugural Oceania Women's Championship". Oseanië Rugby. 10 November 2016. Geargiveer vanaf die oorspronklike op 10 November 2016. Besoek op 10 November 2016.
  7. ↑ (en) "Japan and Hong Kong qualify for Women's World Cup". Wêreldrugby. 13 Desember 2016. Besoek op 23 April 2022.
  8. ↑ (en) "Fiji win Oceania Rugby Women's Championship title". rugbyworldcup.com. 29 November 2021. Geargiveer vanaf die oorspronklike op 29 November 2021. Besoek op 29 November 2021.
  9. ↑ (en) "Fiji qualify for Rugby World Cup 2021". rugbyworldcup.com. 30 November 2019. Besoek op 23 April 2022.
  10. ↑ (en) "Fijiana still in awe after qualifying for 2021 RWC". Fijian Broadcasting Corporation. 5 Desember 2019. Geargiveer vanaf die oorspronklike op 25 Januarie 2020. Besoek op 25 Januarie 2020.
  11. ↑ (en) "Rooster Chicken to sponsor Fijiana 15s for two historic test matches while Seruvakula names four new overseas-based players". The Fiji Times. 29 April 2022. Besoek op 6 Junie 2025.
  12. ↑ (en) "Fiji hope to harness Super W momentum against Japan and Australia". rugbyworldcup.com. 29 April 2022. Besoek op 15 Mei 2022.
  13. ↑ (en) "Everything you need to know about the Wallaroos Road to New Zealand tests". Women Rugby. 3 Mei 2022. Besoek op 6 Junie 2025.[dooie skakel]
  14. ↑ (en) "Fijiana win Oceania Rugby Womens Championship in a thriller". Oseanië Rugby. 17 Julie 2022. Besoek op 6 Junie 2025.
  15. ↑ (en) Rohit Deo (18 Julie 2022). "Fijiana 15s win Oceania tournament". The Fiji Times. Besoek op 6 Junie 2025.
  16. ↑ (en) Naveel Krishant (17 Julie 2022). "Fijiana 15's win Oceania Rugby Women's Championship". Fiji Village. Besoek op 6 Junie 2025.
  17. ↑ (en) Karalaini Tavi (9 Julie 2022). "Fijiana trounces PNG". Fijian Broadcasting Corporation. Geargiveer vanaf die oorspronklike op 28 Januarie 2023. Besoek op 28 Januarie 2023.
  18. ↑ (en) Antonio Rahiman (9 Julie 2022). "Fijiana thrash PNG in a record 152-0 win". Fiji Village. Besoek op 6 Junie 2025.
  19. ↑ (en) Lee Calvert (8 Oktober 2022). "14-try England overrun Fiji to make Women's Rugby World Cup statement". The Guardian. Besoek op 6 Junie 2025.
  20. ↑ (en) "Favourites England hand Fiji 14-try mauling at World Cup". Reuters. 8 Oktober 2022. Besoek op 6 Junie 2025.
  21. ↑ (en) "Fiji strike late to snatch first World Cup victory". Reuters. 16 Oktober 2022. Besoek op 6 Junie 2025.
  22. ↑ (en) "Thrill-a-minute Fijiana record first-ever Rugby World Cup win". Women Rugby. 16 Oktober 2022. Geargiveer vanaf die oorspronklike op 14 Januarie 2025. Besoek op 14 Januarie 2025.
  23. ↑ (en) Marika Rasekaseka (17 Oktober 2022). "Fijiana moved to 16th place in World Rugby ranking by beating South Africa". Fiji Village. Besoek op 6 Junie 2025.
  24. ↑ (en) Venina Rakautoga (17 Oktober 2022). "Fijiana moves up in ranking". Fijian Broadcasting Corporation. Besoek op 17 Oktober 2022.[dooie skakel]
  25. ↑ (en) Paulini Curuqara (24 Oktober 2022). "France in quarter-finals". The Fiji Times. Besoek op 6 Junie 2025.
  26. ↑ (en) Rusiate Baleilevuka (22 Oktober 2022). "Fijiana go down to France 44-0 in their last WRWC match". Fiji Village. Besoek op 6 Junie 2025.
  27. ↑ (en) "2021 Women's Rugby World Cup". rugbyworldcup.com. Besoek op 6 Junie 2025.
  28. ↑ (en) "Fijiana XV Secures Direct Qualification to Rugby World Cup 2025". Oseanië Rugby. 2 Junie 2024. Besoek op 6 Junie 2025.
  29. ↑ (en) "History-making Fiji and Hong Kong China move up World Rugby Women's Rankings". Wêreldrugby. 3 Junie 2024. Besoek op 6 Junie 2025.
  30. ↑ (en) Ceri Coleman-Phillips (30 Augustus 2025). "Wales suffer World Cup exit after defeat by Canada". BBC. Besoek op 8 September 2025.
  31. ↑ (en) Anasilini Ratuva (9 Augustus 2012). "$17.5m for stadium upgrade". Fiji Sun. Geargiveer vanaf die oorspronklike op 30 November 2024. Besoek op 30 November 2024.
  32. ↑ (en) "ANZ Stadium". Fiji Sports Council. 2021. Besoek op 22 September 2024.
  33. ↑ (en) "Fijiana 15s Squad Named for Women's Rugby World Cup in England". Fidjiaanse Rugbyunie. 9 Augustus 2025. Besoek op 8 September 2025.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Fidjiaanse_nasionale_vrouerugbyspan&oldid=2836421"