Fjodor Stellofski

Fjodor Stellofski
Gebore	Fjodor Timofeijewitsj Stellofski Фёдор Тимофеевич Стелловский 1826 Moskou, Russiese Ryk
Sterf	27 April 1875 Sint Petersburg, Russiese Ryk
Beroep	uitgewer, redakteur

Fjodor Timofeijewitsj Stellofski (Russies: Фёдор Тимофеевич Стелловский, 1826, Moskou, Russiese Ryk, — 27 April 1875, Sint Petersburg) was 'n prominente Russiese uitgewer en redakteur.

Van die komponiste wie se musiek deur hom gepubliseer is, is Alexander Dargomyzhsky, Alexey Verstovsky, Alexander Serov, Alexander Egorovich Varlamov, Ivan Khandoshkin en Mikhail Glinka, wie se katalogus hy in 1857 aangekoop het. Die populêre werke van verskeie groot buitelandse komponiste, waaronder Mozart, Verdi en Weber is ook vir die eerste keer in Rusland deur Stellofski-uitgewers uitgegee.

In die jare tussen 1858 en 1860 redigeer en publiseer Stellofski Muzykalny i Teatralny Vestnik, en daarna die koerant Russky Mir, die tydskrifte Gudok en Yakor (Anker), sowel as die Musiekalbum, wat 'n aanvulling was tot die Pantheon tydskrif. In die 1860's het Stellofski ook die letterkundige uitgewersbedryf betree om die bekroonde reeks Die Werke deur Russiese Skrywers (Собрания сочинений русских авторов, 1861-1870) van stapel te stuur. As deel daarvan, het die eerste groot versamelings van verskeie prominente Russiese skrywers verskyn, waaronder Lev Tolstoi (Die Werke van, dele 1 en 2, 1864), Alexey Pisemsky (vol. 1-4, 1861—1867) en Fjodor Dostojefski (vol. 1-4, 1865—1870).