Fort Crealock

in Wikipedia, die vrye ensiklopedie

Fort Crealock is 'n fort wat tydens die Anglo-Zoeloeoorlog opgerig is om 'n drif deur die Matigulurivier (aMatikulu) te beskerm.

Hierdie fort was langs die huidige R102-pad by die Amatikulubrug by Gingindlovu geleë. Teenswoordig staan die Hoërskool Isinyabusi op die terrein en slegs sekere grondverskuiwings het oorgebly van die destydse vesting. Dit dra die naam van 'n militêre sekeretaris uit die tyd met die naam van luit.-kol. J.N. Crealock.