Fort Nongqayi

From Wikipedia
Jump to navigation Jump to search
Buiteaansig van Fort Nongqayi
Fort Nongqayi se ingang
Fort Nongqayi se kapel

Fort Nongqayi by Eshowe is gebou om die kaalvoet Zoeloe-polisiemag bekend as die Nongqayi te huisves.[1] Hul doel was om na die Anglo-Zoeloeoorlog die Britse gesag of te dwing en die resident-kommissaris, sir Melmoth Osborn, te beskerm.

Die fort is in 1883 'n 2 km van die middedorp gebou op 'n hooggeleë punt wat 'n uitsig na alle kante toe bied. Hierdie polisie-eenheid was tot 1904 hier gevestig en toe ontbind, maar in 1906 weer byeengeroep om die owerheid te help om die Bambata-rebellie te onderdruk. Daarna is dit finaal ontbind.

Die gebou het drie torings en 'n ruim binneplaas. In die mure is skietgate ingebou om moontlike aanvallers af te weer.

Sedert 1961 is die dorpsmuseum in en rondom die fort gevestig. Dit gee veral aandag aan die militêre, kulturele en sendinggeskiedenis van die streek.

Sien ook[edit | edit source]

Verwysings[edit | edit source]

Koördinate: 28°53′16″S 31°28′30″O / 28.88778°S 31.47500°O / -28.88778; 31.47500