Fort Pine
Fort Pine in KwaZulu-Natal het ‘n rol gespeel in die Anglo-Zoeloeoorlog van die laat 19de eeu. Dit is dus deel van die toeristiese Slagveldroete in die noorde van die provinsie.
Ligging
[wysig | wysig bron]Die fort (aanvanklik bekend as Dundee Laager) is 20 km suidoos van Dundee op die Biggarsberg by 28° 13′ 6″ suid en 30° 21′ 20″ oos. Vanaf die vestinkie is daar ‘n wye uitsig van Ladysmith tot Majuba.
Vesting
[wysig | wysig bron]Dit is in 1878 deur die Royal Engineers gebou, dra waarskynlik die naam van Benjamin Pine en bestaan uit gepakte klipmure van tot 14 m hoog. In die mure is skietgate, twee ingange en twee torings op van die hoeke. Dit kan onderdak verskaf aan 25 man en 30 perde en daar was magasyne, pakkamers en kantore sowel as ‘n put vir drinkwater. Teenswoordig staan die bouval op private terrein.
Gebruik
[wysig | wysig bron]Alhoewel die fort nooit aangeval is nie, sou dit sterk genoeg wees om ‘n aanval deur Cetshwayo se magte te weerstaan, is geglo. Na die Slag van Isandlwana en die Slag van Rorke's Drift het 300 mense van die omgewing hier geskuil. Later jare is dit nog benut deur die Buffalo Border Guard en die Newcastle Mounted Rifles.
Bibliografie
[wysig | wysig bron]- kznpr.co.za/dundee-fort-pine-s-28-13-107-e-30-21-377/
- redcoathistory.com/2021/04/09/fort-pine
- theheritageportal.co.za/files/fort-pine-plan-talana-museum.jpg