Frederick John Werendly van der Riet
Frederick John Werendly van der Riet (1868 – 1929) was 'n regter van die Oostelike Distriktehof in die Oos-Kaap. Hy is in 1868 in Swellendam gebore. Hy ontvang sy opleiding op Stellenbosch, begin met 'n loopbaan in die staatsdiens van die Kaapkolonie maar word in 1894 tot die balie toegelaat. Van 1897 tot 1899 het hy in die Transvaal gepraktiseer en keer terug na Grahamstad waar hy lank gewoon het. In 1912 word hy 'n lid van die Parlement en word in 1923 regter. Hy is in 1929 oorlede.
