Front Nasionaal

in Wikipedia, die vrye ensiklopedie
Spring na: navigasie, soek
Front Nasionaal
FN
Logo van die betrokke party.

Leier Hannes Engelbrecht
Gestig 7 Desember 2013
Voorafgegaan deur Federale Vryheidsparty
Hoofkwartier Pretoria, Gauteng
Ideologie Volksnasionalisme, Christen-demokrasie, selfbeskikking
Amptelike kleure Rooi en Blou
Webblad http://frontnasionaal.net

Front Nasionaal (afgekort: FN) is ’n eenheid van Afrikaner-organisasies en politieke partye wat saam aan die Suid-Afrikaanse algemene verkiesing van 2014 deelgeneem het. Hulle hoofdoel is om uiteindelike selfbeskikking te bekom en vir die regte van die Afrikaner en ander Europese volke te veg.[1]

Die nuwe party is op 7 Desember 2013 by Das Gasthaus in Capital Park, Pretoria bekendgestel. Hannes Engelbrecht, ’n joernalis van Potchefstroom en aktivis van die Boere-Krisis-Aksie is as die party se eerste leier verkies.[2] Federale Vryheidsparty kanselier, Willie Cloete is verkies tot operasionele bestuurder en Onderleier. Front Nasionaal is ’n voortvloeisel uit die Federale Vryheidsparty[3] en ook so by die Suid-Afrikaanse Onafhanklike Verkiesingskommissie geregistreer.

Partybeleid[wysig | wysig bron]

Die FN se amptelike partybeleid spruit uit die Verenigde Nasies se resolusie 2649 (XXV) van 30 November 1970 wat aan groepe die reg tot selfbeskikking gee:

  • die party aanvaar die legitimiteit van onderdrukte mense se reg tot selfbeskikking en om daardie reg na te jaag met enige middels tot hulle beskikking;
  • erken die reg van onderdrukte mense om in die uitvoering van hulle reg tot selfbeskikking te vra vir morele en materiële ondersteuning in ooreenstemming met resolusies van die Verenigde Nasies en in die gees van die Handves van die Verenigde Nasies;
  • doen ’n beroep op alle regerings wat die reg tot selfbeskikking minag, om daardie reg te erken in ooreenstemming met internasionale strukture en die beginsels en gees van die VN Handves;
  • erken dat die verkryging en onthouding van grondgebied vir selfbeskikking ’n oortreding en minagting is van die Handves;
  • veroordeel regerings wat die reg op selfbeskikking weerhou van mense wat daarop geregtig is.

Beginsels[wysig | wysig bron]

Die FN staan vir die volgende beginsels:

  • Dat in ooreenstemming met Artikel 235 van die Suid-Afrikaanse Grondwet hulle die reg tot selfbeskikking opeis;
  • Dat alle diskriminerende wetgewing en praktyke gerig op mense op grond van hulle ras, onwettig verklaar word, met spesiale verwysing na:
    • Regstellende aksie
    • Swart ekonomiese bemagtiging
    • Kwotas in sport en onderwys
    • Grondhervorming
  • Dat die groep wat hulle reg tot selfbeskikking en uiteindelike onafhanklikheid opeis, as volg gedefinieer word:
    • die etniese groep bekend onder die naam "Afrikaner" en/of "Boer" en alle persone van Europese afkoms wat identifiseer met die groep;
    • gebaseer op die westerse/Europese lewensbeskouing en karakter wat betref taal, kultuur, gebruike en tradisies, godsdiens en geskiedenis;
  • Dat meganismes geskep word waaronder die spesifieke groep in beheer geplaas word van hulle eie geskiedenis, taal, onderwys en kultuurlewe in ooreenstemming met die proporsie tot die hoeveelheid belasting wat betaal word deur die persone wat hulle met die spesifieke etniese groep identifiseer;
  • Dat stappe geneem word om ’n grondgebied(e) te identifiseer binne die grense van die huidige Republiek van Suid-Afrika in ooreenstemming met die geskiedenis, demografie en ander faktore; en dat volle onafhanklikheid toegestaan word nadat ’n deeglike studie gedoen is oor grense.[4]

Verkiesingsresultate[wysig | wysig bron]

Verkiesing Stemme % Setels
2014 5,138 0.03% -

Sien ook[wysig | wysig bron]

Verwysings[wysig | wysig bron]

  1. Front Nasionaal: waarom ’n nuwe party nodig is, besoek op 9 Februarie 2014
  2. Bekendstelling van die FN, besoek op 9 Februarie 2014
  3. "Front Nasionaal se naamsverandering voltooi". FN. 23 FEbruarie 2014. Verkry op 2 Maart 2014.  Gaan datum na in: |date= (help)
  4. Die FN se webtuiste, besoek op 9 Februarie 2014

Eksterne skakels[wysig | wysig bron]