Fynbiesie

in Wikipedia, die vrye ensiklopedie
Jump to navigation Jump to search

Fynbiesie
Die Pflanzenwelt Afrikas, insbesondere seiner tropischen Gebiete - Grundzge der Pflanzenverbreitung im Afrika und die Charakterpflanzen Afrikas (1910) (20319233333).jpg
Wetenskaplike klassifikasie
Koninkryk:
(klade):
(klade):
(klade):
Orde:
Familie:
Subfamilie:
Tribus:
Genus:
Spesie:
B. hispidula
Binomiale naam
Bulbostylis hispidula
(Vahl) R.W.Haines

Die fynbiesie (Bulbostylis hispidula (Vahl) R.W.Haines) is 'n plant wat inheems is aan Suid-Afrika, Eswatini, Botswana en Namibië. Die subspesie pyriformis kom in alle Suid-Afrikaanse provinsies behalwe die Wes-Kaap voor. Op die SANBI-rooilys is dit as 'veilig' (LC) gelys.[1]

Die spesie het 'n amper pantropiese verspreiding: Sentrale en noordelike Suid-Amerika, westelike, sentrale, noordoostelike, oostelike en suidelike Afrika, en suidelike Madagaskar. Daar is verskeie subspesies wat dalk 'n beperkter voorkomsgebied het, maar dit is nie heeltemal seker nie. Dit groei in verskeie habitatte soos grasland wat 'n vogtige seisoen ken, droë sanderige plekke, oop droë grasland of moerasse langs die kus.[2]

Dit is 'n eenjarige of meerjarige plant wat polle vorm en 'n houtige wortelstok het wat aromaties is. Die stamme is 50 - 80 cm hoog en ongeveer 0,5 - 1,5 mm in deursnee. Die blare is aan die stam se basis bevestig. Die skedes is liggroen en digbehaard tot amper kaal. Die blare is 0,5 mm breed en minder as 15 cm lank, dikwels net 1 - 2 cm. Dit kry eivormige stekeltjies 4-15 mm lank en 2-4 mm breed. De chromosoomgetal is n=5[3]

Verwysings[wysig | wysig bron]

  1. SANBI-rooilys.
  2. eol.
  3. Fibres, Brink, M. & Achigan-Dako, E.G., PROTA, 2012, ISBN 9290814810, ISBN 9789290814818 bls. 68