Fynskrif
| Fynskrif | |
| Genre | Regsdrama |
|---|---|
| Geskep deur | kykNET |
| Geskryf deur | Louis Pretorius en Albert Snyman |
| Temamusiekkomponis | Braam du Toit |
| Oorsprong |  Suid-Afrika |
| Taal | Afrikaans |
| Aantal seisoene | 3 |
| Aantal episodes | 39 |
| Produksie | |
| Vervaardiger(s) | Louis Pretorius en Albert Snyman |
| Redigeerder(s) | Eva du Preez |
| Kinematografie | Jorrie van der Walt |
| Looptydperk | 48 minute (omtrent) |
| Produksiemaatskappy | Moebius Films |
| Uitsending | |
| Oorspronklike kanaal | kykNET |
| Beeldformaat | HD |
| Oorspronklike lopie | 10 Julie 2018 – 7 Julie 2020 |
Fynskrif is 'n drama wat gesentreer is rondom die regsfirma, Van Wyk & Vennote. Die reeks is vanaf 10 Julie 2018 op KykNET (DStv kanaal 144) uitgesaai.
In elk van die 13 episodes het die prokureurs 'n saak wat hulle tussendeur persoonlike en familiedramas moet hanteer.
Kykers identifiseer dit as 'n mengsel tussen reekse soos The Good Wife, Boston Legal, Parenthood en Brothers & Sisters en daar is ewe veel drama en komedie regdeur die reeks. Die reeks begin met een van die vennote wat aftree en fokus op siviele (en nie kriminele/straf) sake, daar is geen hofdrama nie. Daar word eerder op vooraf besprekings en skikkings van sake en die emosie daaragter gefokus.
Reeks 1 - 3 was Dinsdae aande om 20h00 op KykNET uitgesaai.
Reekse[wysig | wysig bron]
| Reeks | Episodes | Oorspronklik uitgesaai | ||
|---|---|---|---|---|
| Eerste uitgesaai | Laaste uitgesaai | |||
| 1 | 13 | 10 Julie 2018 | 2 Oktober 2018 | |
| 2 | 13 | 8 Oktober 2019 | 31 Desember 2019 | |
| 3 | 13 | 14 April 2020 | 7 Julie 2020 | |
Rolverdeling[wysig | wysig bron]
- Neels van Jaarsveld as Ben van Wyk
- Tinarie van Wyk-Loots as Lara Kruger
- Chris van Niekerk as Hans van Wyk
- Cintaine Schutte as Katrien Nienaber
- Kim Cloete as Anne Matthews
- Beer Adriaanse as Corne Hanekom
- Charlton George as Dolf Ungerer
- Edwin van der Walt as Wian Marais
- Crystal Donna Roberts as Thandi Ndlovu
- Marguiriette van Eeden as Alex Kruger
- Luan Jacobs as Luke van Wyk
- Jacques Bessenger as Jaco Kruger
- Mia van der Merwe as Bella van Wyk
- Susanne Beyers as René van Wyk
- Elana Afrika as Gertrude
- Armand Aucamp as Ivan Nel
- Lea Vivier as Lilani
- De Klerk Oelofse as Simon
- Christia Visser as Adele Marais
- Rolanda Marais as Christelle
- Nicole Holm as Inge
Produksie[wysig | wysig bron]
Fynskrif word Dinsdagaande om 20h00 op KykNET uitgesaai.
Op 22 Oktober 2018 het KykNET aangekondig dat Fynskrif vir 'n 2de seisoen hernu is wat vanaf 8 Oktober 2019 uitgesaai sal word. Op 31 Desember 2019 kondig KykNET aan dat Fynskrif vir 'n 3de en finale seisoen hernu is wat vanaf 14 April 2020 uitgesaai sal word.
Die reeks is ook beskikbaar op Showmax en DStv Now.
Episodes[wysig | wysig bron]
Reeks 1 (2018)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 1 | 1 | 'n Oorgewig meisie dagvaar 'n ingeniersfirma dat hulle teen haar gewig diskrimineer. Twee paartjies ontdek dat hulle kinders by geboorte omgeruil is en die een vrou wil haar kind terug hê. | 10 Julie 2018 |
| 2 | 2 | 'n Afrikaanse gospelsangeres pleeg selfmoord en 'n ander sanger word deur haar ma gedagvaar vir verlies van inkomste nadat daar naakfoto's van haar op die internet uitlek. | 17 Julie 2018 |
| 3 | 3 | 'n Egpaar se kind is in 'n koma na 'n tref en trap. Die man wil die masjiene afskakel maar sy vrou weier. | 24 Julie 2018 |
| 4 | 4 | Lara maak 'n onverwagse vriend. Corne loop hom vas teen 'n klient van Hans. Ben vind uit Bella stel belang in iemand. Katrien probeer haar verhouding met Sam red. | 31 Julie 2018 |
| 5 | 5 | Lara maak planne om haar eie praktyk te begin, maar probleme ontstaan as Katrien 'n nuwe klient aanneem. Corne kry liefdeslesse by Thandi. | 7 Augustus 2018 |
| 6 | 6 | Anne help 'n vrou met onderhoud vir haar kind. Katrien en Ben sukkel om hul houding te definieer. Daar's spanning tussen Hans en Lara. | 14 Augustus 2018 |
| 7 | 7 | Thandi probeer 'n vriend van universiteit help. Corne moet onverwags dokter toe. Alex kan die spanning tussen haar ouers nie verduur nie. | 21 Augustus 2018 |
| 8 | 8 | Katrien raak betrokke by 'n universiteits-verhoor. Corne herstel na sy operasie. Ben moet sy gevoelens oor Tamryn uitpluis. | 28 Augustus 2018 |
| 9 | 9 | Anne en Wian ontdek 'n skokkende waarheid. Ben moet kies: Tamryn of Katrien. Hans maak die lewe vir Corne moeilik. | 4 September 2018 |
| 10 | 10 | Lara is woedend na 'n insident by Alex se skool. Ben besef iemand stel belang in Dolf. Klara stel Corne voor 'n moeilike keuse. | 11 September 2018 |
| 11 | 11 | 18 September 2018 | |
| 12 | 12 | Spoke uit Hans se verlede maak hul opwagting. Corne geniet sy nuutgevonde vryheid. Anne en Wian se stryd om die kind bereik breekunt. | 25 September 2018 |
| 13 | 13 | Almal is in 'n wedloop teen tyd gewikkel om die praktyk te red. Corne betwyfel sy loopbaan en Katrien stel Ben voor 'n keuse. | 2 Oktober 2018 |
Reeks 2 (2019)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 14 | 1 | Lara probeer desperaat die praktyk red, terwyl Katrien vir Kobus uit die tronk moet hou. Corne se toekoms in onseker en Anne se lewe het 'n nuwe draai geneem. Hans geniet sy aftrede. | 8 Oktober 2019 |
| 15 | 2 | Katrien is desperaat vir 'n deurbraak in die Kobus saak. Lara ignoreer Lilani wat potensieel katastrofies kan wees. Wian sukkel om vrede te maak met die verlede. Gertrude verras Dolf. | 15 Oktober 2019 |
| 16 | 3 | Anne se aand uit ontaard in 'n nagmerrie. Dolf het groot planne vir die troue, wat Gertrude laat skrik. Wian neem 'n tree die toekoms in. Ben en Lelani vryf mekaar verkeerd op. | 22 Oktober 2019 |
| 17 | 4 | Lara vra Corne om terug te keer na die praktyk. Lilani kan nie langer haar geheim wegsteek nie. Wian en Adele neem die eerste tree tot 'n verhouding. Ben maak 'n onverwagse ontdekking. | 29 Oktober 2019 |
| 18 | 5 | Dolf moet 'n nagmerrie kliënt verdedig. Corne en Hans het verskillende idees oor die regshulpkliniek. Anne is woedend vir Ben. Alex kry onverwagse hulp met haar angsversteuring. | 5 November 2019 |
| 19 | 6 | Ben en Katrien kruis swaarde by die werk. Anne en Corne probeer Nina uit die tronk hou. Alex se lewenskeuses frustreer Lara. Corne se verhouding met Lisa word verder gekompliseer. | 12 November 2019 |
| 20 | 7 | Corne kry 'n onverwagse besoeker. 'n Speletjies aand by Dolf-hulle word versuur deur Ben. Hans help 'n ou vriend. Simon word gedagvaar vir diefstal en Lara is siedend. | 19 November 2019 |
| 21 | 8 | Lara word genader deur Dewald om hom te help met 'n arbeidsgeskil. Corne se pa nooi hom op 'n gholf vakansie. Adele vind uit Wian vier nie sy verjaarsdag nie. 'n Ou liefde besoek Katrien. | 26 November 2019 |
| 22 | 9 | Die gevolge van Hans se hartaanval spoel deur die hele praktyk. Dolf twyfel in sy vermoë om 'n pa te wees. Wian jaag Adele die skrik op die lyf. Katrien wonder oor haar lewe en keuses. | 3 Desember 2019 |
| 23 | 10 | Katrien besef wat die werklike probleem is tussen haar en Ben. Jaco en Alex besef Lara het Dewald gehelp met sy egskeiding. Wian en Lilani kompeteer in 'n skynverhoor. | 10 Desember 2019 |
| 24 | 11 | Ben sukkel om Katrien se vertrek te verwerk. Lara behaal 'n groot oorwinning. Corne kry skokkende nuus. Anne sukkel met 'n ou kliënt. Hans probeer Renè uitoorlê. | 17 Desember 2019 |
| 25 | 12 | Hans merk kommerwekkende tekens in Rene se gedrag. Katrien vind die waarheid uit by Ben en is woedend. Lara probeer balans vind in haar lewe. Corne moet sy pa se dood verwerk. | 24 Desember 2019 |
| 26 | 13 | Terwyl Katrien se lewe aan 'n draadjie hang neem Ben 'n drastiese besluit, veg Lara vir haar huwelik, ontvang Rene onstellende nuus en neem Corne se lewe 'n onverwagse wending. | 31 Desember 2019 |
Reeks 3 (2020)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 27 | 1 | Katrien se toestand is kritiek. René en Hans deel belangrike nuus met die familie. Adele wend haar na Corne vir hulp en Lara is onseker of Jaco gaan terugkeer uit Spanje. | 14 April 2020 |
| 28 | 2 | Lara het haar hande vol met 'n egskeiding. Burger bied vir Katrien 'n nuwe werk aan. Rene staan voor 'n moeilike besluit en Lilani gee vir Corne baie slegte raad. | 21 April 2020 |
| 29 | 3 | Rene sukkel om aan te pas na haar operasie. Ben help 'n onderwyser wat geskors is. Adele en Wian sit vas oor Mandisa se toekoms en Luke steek 'n geheim vir sy gesin weg. | 28 April 2020 |
| 30 | 4 | Katrien begin by die staatsaanklaer en dis 'n nagmerrie. Corne leer dat nie almal wat hulp nodig het goed is. Spanning loop hoog tussen Wian en Adele en Lara en Jaco begin met terapie. | 5 Mei 2020 |
| 31 | 5 | Dis matriekafskeid en Tamryn verras Ben en die kinders. Corne het sy hande vol met die regshulpkliniek en Dolf en Wian moet 'n plofbare kliënte verdedig. | 12 Mei 2020 |
| 32 | 6 | Corne ontmoet Christelle se pa en dis 'n nagmerrie. Dewald keer terug en vra vir Lara om hom te verdedig in 'n bedrogsaak. Katrien is die aanklaer. Thandi maak haar terugkeer. | 19 Mei 2020 |
| 33 | 7 | Adele is histeries oor haar nuwe winkel wat oopmaak. Corne ontdek 'n skokkende geheim van sy ma. Gertrude en Dolf kry onverwagse nuus oor hul swangerskap. | 26 Mei 2020 |
| 34 | 8 | Terwyl Rene in remissie is, staan Ben en Lara voor groot besluite. Wian moet 'n mede-prokureur wat van diefstal aangekla is verdedig terwyl Katrien en Jack op nog 'n date gaan. | 2 Junie 2020 |
| 35 | 9 | Thandi het 'n kans om haar werk terug te kry, maar moet 'n onmoontlike saak oplos. Ben gaan na 'n konferensie en ontmoet 'n ou vriendin van Lara. 'n Ou kliënt van Lara keer terug. | 9 Junie 2020 |
| 36 | 10 | Lara probeer haar bes om Marco se onskuld te bewys terwyl Ben sy lot aanvaar as hoof van die praktyk. Luke en Richard gaan kamp terwyl Corne leer wat dit beteken om saam te bly. | 16 Junie 2020 |
| 37 | 11 | Lara twyfel in haarself en die landdros-posisie, terwyl Ben stadig maar seker breekpunt bereik. Katrien vertel uiteindelik vir Burger die waarheid oor Kobus. | 23 Junie 2020 |
| 38 | 12 | Dis Kersfees. Die Van Wyk gesin vier moontlik hulle laaste Kersfees saam met Rene. Corne raak haaks met Christelle se pa oor kersete. Dolf leer iets oor pa-wees by Gertrude se pa. | 30 Junie 2020 |
| 39 | 13 | Corné se sentrum vir regsdienste word geopen en die Van Wyk familie neem afskeid van René in Graaff-Reinet. | 7 Julie 2020 |