Gaby Casadesus
Gaby Casadesus (9 Augustus 1901 – 12 November 1999) was 'n Franse klassieke pianis en pedagoog wat in Marseille, Frankryk gebore was. Sy was getroud met die bekende Franse pianis Robert Casadesus. Hul seun Jean Casadesus was ook 'n gerekende pianis.
Sy het in 1921 met die pianis Robert Casadesus getrou, saam met wie sy die Robert en Gaby Casadesus duet gestig het.[1] [2] Die duet het baie opnames van die vier-handige klavier-repertorium gemaak. Gaby was egter ook 'n ietwat gerekende solis. Sy het die werke van Maurice Ravel, Gabriel Fauré, Florent Schmitt en Moritz Moszkowski geken, en die interpretasie van hul werke was deels deur haar gelei. Haar repertorium het die werke van Felix Mendelssohn, wie se musiek sy 'n voorstander van was, en die musiek van die Barok era, ingesluit.
Gaby Casadesus het in die VSA, die Salzburg Mozarteum, die Académie Maurice Ravel in Saint-Jean de Luz en by die Amerikaanse Konservatoria by Fontainebleau klas gegee. Van haar noemenswaardige studente was Donna Amato, David Deveau, Rudy Toth, en Vladimir Valjarević. Gaby Casadesus het saam met Grant Johannesen en Odette Valabrègue Wurtzburger die Robert Casadesus Internasionale Klavierkompetisie gestig wat in Cleveland, Ohio gebaseer is.[3]
Verwysings[wysig | wysig bron]
- ↑ David Cox and Charles Timbrell. "Casadesus." Grove Music Online. Oxford Music Online. Oxford University Press, besoek op 11 Oktober 2014, http://www.oxfordmusiconline.com/subscriber/article/grove/music/05056pg5.
- ↑ Jean-Pierre Thiollet, 88 notes pour piano solo, « Solo de duo », Neva Editions, 2015, p.97. ISBN 978-2-3505-5192-0
- ↑ David Cox and Charles Timbrell. "Casadesus." Grove Music Online. Oxford Music Online. Oxford University Press, besoek op 11 Oktober 2014, http://www.oxfordmusiconline.com/subscriber/article/grove/music/05056pg5.
| Hierdie artikel is in sy geheel of gedeeltelik vanuit die Engelse Wikipedia vertaal. |
Normdata  |
|
|---|