Galeries Lafayette
Die Galeries Lafayette, oorspronklik Les Galeries Lafayette Haussmann, is 'n Franse ketting van afdelingswinkels met 'n totaal van 63 winkels wêreldwyd, met die winkel op Boulevard Haussmann in Parys se 9de arrondissement.[1]
Lafayette se geskiedenis dateer terug na 1893, toe Théophile Bader en Alphonse Kahn 'n klein klerewinkel op die hoek van rue La Fayette en Chaussée d'Antin geopen het. Die winkel is in 1896 uitgebrei om 5 verdiepings met 'n totaal van 96 afdelings te hê, insluitend 'n biblioteek en 'n teekamer. Die 33 meter hoë koepel in Bisantyns-geïnspireerde styl is die gebou se landmerk. In die 1950's is twee verdiepings bygevoeg, en die eerste hysbakke is geïnstalleer. Vandag het die afdelingswinkel in Parys 10 verdiepings en is dit die ketting se vlagskip. Daar is takke in verskeie Franse stede.[2]
Die afdelingswinkel was 'n belangrike speler in die Franse modebedryf en het onder andere persele vir jong en belowende modeontwerpers voorsien. Dit het onder andere Daniel Hechter, Pierre Cardin, Cacharel en Yves Saint-Laurent daarby baat gevind.[3]
In 1998 is 'n tak in Berlyn, ontwerp deur Jean Nouvel, geopen.[4]
Verwysings
[wysig | wysig bron]Eksterne skakels
[wysig | wysig bron]
Wikimedia Commons het meer media in die kategorie Galeries Lafayette.
| Internasionaal | |
|---|---|
| Nasionaal | |
