Gamkaskloof
Die Gamkaskloof (ook bekend as 'Die Hel') is 'n nou geïsoleerde vallei omtrent 20 kilometer lank en 'n maksimum van 600 meter wyd geleë in die Swartberge.
Geskiedenis
Die Gamkaskloof is vermoedelik in die vroeë 19de eeu ontdek deur trekboere, maar die eerste inwoner (Petrus Swanepoel) het hom eers in 1830 permanent in die kloof gevestig. Na hom het die Marais, Cordier, Joubert, Mostert en Nel hulle ook in die kloof gevestig, en die gemeenskap het 'n maksimumgrootte van ongeveer 160 bereik. Die inwoners moes altyd te perd oor die Swartberge gaan na Prins Albert en Calitzdorp. Daar was later 'n skool en onderwyser wat op Sondae as kerk gedien het.
Hulle het hul eie koring, groente, vrugte, tee en tabak verbou. Verder het hulle ook witblits gestook en bier van wilde heuning gemaak.
Hulle het lank die regering gevra om 'n pad na die kloof te bou, en die uiteindelike voltooing in 1962 was sekerlik die begin van die einde vir die gemeenskap. Die kinders het hoërskole in die nabygeleë dorpe bygewoon en meeste het nie terug gekeer na die bestaanslewe in die vallei nie. Bejaardes het ook na aftree-oorde buite die kloof getrek en so het die getal inwoners verminder totdat die laaste persoon (Piet Swanepoel) sy huis in 1991 aan Kaapse Natuurbewaring verkoop het.
Die kloof is in 1997 tot nasionale monument verklaar en ingelyf by die Swartberg Natuur Reservaat. Die huisies is opgeknap en toegerus met sonkrag en badkamers.
Die Hel
Niemand is seker waar die naam vandaan kom nie. 'n Gewilde storie is dat ene Piet Botha ('n veeinspekteur) die vallei in die 1940s besoek het en 'n besondere moeilike pad bekend as 'die leer' geneem het. Hy het die ondervinding as 'hel' beskryf. Maar in 1901 tydens die Anglo-Boereoorlog het Deneys Reitz en sy kommando die kloof besoek en toe reeds daarna as 'Die Hel' verwys.
Die inwoners het nooit van die naam gehou nie en na hulle self as 'Kloovers' verwys.
Verwysings in ander Media
- In 'n Seisoen in die Paradys, deur B.B. Lazarus (Breyten Breytenbach) het hulle die Gamkaskloof besoek.
- Duiwelskloof deur André P. Brink is geïnspireer deur die Gamkaskloof, maar die storie is nie gebaseer op ware gebeure nie.
Bron Verwysings
- Die Hel
- IOL Oorspronlik gepubliseer in die Cape Times 19 Mei 20003
Eksterne skakels
|
Provinsie Wes-Kaap |
|---|---|
| Hoofstad: | |
| Streke: |
Kaapse Skiereiland | Kaapse Wynlande | Sentraal Karoo | Overberg | Tuinroete | Weskus |
| Grootste stede en dorpe: |
Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester |
| Munisipaliteite: |
Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Tuinroete | Weskus | Witzenberg |