Gareth Cliff

in Wikipedia, die vrye ensiklopedie
Jump to navigation Jump to search
Gareth Cliff
'n Beeld van die betrokke persoonlikheid.
Geboorte 26 Augustus 1977 (1977-08-26) (43 jaar oud)
Pretoria, Suid-Afrika
Nasionaliteit Suid-Afrikaans
Beroep(e) Omroeper en televisiepersoonlikheid
Internet-rolprentdatabasis-profiel

Gareth Rhydal Cliff (* 26 Augustus 1977 te Pretoria)[1] is 'n Suid-Afrikaanse omroeper en televisiepersoonlikheid. Cliff het sy radioloopbaan in 1998 by Tuks FM in Pretoria begin en later by 702 Talk Radio as vervaardiger aangesluit terwyl hy nog 'n student was. Hy het by daardie radiostasie gewild geword en het later John Berks se pos op die 702 Breakfast Show in 2001 oorgeneem.

In 2003 het hy 'n posaanbieding van die SAUK-jeugradiostasie 5FM aanvaar en lei tans die oggendprogram daar.[2] Op 10 Maart 2004 is Cliff vir twee dae by die 5FM-stasie geskors nadat hy die vorige dag 'n foponderhoud met Jesus van Nasaret gevoer het en klagtes van die publiek gelok het.[3] In sy voorafopgeneemde onderhoud het Cliff ook die rol van Van Nasaret behartig en dus met homself gepraat. Hy voer egter aan dat hy nie die Christelike religie wou satiriseer nie, maar eerder The Passion of the Christ-rolprent wat daardie maand in Suid-Afrika vrygestel sou word.[3]

Verwysings[wysig | wysig bron]

Eksterne skakels[wysig | wysig bron]