Gariepdam

Gariepdam
Die Gariepdamwal
Amptelike naam	Gariepdam
Ander naam	Lake !Gariep Hendrik Verwoerddam
Ligging	Vrystaat, Oos-Kaap
Provinsie/Land	Suid-Afrika
Koördinate	30°37′25.43″S 25°30′23.81″O
Dam in	Oranjerivier
Doel	Opgaardam, Hidroëlektrisiteit
Konstruksie begin	1965
Openingsdatum	1971
Eienaar	Departement Waterwese
Soort dam	Boog-gravitasiedam
Hoogte van wal	88 m
Lengte van wal	914 m
Bakmaat	5 340 600 miljoen m3
Sluise	6
Reservoir	Lake !Gariep
Opvanggebied	684 000 km2
Damoppervlak	374 km2
Turbines	4
Geïnstalleerde kapasiteit	90 MW elk
Maksimumkapasiteit	360 MW
Jaarlikse opwekking	889 GWh
Brug dra	Motorverkeer
Brugbreedte	13 m
Tolfooi	Geen

Die Gariepdam, vroeër bekend as die Hendrik Verwoerddam, is die grootste dam in Suid-Afrika met 'n oppervlak van meer as 374 vierkante kilometer wanneer vol. Die bakmaat word op 5 340 600 miljoen m³ geskat. Die dam vorm die beginpunt van die Oranjerivierprojek wat die verspreiding van water na die Groot-Visrivier en Sondagsrivier behels.

Naam

Gariep is 'n San/Nama woord wat Groot water/Groot rivier beteken. Die Oranjerivier word ook na verwys as die Gij Gariep en daarom Gariepdam.

Afmetings

Die damwal is ongeveer 88 meter hoog en 914 meter lank. Die damwal is van beton gebou en bevat ongeveer 1,73 miljoen m³ daarvan. Die damwal se ontwerp is 'n kombinasie van 'n gravitasie- en boogdam. Die dam het ses kruinsluise, drie aan elke kant. By die damwal word hidroëlektrisiteit opgewek deur vier generators, elk met 'n vermoë van 90 MW. Water wat deur die generators gebruik word, vloei verder in die Oranjerivier na die Vanderkloofdam.

Riviere en spruite wat die dam voed

• Oranjerivier
• Caledonrivier
• Brakspruit
• Broekspruit
• Oudagspruit
• Palmietspruit
• Slykspruit

Dorpie en toerisme

Die werkers wat betrokke was by die bou van die Gariepdam is gehuisves in 'n dorpie, net onder die wal, wat bekend was as Oranjekrag. Die dorp heet nou Gariepdam en is 'n vakansie- en aftreedorp. Aan die dam se oewers is verskeie natuurreservate en vakansieoorde, die bekendste is seker die Forever Resorts se Gariep-vakansieoord, die Gariepdam-natuurreservaat en die Oviston-natuurreservaat.

Fotogalery

• 
  Gariepdam loop oor in Januarie 2011
• 
  Sonsondergang in Oviston-natuurreservaat aan die dam se suidekant
• 
  Naambord langs die pad oor die damwal
• 
  Uitsig oor die dam
• 
  Forever Resorts se vakansieoord by Gariepdam

Nota: Afstande per pad gemeet