Gary Player Buiteklub

in Wikipedia, die vrye ensiklopedie

Die Gary Player Buiteklub is 'n gholfklub in Sun City, Suid-Afrika, wat vernoem is na Gary Player, die gholfikoon en Grand Slam-wenner. Dit is die tuiste van een van die wêreld se langste gholfbane, byna 8 000 meter.

Die Gary Player-ontwerpte kampioenskapsbaan word wyd beskou as een van die beste in Suid-Afrika, en een van die wêreld se top-100. Dit is reeds 'n paar keer aangewys as die beste deur beide Golf Digest en Complete Golfer, die voorste gholftydskrifte in die land. Player het byna 400 kampioenskapsbane dwarsoor die wêreld ontwerp, maar hierdie is die enigste baan wat amptelik sy naam dra.

Die klub het ook 'n Gary Player Spa, restaurant en pro-winkel. Die baam is een van twee by die Sun City-oord, die ander is die Lost City gholfbaan, met sy beroemde krokodilputjie met die setperk in die vorm van die Afrika-kontinent, wat ook ontwerp is deur Gary Player, maar in 'n Afrikawoestyn-styl.

Die klub huisves jaarliks in Desember die Nedbank Golf Challenge, aangebied deur Gary Player. Dit is een van die wêreld se rykste gholftoernooie.

Eksterne skakels[wysig | wysig bron]

Koördinate: 25°20′21″S 27°06′23″O / 25.339275°S 27.106319°O / -25.339275; 27.106319