Gebruiker:Liami Smith/Waspapier

in Wikipedia, die vrye ensiklopedie
Jump to navigation Jump to search
Waspapier

Waspapier is papier wat vogbestand gemaak is deur die toediening van was.

Die praktyd van perkament of papier om dit semi-deurskynend of vogbestand te maak, dateer terug na die Middeleeue. Papier geïmpregneerd of bedek met gesuiwerde byewas is dwarsdeur die 19de eeu gebruik om vog te behou of uit te sluit, of om reukagtige produkte toe te maak. Gustave Le Gray het die gebruik van waspapier vir fotografiese negatiewe in 1851 bekendgestel. [1] Natuurlike was is grootliks vervang vir die maak van waspapier nadat Herman Frasch in 1876 maniere ontwikkel het om paraffien te suiwer en papier daarmee te bedek. [2] Waspapier word gereeld in die kookkuns gebruik omdat dit kleefvry is en om kos in te verpak, soos koekies, want dit hou vog uit of binne, - dit word ook in handwerk gebruik.

Kosvoorbereiding[wysig | wysig bron]

Oond: waspapier word nie aanbeveel vir gebruik nie, want dit sal rook. [3] Perkamentpapier is beter vir hierdie gebruik.

Mikrogolf: waspapier kan gebruik word om spatsels te voorkom deur voedsel te bedek wanneer dit in die mikrogolf geplaas word. Aangesien die papier meestal nie deur mikrogolwe beïnvloed word nie, verhit dit nie tot die verbrandingspunt onder normale gebruik nie. Dit maak waspapier meer funksioneel as kleefplastiek wat by hoër temperature smelt, of aluminiumfoelie wat nie veilig is vir gebruik in die meeste mikrogolfoonde nie.

Ander gebruike[wysig | wysig bron]

Skeermeslemme word tradisioneel in waspapier toegedraai om die hantering daarvan minder gevaarlik te maak. [4] Waspapier kan ook gebruik word om langdurige papierbote te maak vanweë die hoë weerstand teen water.

Aan die begin van die vyftigerjare tot die middel van die negentigerjare is waspapier as 'n algemene inpak gebruik vir sportkaartpakkette (O-Pee-Chee, Topps, Donruss, ens.) Dit was berug om die wasmerke op die agterkaart te laat waar die waspapier verhit is om geseël te word. Waspapier word ook gebruik om 'n stuk kougom te beskerm en droog te hou.

In die middel van die negentigerjare het vervaardigers van sportkaartjies opgehou om stukkies kougom in pakke sportkaarte te plaas, wat ook die behoefte aan waspapierpakke beëindig het. Plastiek of ander mengsels van plastiek / papier is sedertien in gebruik.

Waspapier word ook gereeld gebruik om patroonstukkies aan die materiaal vas te steek, terwyl dit gesny word, wanneer 'n kledingstuk gemaak word. Om 'n strykyster vinnig oor die waspapier te druk help om dit aan die materiaal te kleef om sodoende makliker die materiaal volgens die patroon uit te sny.

Toe glyplanke vir kinders van metaal gemaak is, was dit 'n algemene gebruik om op 'n stuk waspapier te sit, dit het die hitte van die metaal verminder by die sitvlak en ook die spoed van die gly verhoog.

Die besonder hoë diëlektriese sterkte van waspapier maak dit 'n praktiese elektriese isolator, hoewel moderne materiale dit oortref en meestal vervang het. Algemene toepassings is spoelwikkeling skeidings en diëlektrise kapasitors en ander toepassings wat veerkragtigheid vereis teen 'n potensiële verskil tot 'n paar duisend volt per laag.

Platejoggies plaas gewoonlik een of meer velle waspapier onder hul plate om dit te beskerm teen krapmerke (waar die plaat op verskillende maniere geroteer word om spesiale klankeffekte te skep).

In fotografie kan waspapier as 'n ligverspreider gebruik word.

Omgewingskwessies[wysig | wysig bron]

Daar is verskeie omgewingskwessies wat met waspapier te make het. Alhoewel dit in sy onveranderde vorm biologies afbreekbaar is, as gevolg van bygevoegde middels soos petroleum, waspapier kan dus ook nie herwin word nie. [5]

Verwysings[wysig | wysig bron]

  1. Jawad Shuaib (December 29, 2008). "9 Inventions Edison Did Not Make". Besoek op 28 October 2011.
  2. Sjabloon:Cite CAB
  3. [1] Reynolds company, frequently asked questions. Retrieved October 1, 2014
  4. "Waxed paper". www.tis-gdv.de. Besoek op 2017-05-17.
  5. Wills, Amanda. earth911.com/. Earth911 http://earth911.com/food/ask-the-editor-recycling-wax-paper/. Besoek op 10 July 2016. Ontbrekende of leë |title= (help)

Eksterne skakels[wysig | wysig bron]