Gebruikerbespreking:10Snaar ghitaar

Verwydering van bladsyinhoud

Haai, 10Snaar. Moet asseblief nie bladsyinhoud verwyder soos jy hier gedoen het nie. Anrie 07:26, 5 Maart 2008 (UTC)

Haai, Anrie. Kry 'n lewe, poppie. As ek my EIE kommentaar wil verwyder sal ek. So hou maar op om my wysigings te vandaliseer. Ek wonder in elk geval wie is jy en jou tiener vriendjie Adriaan90 nou kastig om te dink JULLE is kenners op absoluut enige gebied en dat julle oor die kennis en ervaring beskik om julle baas te hou op hierdie plasie. Wie't gevrek en jou god gemaak, poppie? En gepraat van god-delusions, dié wat aan die artikel oor mitologie gewerk het, het geen besigheid om so te doen nie. Dit is absoluut pateties en op die vlak van 'n skoolkind.

Wanneer mens iets in Wikipedia plaas behoort dit nie meer aan jou nie. Jy word steeds as die outeur erken, maar dit kan vergelyk word met die uitskeuring van bladsye uit 'n boek wat gepubliseer is. As jy 'n spesifieke rede het hoekom jy dit wil verwyder, dan kan jy dit versoek (dit kan dan montlik met 'n plekhouer vervang word wat verduidelik hoekom 'n gedeelte van die gesprek verwyder is). Ek hou my nie "basie op die plasie" nie, maar ek is bewus van die beleid en reëls van die projek en probeer daarby hou.

Ja, die artikel oor Griekse mitologie is nie op standaard nie, maar dit is tog 'n beter oplossing om dit te verbeter en te korrigeer, as wat dit is om die bydraer se pogings te beledig? Anrie 08:17, 5 Maart 2008 (UTC)

Sien asb. ook Bespreking:Griekse mitologie. Anrie 08:20, 5 Maart 2008 (UTC)

Speel maar lekker in die 'sandput' verder. Sekere van ons het werklike akademiese werk om te doen. Hierdie Afrikaanse wikipedia is 'n klug en 'n mors van tyd en ek sal tog nie weer enige tydmorsende wysigings aan jou Heilige Afrikaanse Wikipedia maak nie.

Ek dink dit is baie belangrik dat mense kennis neem daarvan dat enige materiaal hier onder GNU FDL vrygestel is en dan ook onherroeplik so. Geeneen kan later besluit dat hy van plan verander en sy materiaal hier verwyder nie. Die projek verg ook 'n besondere mate van volwassenheid en verdraagsaamheid aangesien samewerking met vele ander mense met vele standpunte nodig is en dikwels moet 'n mens die beginsels waarop wikipedia funksioneer deeglik verstaan alvorens 'n mens hier deelneem. Daar word ook duidelik aan ander gestel dat hulle bydraes genadeloos gewysig kan word en dit moet ook in gedagte gehou word. Uit die vrye aard van die Ensiklopedie sal daar ongetwyfeld artikels verskyn wat nie aan die standaarde voldoen nie. Die antwoord is egter nie om neerhalende en persoonlike aanvalle op indiwidue en die gemeenskap in sy geheel te doen nie maar om skouer aan die wiel te sit en werk daarvan te maak. --RAM 10:42, 5 Maart 2008 (UTC)

Klassieke musiek en samewerking

Hallo 10Snaar ghitaar. Dankie vir jou terugvoer in die artikels oor klassieke musiek. Dit is ons konvensie hier om kommentaar op die besprekingsbladsy van 'n artikel te plaas, eerder as binne-in die teks van die artikel. Die term "klassiek" in musiek is natuurlik 'n moeilike term, omdat dit verskillende betekenis kan hê afhangende van die bestek waarbinne dit verstaan word, die kultuur waarbinne dit verstaan word, die volksmond teenoor die akademie, ens. Dit sal gaaf wees as jy ons kan help om die artikels met hierdie bewoordings mooi uitgepluis te kry, sodat dit korrek sal wees vir alle gevalle, maar ook die dubbelsinnighede mooi kan verduidelik. Ek het nie onlangs gekyk nie, maar ek raai mens sal 'n paar idees hiervoor by die Engelse Wikipedia kan kry. Soos jy weet, word hierdie projek deur vrywilligers aangepak wat probeer om voortdurend te verbeter. Daar skort altyd nog werk, maar ons probeer met ons werk te rig volgens 'n paar beginsels. Sommige hiervan kan mens kry vanaf Wikipedia:Beleid. Onthou dus asb. dat kommentaar soos dié in hierdie wysiging nie opbouend is vir dié wat aan die artikel gewerk het nie. As ons 'n goeie manier kan vind om saam te werk, sal dit alles ter bevordering van hierdie opwindende projek wees. Groete, Alias 07:30, 5 Maart 2008 (UTC)

10Snaar ghitaar, weerhou jouself asb. van persoonlike aanvalle. Dit dien geen positiewe doel nie. Verstaan asb. dat ons 'n projek probeer bymekaar hou, en daarvoor verskeie konvensies het vir die hantering van verskillende aspekte van die onderhoud van die werf. Om besprekings oor verwyderings te hou, is deel van ons administratiewe konvensies (wat natuurlik ook oop is vir bespreking en verbetering). Natuurlik is alle artikelinhoud nie perfek nie, en dinge skiet tekort in verskeie opsigte. Ek glo ons is almal intens bewus daarvan en bespreek gereeld maniere om dit te verbeter. Ons probeer mekaar se gebreke vriendelik uit te wys, mekaar aan te vul en te help. Koel gerus bietjie af, en sluit by ons aan om op 'n positiewe manier 'n bydrae te lewer. Sekere van ons beginsels is natuurlik nie onderhandelbaar nie, en ons werk natuurlik ook binne die vereistes van die groter Wikipediaprojek. As jy kennis en geesdrif het in 'n vakgebied, glo ek kan ons maniere kry om sinvol saam te werk. Groete, Alias 08:46, 5 Maart 2008 (UTC)