Gebruikerbespreking:Fookault

Hallo Fookault, hartlik welkom op die Afrikaanse Wikipedia! Message in English Bericht in het Nederlands Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 128 039 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy beelde wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm vertoon word, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap gestuur is. Kliek dan laastens op "Publiseer wysigings" om enige bewerkings te stoor.

Johannes de Villiers‎

Neem kennis dat wat jy gedoen met jou skakels is nie aanvaarbaar nie en teen Wikipedia reëls. Oesjaar (kontak) 07:42, 18 September 2024 (UTC)

Dui asb. aan watter Wikipedia reëls oortree word, wanneer bv. 'n aanwysing na die Afrikaanse wiki vir Boeddhisme aangebring word. Met hartedank. Fookault 07:49, 18 September 2024 (UTC)

@Oesjaar wees asb. meer duidelik. Jy gaan mense weg jaag.

@Fookault op Wikipedia is daar 2 soorte skakels: Interne skakels (na 'n ander bladsy op Wikipedia) en Eksterne skakels (na ander webwerwe).

Interne skakel na Wikipediabladsy oor Netwerk24 lyk so: [[Netwerk24]].

Eksterne skakel na Nuus24-webwerf lyk so: [https://www.netwerk24.com/ eksterne skakel]

Ons gebruik nie eksterne skakels as deel van die inhoud van bladsye nie. Hulle is aanvaarbaar onder die "Eksterne skakels" opskrif aan die onderkant van die bladsy. MAAR dit moet nie blatante bemarking wees nie. Byvoorbeeld die skakel na die dharma sentrum op die dharma sentrum bladsy is aanvaarbaar. Maar dit is nie aanvaarbaar op die algemene bladsy oor boeddhisme nie. - Rooiratel (kontak) 07:54, 18 September 2024 (UTC)

So, as ek mag vra om beter te kan verstaan, sal die 'Sien ook' seksie met 'n interne skakel na die Afrikaanse wiki oor Boeddhisme, hier aanvaarbaar wees? Fookault 07:58, 18 September 2024 (UTC)

Terwyl ek u aandag geniet, kan ek ook vra oor hoe om te werk te gaan met skakels na die Engelse Wikipedia (waar gebruikers dalk die blad na Afrikaans outomaties kan laat oorvertaal) ? Fookault 08:00, 18 September 2024 (UTC)

Laastens, my belangstelling is geprikkel nadat ek onlangs die boek 'Malle gejaag' deur mnr. de Villiers gelees het. (Dit wil sê, ek wou maar net benadruk dat ek nie mnr. de Villiers is nie, indien enigiemand gewonder het...) Fookault 08:08, 18 September 2024 (UTC)

Die "Sien ook" afdeling word gebruik vir 'n lys van verwante onderwerpe. Hierdie moet almal interne skakels wees.

Ons maak ook nie skakels (in die inhoud van 'n bladsy) na Wikipedia artikels in ander tale nie. Ons gebruik Wikidata om bladsye oor dieselfde onderwerp in ander tale aan mekaar te koppel.

Jy sal sien aan die bokant van 'n artikel bv. boeddhisme is skakels na dieselfde artikel in elke taal waar dit reeds geskep is. - Rooiratel (kontak) 08:13, 18 September 2024 (UTC)

Op Boeddhisme soek vir blou teks wat sê "220 tale". Dit beteken daar is 220 ander Wikipediatale wat 'n artikel het oor Boeddhisme in hul eie taal.

En hier is die Wikidata-skakel as jy belang stel: d:Q748. - Rooiratel (kontak) 08:16, 18 September 2024 (UTC)

Ek wil ook sê dankie dat jy hier wil bydra. Ons waardeer dit. Dit gaan 'n rukkie neem om te leer hoe alles werk, maar as jy met klein veranderinge begin, en kyk wat ander doen, sal jy dit optel soos jy aangaan. As jy met enigiets sukkel, laat my weet, en ek sal my bes doen om te help. - Rooiratel (kontak) 08:23, 18 September 2024 (UTC)

Baie dankie vir die verduideliking en aanmerkings: dit was nogal buitengewoon om vanoggend op die Afrikaanse Wikipedia iets nuuts te probeer. Fookault 08:29, 18 September 2024 (UTC)

Geen probleem. Laastens van my kant af: sien Spesiaal:Homepage vir 'n goeie beginpunt. - Rooiratel (kontak) 08:32, 18 September 2024 (UTC)

Jou boodskap aan Gebruiker:Aliwal

Neem asb kennis dat ons 'n ensiklopedie is en volgens die reëls van Wikipedia apolities en neutraal is met betrekking tot godsdiens en GLAD nie 'n sosiale blad is nie. As jy nie die reëls wil nakom nie sal ons aksie neem. Ons stel eenvouding nie belang in jou godsdienstige lewe nie. Hou dit privaat asb. Oesjaar (kontak) 09:48, 23 September 2024 (UTC)

As Wikipedia se besprekings tussen redigeerders nie 'n sosiale aard het nie, sal mense onmiddelik alle prente van hul geliefde troeteldiere van hul profiele/kletsblaaie moet verwyder. Wat 'n massiewe taak vir die inspekteurs - ek wens hulle alle sterkte toe... Fookault (kontak) 10:12, 23 September 2024 (UTC)