Gebruikerbespreking:HOENDER

Welkom

Hallo, Hoender! Welkom by Wikipedia! Sien gerus Welkom nuwelinge. As jy iets wil weet, of voel dat jy hulp nodig het, is jy welkom om jou vrae in die Geselshoekie of op my besprekingsblad te stel. Onthou asseblief om altyd jou besprekings met vier tildes (~~~~) te teken: dit sal outomaties jou naam, die tyd en die datum by die gesprek voeg. Sien gerus ook die Gebruikersportaal vir nuttige skakels. Laaste, maar nie die minste nie, probeer om altyd 'n opsomming van jou wysigings by te voeg.

Hoop jy geniet jou betrokkenheid hier! - Anrie 15:14, 25 September 2007 (UTC)

Bydraes

Haai, Hoender

Baie dankie vir jou hoop bydraes sover - dit word sommer baie waardeer! Let asseblief daarop dat ons 'n aantal beleide en konvensies volg hier by die Afrikaanse Wikipedia. Oor die algemeen gebruik ons dié van die Engelse Wikipedia en word dit slegs, waar nodig, vertaal.

Artikels behoort bv. 'n duidelike struktuur te hê wat begin met 'n inleiding oor die onderwerp wat dit in die eerste sin of twee omskryf. Bv.

William Shakespeare (gedoop 26 April, 1564 – oorlede 23 April, 1616) was 'n Engelse digter en toneelskrywer en word geag as die belangrikste skrywer van die Engelse taal en die wêreld se vernaamste dramaturg.

of

Paul Chomedey, sieur de Maisonneuve (* 1612, † 1676) was 'n Franse offisier wat as die stigter van die Kanadese stad Montréal bekend staan.

So kan iemand wat nie met die onderwerp vertroud is nie maklik snap waaroor die artikel gaan.

Verder het ons ook 'n beleid aangaande verifieerbaarheid: wat dit beteken is dat enige persoon wat 'n artikel lees die gegewe inligting in 'n betroubare bron moet kan gaan nagaan, dus is 'n bronnelys belangrik by artikels, veral artikels wat oor moontlike omstrede onderwerpe handel soos geloof en homeopatie of wat tegniese aspekte bespreek. Sien gerus haal bronne aan vir meer inligting hieroor.

Laastens, maar sekerlik nie die minste nie, het ons ook 'n beleid aangaande neutrale standpunt, wat vereis dat alle artikels so neutraal moontlik geskryf moet word. Dit beteken dat mens nie eensydig moet wees in die skryf van artikels nie, maar ook teenstrydige sienings rondom die onderwerp moet noem (bv. die omstredenheid rakende homeopatie, ens.), om sodoende 'n gebalanseerde siening in 'n artikel te lewer. Sien gerus ook Wikipedia:Neutrale standpunt-riglyne vir meer hulp hiermee. Ek sê nou nie dat jy aspris jou sienings op ander mense probeer afdwing nie - ek probeer net seker maak dat jy bewus is van ons beleide hierso.

Dis nou sommer maar net 'n paar gedagtes - ek bedoel definitief nie om jou af te skrik of om met jou te raas of iets nie. Ons is egter maar 'n ou klein gemeenskappie en dit verg tyd van ander bydraers om telkens jou baie werk te moet hersien, tyd wat natuurlik gebruik kan word om eerder meer nuwe artikels te skep. Aan die ander kant is ons natuurlik dankbaar vir jou baie bydraes. Het jy al jou baie artikels reeds voorheen vir een of ander projek geskep, of is hulle almal nuutskeppings?

Laat weet asseblief as jy onseker is oor enige iets of as jy enige vrae het: die geselshoekie staan dag en nag oop vir alle gebruikers. Anrie 13:35, 2 Oktober 2007 (UTC)

Geskiedenis van die Jode / Israel

Hallo HOENDER,

Baie welkom en geluk met jou groot aantal bydraes. Van jou artikels se name is bietjie ongewoon en ek sou dit graag woud uitsorteer om by ons naamkonvensies in te pas. Die artikel Joodse Diaspora lyk vir my eerder na Geskiedenis van die Jode of dalk Antieke Geskiedenis van die Jode. Was dit jou bedoeling?

Kan jy ook bietjie verklaar wat die hoof saak is wat jy bespreek in Die moderne geskiedenis van Israel - Britse bewind. Anrie het dit nou, op my aanbeveling, na Britse mandaat van Palestina geskuif en ek het daar inligting geplaas soos wat sou pas by 'n artikel oor 'n voormalige land. As ek egter die teks lees lyk dit of jy dalk eerder net oor die geskiedenis van Israel skryf en spesifiek die tydperk net voor die Britse mandaat, die mandaat tydperk self en dan die ontstaan van die Staat Israel behandel. Kan jy dit bietjie uitlê?

'n Ander vragie, wat is die bron van al die inligting? Wikipedia vereis dat materiaal verifieerbaar is wat dan verwysings of bronne benodig.

laurens 16:37, 2 Oktober 2007 (UTC)

Bronne vir artikels

Haai, Hoender

Jy sal sien dat by Bespreking:Kerk van Sciëntologie Voyageur opgemerk het dat die artikel na 'n nie-bestaande inligtingkassie verwys, wat daarop dui dat die artikel oorspronklik 'n onderdeel van 'n ander, groter inligtingstuk is. Kan jy miskien die bron aanhaal waaruit jy jou inligting verkry het en bevestig dat dit jou eie werk is, asseblief? Anrie 15:30, 4 Oktober 2007 (UTC)

Bronne / Verwysings

Hi Hoender,

Baie dankie vir jou artikel 2001 : A Space Odessey. Sal jy nie asseblief verwysings en of bronne bysit nie? Baie Dankie. hansjoseph (kontak) 07:51, 7 Junie 2008 (UTC)

Hi

Hi! You create page Star Wars. I invite you to Afrikaans Star Wars Wiki - Corranpedia. Michalbr10 (kontak) 13:16, 18 September 2016 (UTC)