Gebruikerbespreking:Hpvdberg

Hallo Hpvdberg, hartelik welkom op die Afrikaanse Wikipedia! Dankie vir jou belangstelling in Wikipedia. Ons werk hier aan die ideaal van 'n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 115 889 artikels. Vanaf die begin van die projek het die gebruikers 'n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om 'n bietjie houvas te kry voor mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? 'n opskrif? tabelle? ___ Wat Wikipedia nie is nie Daar is ook 'n paar dinge wat ons nié hier doen nie ___ Beelde As jy jou kiekies wil oplaai ___ Beleefdheid Ken jou maniere ___ Wenke vir die skryf van 'n goeie artikel Soms sê die naam alles Hierdie bladsy, wat nou op jou skerm staan, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so 'n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap voltooi is. Kliek dan as laaste op "Stoor bladsy" om enige bewerkings te stoor.

Jou wysigings aan Grondwet van die Nederduitsch Hervormde Kerk van Afrika en Nederduitsch Hervormde Kerk

Goeie dag Hpvdberg, kyk gerus by Wikipedia:Bladsyverwydering vir die verwyderingsargumente vir bg. artikels. Ek plaas hierdie boodskap op jou besprekingsbladsy omdat jy aan daardie twee artikels gewerk het. Adriaan Joubert (kontak) 21:28, 27 Mei 2012 (UTC)

Nederduitsch Hervormde Kerk‎

Eksterne skakels is welkom onderaan artikels in die relevante afdeling, maar moet asseblief nie regoor artikels gebruik word nie. Groete. Anoniem

Pogings om blaaie op wikipedia te plaas om hierdie skakels te vervang word tans deur gebruikers in die wiele gery, dit is inderdaad ons doelwit. Hpvdberg (kontak) 15:15, 17 Augustus 2012 (UTC)

Dis omdat julle kortpaaie probeer vat. Julle artikels lyk tans soos SPAM met al die skakels daarin. As julle bietjie meer moeite doen en ophou om inhoud verbatum te kopieer, sal julle aansienlik meer respek van gebruikers kry. En moet asseblief nie my kommentaar as negatief sien nie, ons wil graag goeie artikels oor die Nederduitsch Hervormde Kerk hê. Dis hoekom ons moeite doen om dit met julle te bespreek. Ons waardeer julle tyd, en benodig gebruikers soos julle om Wikipedia met goeie en onbetwyfelbare inligting uit te bou. Groete. Anoniem

Anoniem??? Hpvdberg (kontak) 07:27, 18 Augustus 2012 (UTC)

Ja, Anoniem is ekke, onder andere. Enige probleme daarmee?

Anoniem, as mens nie 'n wet(grondwet) verbatim mag plaas nie, en nie die eksterne skakel daarheen mag gee nie, stel gerus 'n werkswyse voor van hoe dit gedoen behoort te word.

Plaas eksterne skakels onderaan die artikel in die relevante afdeling. Kyk gerus na bestaande artikels, hulle is almal so opgestel (die uitsonderings, soos u artikel), moet asseblief reggestel word.

Plaas 'n opsomming of skryf dit in jou eie woorde oor. Weereens, geen ander kerk se grondwet is verbatum hier opgeneem nie. Die rede daarvoor is dat dit nie tipies in ensiklopedie geplaas word nie, en Wikipedia is 'n ensiklopedie. U kan dit dalk op Wikibronne oplaai, en in u artikels daarna verwys.

Groete. Anoniem

Adriaan ek het gou gaan kyk http://en.wikisource.org/wiki/Constitution_of_the_United_States_of_America#Article_I

Hpvdberg (kontak) 08:22, 18 Augustus 2012 (UTC)

Jy het dit! Die VSA se konstitusie is woordeliks op WikiBronne (m.a.w. WikiSource) geplaas, maar nie op Wikipedia nie! Jy kan steeds 'n artikel daaroor op Wikipedia plaas (as jy wil) vir ensiklopediese dekking van die feite oor en rondom die konstitusie. Soortgelyk aan en:United States Constitution op die Engelse Wikipedia. Groete. Anoniem