Gebruikerbespreking:Naudefj/argief2015

Page contents not supported in other languages.
in Wikipedia, die vrye ensiklopedie

Persoonlike rekenaar[wysig bron]

Frank, kan jy dalk help met so kort ou saadjie oor bogenoemde? Dit is in jou verwysingsraamwerk; dan maak ons iets soos 14 skakels blou! Groete! Oesjaar (kontak) 08:07, 7 Januarie 2015 (UTC)[antwoord]

Sal die een werk? Groete. Frank (kontak) 10:33, 7 Januarie 2015 (UTC)[antwoord]
Altyd! Dankie! Oesjaar (kontak) 10:39, 7 Januarie 2015 (UTC)[antwoord]

Oor "Wat om te doen"[wysig bron]

Hallo Frank. Moet dit nie "Verwaarloosde artikels" wees nie? Groete hansjoseph (kontak) 05:51, 10 Januarie 2015 (UTC)[antwoord]

Oops, sal dit gou regmaak. Dankie. Frank (kontak) 07:07, 10 Januarie 2015 (UTC)[antwoord]

Geselshoekie[wysig bron]

Loer asb daar by Steenbok! Groete! Oesjaar (kontak) 06:24, 14 Januarie 2015 (UTC)[antwoord]

Daai bladsy behoort aan Gebruiker:Michaelphillipr. Miskien moet jy hom eers vra voordat jy dit skrap. Groete. Frank (kontak) 06:30, 14 Januarie 2015 (UTC)[antwoord]

Moederbord[wysig bron]

Frank, weereens dankie vir al jou harde werk! Job se geduld? Wel, hy was duidelik nie betrokke by Wiki nie! Kan jy dalk help met moederbord ook asb? Groete!

Uitgevoer Uitgevoer. Groete. Frank (kontak) 10:01, 18 Januarie 2015 (UTC)[antwoord]
xxx!! Oesjaar (kontak) 11:32, 19 Januarie 2015 (UTC)[antwoord]

Ek het jou bot nodig.[wysig bron]

Op hierdie halfbewolke Maandagmiddag lees ek in Norme vir Afrikaans (2003:60):

Twee probleme word hier uitgesonder (voorsetsels), naamlik (i) die Engelse invloed op die gebruik van Afrikaanse voorsetsels... Engelse invloed word op minstens drie wyses in Afrikaans gereflekteer: aanpassing... Die (onbewuste) aanpassing van Afrikaanse idiomatiese uitdrukkings by die Engelse patroon kom dikwels voor, byvoorbeeld:

(a) ?in ander woorde in plaas van: met ander woorde (Eng. in other words).
(b) ?iets vervang met in plaas van: iets vervang deur (Eng. replace with).

Sal jy asseblief jou bot aan die werk sit, oftewel in die werk steek (magtig, dit raak moeilik - ek dink Intensiewe moet ek los en eerder 'n ander projek begin). Nou - nommer (b) wil ek heeltemal uitgewis kry - daar is so 175+ gevalle.

Opdrag: vervang met > vervang deur. Kan hy/jy dit doen? Suidpunt (kontak) 10:54, 19 Januarie 2015 (UTC)[antwoord]

Ek is seker ons kan. Sal later die knopdonkie aan die gang probeer kry. Groete. Frank (kontak) 11:32, 19 Januarie 2015 (UTC)[antwoord]
Jammer, maar ek wonder al meer of dit die regte ding is om te doen:
"Verset teen gevestigde Engelse invloed is nutteloos, selfs skadelik want dit laat taalgebruikers onseker voel. Voorbeelde is stasiemeester, magistraat en vervang met in plaas van vervang deur."[1]. Behalwe dit, wonder ek of daar uitsonderings is. Kan die vervanging in alle gevalle sonder enige nagevolge gemaak word? Groete. Frank (kontak) 18:54, 19 Januarie 2015 (UTC)[antwoord]
Baie dankie, nog iets: ek wil hierdie Wikimania-banier hier bokant ons koppe verafrikaans. Ek het dit reeds vertaal, dit moet nog net aanvaar of geredigeer word. Tot dusver klink dit so (Duits en Nederlands toegevoeg as voorbeeld):
Bewerbungen für Wikimania 2015-Stipendien und Programmbeiträge können nun eingereicht werden.
Beursaanvragen voor Wikimania 2015 zijn vanaf nu mogelijk. Stuur een voorstel voor een presentatie in!
Aansoek kan nou gedoen word om voorleggings en beurse vir die Wikimania Samekoms van 2015.
Mehr Informationen findest du auf der Hauptseite.
Zie de hoofdpagina voor meer informatie.
Wend u om meer inligting tot die hoofblad. (Ek belowe jou, dis 1997-Pharos-woordeboek-korrek...) Suidpunt (kontak) 12:09, 19 Januarie 2015 (UTC)[antwoord]
Ek sal van 'n vrye aanpassing van die Duitse een hou: Vind meer inligting op die hoofblad. Kort en bondig. Suidpunt (kontak) 12:21, 19 Januarie 2015 (UTC)[antwoord]
Suidpunt, jy kan self die boodskappe vertaal en invoer deur op '[Help ons met vertaling]' te klik. Die skakel kan regs onder aan die banier gevind word.
NS: "Wend u om meer inligting tot die hoofblad" klink vir my nogal mooi!
Groete. Frank (kontak) 16:01, 19 Januarie 2015 (UTC)[antwoord]
Weereens dankie, iemand het dit "aanvaar" - dit vertoon nou. Ek is baie tevrede. Suidpunt (kontak) 19:08, 19 Januarie 2015 (UTC)[antwoord]

Versoekie![wysig bron]

Hi Frank, hoe gaan dit daar bo by julle? Kan jy asb. Lys van Suid-Afrikanse ordes, dekorasies en medaljes skrap, dis reeds korrek geskuif deur André Kritzinger. Groetnis, Aliwal2012 (kontak) 06:15, 20 Januarie 2015 (UTC)[antwoord]

Lyk my Oesjaar het my met 0.1 van 'n millisekonde voorgespring. Groete. Frank (kontak) 06:22, 20 Januarie 2015 (UTC)[antwoord]
Dit was 0.001! Groete! Oesjaar (kontak) 06:23, 20 Januarie 2015 (UTC)[antwoord]

:en:Do not buy Russian goods![wysig bron]

Hello! Could you translate an article about boycott of Russian goods in Ukraine for the Afrikaans Wikipedia? Thanks for the help.--Trydence (kontak) 22:32, 25 Januarie 2015 (UTC)[antwoord]

I would prefer not to get involved. Sorry. Frank (kontak) 05:59, 26 Januarie 2015 (UTC)[antwoord]

Eenvormigheidswet[wysig bron]

Dankie vir jou opknapping van hierdie artikel. Net gewonder hoekom daar spasies langs die opskrifte is? Ek het gedink dit mag 'n probleem meebring as mens skakel na 'n paragraaf, maar ek sien baie mense doen dit so. JMK (kontak) 17:25, 1 Februarie 2015 (UTC)[antwoord]

Dis een van die veranderinge wat outomaties deur Auto-Formatter aangebring word. Ek neem aan dis ter wille van eenvormigheid. Groete. Frank (kontak) 20:08, 1 Februarie 2015 (UTC)[antwoord]

Dumps[wysig bron]

Frank, die inligting in die dumps, is dit nou ons normale statistieke soos aantal bladtrekke, nuwe artikels ens soos ek dit ken? Groete! Oesjaar (kontak) 06:22, 9 Februarie 2015 (UTC)[antwoord]

Dis 'n rugsteunkopie (backup) van ons wiki. Almal van ons behoort 'n kopie hiervan op ons rekenaars te hou. As Wikipedia vou, kan ons al ons artikels hieruit terugkry. Dit word ook vir 'n klomp ander dinge gebruik, soos om vir sintaksfoute te soek (natuurlik aflyn, sonder om die webtuiste se werkverrigting te beïnvloed). Groete. Frank (kontak) 06:35, 9 Februarie 2015 (UTC)[antwoord]
Ek sal opvolg. Hou solank die nuutste kopie, net vir incase... Groete! Oesjaar (kontak) 06:39, 9 Februarie 2015 (UTC)[antwoord]
Dankie Oesjaar! Groete. Frank (kontak) 06:41, 9 Februarie 2015 (UTC)[antwoord]

Wat sit in 'n katnaam?[wysig bron]

Wow, Frank, Wow!

Ek bedank jou vir al jou mooi prente ens. maar hierdie luiperd wat ek hier het is spesifiek van toepassing op die een in die Kaap, waarvan net minder as 500 diere oor is (ek het dit juis by Melanotica ingedeel, sou die lot eendag besluit om weer die dier se naam te verander). Die Cape Leopard Trust (jy het seker van hulle gehoor - dink aan Leopards Leap Wyne) is slegs van toepassing hier aan die Kaap.

Anders moet ons dadelik die artikel se naam verander na "Afrikaluiperd" - wat beteken dat die ons KONTINENTAAL moet gaan - wat verdomp moeilik is. Andersins behou ons eenvoudig "Kaapse luiperd" en skryf net wat in die Kaap aangaan (ongeag wat die mense aan die taalbalk sien). Andersins verander ons dit na "Afrikaluiperd" (om tegnies korrek te wees), maar skryf 'n heilige artikel oor die een op die berghange van Worcester.

Ek het gister die volgende brief geskryf, maar het toe nie gedink dit is nodig nie, want ek het iewers onthou van AZ.wikipedia se p.p. melanotica:

Die brief:

Ek wil graag 'n artikel begin oor luiperds in die Wes-Kaap. Daar is meer as genoeg literatuur daarbuite.

Die groot probleem wat ek tans het is die naam self. Volgens die anderstalige Wikipedia-artikels, maar so ook die tydskrifartikels tot my beskikking, is al die luiperds op hierdie vasteland geneties verwant. Alle verwysings moet dus gestuur word na Afrikaluiperd (Panthera pardus pardus), wat weer sal beteken dat ek aandag moet skenk aan al die luiperds op die Afrikavasteland se leefwyse.

Daar is tog verskille: die Oos-Afrikaanse luiperd is byvoorbeeld groter, swaarder en sy pels helderkleuriger as ons eie vaaljapie hier. Natuurlik sal die eetgewoontes verskil. Daar is selfs sprake dat, volgens Martins (2006), die luiperd in die Wes-Kaap geneties afwyk van dié in die Oos-Kaap, Kwazulu-Natal, Limpopo en Mpumalanga.

Ons het dus twee keuses:

  • Kaapse luiperd: Albert Günther het reeds in 1885 hierdie subspesie identifiseer as Panthera pardus melanotica. Ons weet ook van die Kaapse Luiperd Trust. In die Duitse taalakker word ook gepraat van die Kapleopard/Kap-Leopard. Natuurlik lewer Google ook 8 050 soekresultate.
  • Afrikaluiperd in die Wes-Kaap (om nou meer tegnies korrek te wees).

(Einde van boodskap)

Ek dink ons moet 'n spoedberaad met die af.wiki-gemeenskap hou. (Maar weereens dankie vir jou moeite en bedanking!) Suidpunt (kontak) 20:28, 14 Februarie 2015 (UTC)[antwoord]

Jou eerste sin het my bietjie onkant betrap: "Die Kaapse luiperd (Panthera pardus pardus)...". Die prente en taksoboks pas by die vermelde wetenskaplike naam. Ek sal dit na Panthera pardus melanotica verander, dan kyk jy maar of dit beter lyk. Voel vry om te wysig of terug te rol. Groete. Frank (kontak) 08:23, 15 Februarie 2015 (UTC)[antwoord]
Dankie, die opskrif bo lyk prima! Dit gee ook die nodige ruimte indien jy spesifiek na die Transvaalluiperd wil verwys, of die een in Mpumalanga of die Oos-Kaap. Dit is slim. Suidpunt (kontak) 10:19, 15 Februarie 2015 (UTC)[antwoord]

Frank, ek wil graag die data in die tabel onder die sketse van die Groot Mere in dieselfde orde kry as die sketse. Kan jy help? Groete! Oesjaar (kontak) 16:57, 1 Maart 2015 (UTC)[antwoord]

Dit toe reggekry, ek is maar versigting met die strepe en uitroeptekens en dinge! Groete! Oesjaar (kontak) 06:52, 4 Maart 2015 (UTC)[antwoord]
Jammer, ek wou nog hierna kyk, maar het skoon vergeet. Groete. Frank (kontak) 06:54, 4 Maart 2015 (UTC)[antwoord]

Dis 'n plesier. Ek het by die industriële gebied in Hermanus (soos jy vanaf die Gateway Sentrum na die Mediclinic Hospitaal ry) by Snuffels (tweedehandse winkel) op hierdie rooi Gedenkbundel afgekom. My vingers was pikswart gegrawe in daardie winkel (in die chaotiese volgorde was ek drie ure besig om te sif, waarna ek besluiteloos voor 'n bibliotekie gestaan het wat ek alles wou koop! Oplaas moes ek vaarwel roep aan 'n klomp Hollandse boeke van uitmuntende gehalte.).

Dit was vir my jammer om sy vrou se handskrif op die eerste skoon bladsy te sien. Dit is met 'n swart pen op die 1ste Junie 1976 geskryf (nogal voor die Soweto-opstand, maar twee jaar na Van der Merwe se dood): Liewe Hans en Milly, Baie dankie vir 'n mooi vriendskap. Hartlike groete, van Winnie van der Merwe. Haar hoofletter M'e se laaste afwaartse streep maak 'n fleurige draai.

Wat my laat wonder: hoe op aarde spoel so 'n boek vanaf Pretoria uit in 'n stofbedekte winkel in Hermanus? Dit slaat my dronk. Suidpunt (kontak) 16:18, 18 Maart 2015 (UTC)[antwoord]

Dis al die Pretorianers wat in Hermanus gaan aftree het saam met hulle ou boeke! Aliwal2012 (kontak) 16:29, 21 Maart 2015 (UTC)[antwoord]

VisualEditor[wysig bron]

Naand Frank, sien asb. die boodskap by die geselshoekie oor VisualEditor. Dit klink nogal belangrik vir my! Groete, Gert. Aliwal2012 (kontak) 16:29, 21 Maart 2015 (UTC)[antwoord]

Ja, dis is 'n belangrike stap om dit makliker te maak om Wikipedia te wysig (hoewel dit nie vir my is nie!)
Dit is egter nog net 22% vertaal. Sal waardeer as jy bietjie kan uithelp by https://translatewiki.net/w/i.php?title=Special:Translate&group=ext-visualeditor-0-all&language=af&filter=!translated&action=translate
Groete. Frank (kontak) 08:18, 22 Maart 2015 (UTC)[antwoord]

Vandalisme[wysig bron]

Hallo, kan jy asseblief iets oor die vandalisme van 213.126.49.83 doen? Ek het nie die nodige gebruikersregte om die betrokke IP adres te blokkeer nie. Dankie! JCBrand (kontak) 12:56, 23 April 2015 (UTC)[antwoord]

Ek dink ons het hom nou op sy plek gesit! Doen gerus aansoek om administrateurskap, dan kan jy help om sulke vandalisme te bestry. Groete. Frank (kontak) 13:21, 23 April 2015 (UTC)[antwoord]

Baie dankie vir vasstelling dat bladsy![wysig bron]

Goeie môre! Ek net gewens te dank u vir vasstelling dat bladsy. My Afrikaans is so swak dat ek is geskaam van 't. Maar nou, gevolg van u, dat bladsy is al beter! Baie dankie, meneer. Tharthan (kontak) 16:09, 24 April 2015 (UTC)[antwoord]

Die bladsy het nog bietjie werk nodig, maar ek is seker ons sal dit met tyd uitsorteer. Vanwaar is u en hoe het u Afrikaans so goed geleer? Groete. Frank (kontak) 17:55, 24 April 2015 (UTC)[antwoord]
Ek is van Nieu-Engeland. Ek het geleer Afrikaans vir deel van my taalkundige studies van ander Germaanse tale. Tharthan (kontak)

"'t" is nie gebruik in Afrikaans nie?[wysig bron]

Ek het gedink dat "'t" net 'n bietjie ongewoon of skaars op die ergste. Ek het nie geweet dat "'t" glad nie gebruik is nie. Is u seker dat "'t" glad nie hoegenaamd gebruik? As "'t" is glad nie gebruik word nie, dan sal ek nie gebruik nie "'t" (Ek sal "'t" nie gebruik nie in artikels, want "'t" is duidelik nie in algemene gebruik as niks anders nie). Tharthan (kontak) 18:12, 24 April 2015 (UTC)[antwoord]

Ek vermoed 't is 'n verkorting van "het" (hê). Soos jy dit gebruik klink dit eerder soos die Afrikaanse "die" of "dit". Heeltemal verstaanbaar, maar beslis nie Standaardafrikaans nie. Groete. Frank (kontak) 20:59, 24 April 2015 (UTC)[antwoord]

Frank, ek het 'n moerse lang link daar gelos wat lei na 'n detail kaart van die slag iewers op Google. My vraag, mag ons die kaart gebruik? Groete! Oesjaar (kontak) 06:03, 29 April 2015 (UTC)[antwoord]

Dit lyk tog so. Die kaart dateer uit 1914 wat beteken dat die kopiereg lankal verval het. Groete. Frank (kontak) 06:08, 29 April 2015 (UTC)[antwoord]

Beloning opgevra![wysig bron]

Dagsê Frank, ek voel bietjie skaam hieroor, maar kan ek reeds jou beloning van R200 opëis? My artikel is Mak maak, wat ek vandag sedert 10h00 vertaal het met behulp van en:Domestication en nl:Domesticatie.

Die artikel gaan nog groei vanaand, maar ek wil nie hê iemand moet my voorspring nie. Ek sien Winston werk aan kolonoskopie!

Groete, Aliwal2012 (kontak) 13:36, 9 Mei 2015 (UTC)[antwoord]

Toegeken! Baie dankie vir jou moeite. Ek sal jou per e-pos kontak vir verdere reëlings. Groete. Frank (kontak) 18:44, 9 Mei 2015 (UTC)[antwoord]
Sjoe, baie dankie! Ek ly bietjie aan "You snooze you loose"-sindroom, maar dis nou 'n verrassing! Aliwal2012 (kontak) 19:07, 9 Mei 2015 (UTC)[antwoord]

Sintaksfout by Maan[wysig bron]

Môre Frank, ag help my bietjie, ek het vasgebrand op die maan. Daar was iets tussen <!-- --> wat ek oopgemaak het. Dankie Aliwal2012 (kontak) 06:49, 10 Mei 2015 (UTC)[antwoord]

Ek het al vantevore met die een gesukkel. Die beste is om dit vir eers terug te rol. Dan kan ons later daarna kyk. Groete. Frank (kontak) 06:53, 10 Mei 2015 (UTC)[antwoord]

Frank, help asb! Die sjabloon wys net die leiers tot by nommer 10 en daar is meer! Groete! Oesjaar (kontak) 13:35, 24 Mei 2015 (UTC)[antwoord]

Hi Frank en Oesjaar! Ek het by Sjabloon:Inligtingskas Voormalige land nog paramaters bygevoeg tot by "leader40", maar dit lyk nie of dit help nie. Die probleem is op die Engelse sjabloon (waarvan ons s'n aflei), wat tans beperk is tot 9 leiers. Ek het nou net 'n versoek vir wysiging aangevra op die Engelse blad! Groete, Aliwal2012 (kontak) 09:40, 25 Mei 2015 (UTC+2)
Miskien sal dit beter wees indien ons 'n nuwe sjabloon ontwerp soortgelyk aan dié van pouse? Groete! Oesjaar
Hi, ek het 'n antwoord gekry van Alakzi uit Europa - die sjabloon is net bedoel vir die eerste en laaste heersers, en as dit dan MOET, iemand tussenin wat belangrik genoeg geag word - dus: 'n maksimum van 9 en nie almal nie! (Ek stem ook saam!) Aliwal2012 (kontak) 13:56, 25 Mei 2015 (UTC)[antwoord]
Dit maak sin. Inligtingskasse is seker nie bedoel vir elle lange lyste nie. Ek neem aan die volledige lys kan in die artikel self geakkommodeer word. Groete. Frank (kontak) 15:59, 25 Mei 2015 (UTC)[antwoord]

Ek't drooggemaak, help asb.[wysig bron]

Hallo Naudefj, Ek't drooggemaak met die verwelkoming. Kan jy asb. help en hierdie twee uitvee? Gebruiker:Ronell2706‎, Gebruiker:Hoephoep‎. Dankie! --Alias (kontak) 12:24, 3 Junie 2015 (UTC)[antwoord]

So gemaak :-) Groete. Frank (kontak) 13:38, 3 Junie 2015 (UTC)[antwoord]

Hi Frank! Kyk net bietjie daar, die syfers in (Oesjaar se) teks en jou inligtingskassie stem nie ooreen nie. Lekker aand! Aliwal2012 (kontak) 19:32, 21 Junie 2015 (UTC)[antwoord]

Ek het so opgemerk, hoewel die getalle nie vreeslik uit is nie. Die inligtingskas het nog bietjie werk nodig. Groete. Frank (kontak) 19:39, 21 Junie 2015 (UTC)[antwoord]
Weinig van die bronne stem in elk geval ooreen! Groete! Oesjaar (kontak) 19:43, 21 Junie 2015 (UTC)[antwoord]

Dag Frank, dankie vir die verbeterings in die artikel!

Ek is 'n nederlander en is Afrikaans nie werklik perfek magtig nie. Ek wil egter graag bydra aan die Afrikaanse wiki. Wie kan my help om my artikels bv. oor hoenderrasse te verbeter, voordat ek hulle publiseer?

Opzwartbeek (kontak) 13:25, 26 Junie 2015 (UTC)[antwoord]

Hallo Opzwartbeek, is die artikels in jou sandput? Plaas skakels na hulle hier en dan kan mense wat belangstel (insluitend myself) help met redigering. Groete JCBrand (kontak) 14:47, 26 Junie 2015 (UTC)[antwoord]

Grappies[wysig bron]

Maar jy is vol grappies vanaand. Is jy in 'n goeie of 'n slegte bui? :) Winston (kontak) 19:45, 30 Junie 2015 (UTC)[antwoord]

Jammer daaroor, dit was gelukkig van korte duur. Groete. Frank (kontak) 06:59, 1 Julie 2015 (UTC)[antwoord]

Moontlik interessant?[wysig bron]

Nederlandse taalbeweging. Jcwf (kontak) 13:17, 4 Julie 2015 (UTC)[antwoord]

Ek sal bietjie kyk. Dankie Jcwf! Groete. Frank (kontak) 08:10, 5 Julie 2015 (UTC)[antwoord]

Boeregeneraals[wysig bron]

Frank, kan jy asb help? Ek het so bietjie getimmer aan ons Boeregeneraals en toe kom ek agter van hulle skort nog infobokse. Groete! Oesjaar (kontak) 17:08, 12 Julie 2015 (UTC)[antwoord]

Kan jy hulle asseblief hier lys? Groete. Frank (kontak) 18:23, 13 Julie 2015 (UTC)[antwoord]
Hier vanaf São Paulo om 21:30 - 2:30 julle tyd! Groete! Oesjaar (kontak) 00:36, 14 Julie 2015 (UTC)[antwoord]
Só jy kerjakker lekker rond terwyl ons moet werk :-) Geniet die konferensie. Groete. Frank (kontak) 06:26, 14 Julie 2015 (UTC)[antwoord]
Uitgevoer Uitgevoer Hi Frank, ek het jou voorgespring met die Boeregeneraals! Kyk maar of daar nog verbetering is. Groete Aliwal2012 (kontak) 15:54, 14 Julie 2015 (UTC)[antwoord]
Dit lyk goed, dankie Aliwal2012! Groete. Frank (kontak) 09:08, 15 Julie 2015 (UTC)[antwoord]

Solid state drive.[wysig bron]

Frank, wat is die korrekte Afr hiervoor? Dit moet ook op Rekenaarterme aangebring word. Groete uit Meksiko! Oesjaar (kontak) 14:02, 18 Julie 2015 (UTC)[antwoord]

'n Vastetoestand-skyf. Dit klink amper net so simpel soos Solid State Drive. Persoonlik dink ek dis voldoende om sommer net van 'n SSD te praat. Groete. Frank (kontak) 14:22, 18 Julie 2015 (UTC)[antwoord]
Dankie! Dalk beter: hardegeheue siende dat daar geen bewegende dele is nie?
Nog nie daai een gehoor nie, maar 10 uit 10 vir oorspronklikheid. Groete. Frank (kontak) 18:30, 18 Julie 2015 (UTC)[antwoord]

Meksiko[wysig bron]

Na vier dae hier in Meksiko, dit is my opninie dat jy hier moes gewees het met jou tegniese agtergrond. Hoe voel jy daaroor om volgende jaar ons Wiki in Italië te verteenwoordig? Ek sal help met die motivering. Groete! Oesjaar (kontak) 14:30, 18 Julie 2015 (UTC)[antwoord]

Nie nou nie, maar dankie vir die aanbod. Ek het al reg oor die wêreld op lughawens oorgesit. Dit was groot pret toe ek jonger was, maar nie meer nie. Miskien eendag nadat ek afgetree het (of my werk verloor het, in die land weet mens nooit). Groete. Frank (kontak) 18:32, 18 Julie 2015 (UTC)[antwoord]

Platinum of Platina?[wysig bron]

Dagsê

Ek is nie 'n gereelde bydraer nie, maar het 'n vraag - ek het grootgeword met die woord 'Platina' in my kop. My ma is 'n Afrikaanse juffrou en nogal puntenerig. Ek sien egter dat dit op die SABC altyd Platinum genoem word - en selfs hier op Wikipedia is die Afrikaanse artikel 'Platinum' soos op Engels. Is dit reg?

Groete

Pieter Hugo

Hallo Pieter, ek is nie 'n taalkundige nie, maar sover ek verstaan is platina die metaalerts, terwyl platinum die chemiese element is. Vergelyk die definisies in die HAT, Groete. Frank (kontak) 12:05, 22 Julie 2015 (UTC)[antwoord]
Albei is aanvaarbaar volgens die Woordeboek van die Afrikaanse Taal:
platina s.nw.
1 Metaalerts wat platinum en ander metale i.d. platinumgroep bevat: Die skuldvermindering was moontlik nadat R1,6 miljoen sover in die eksplorasie na platina gebruik was (Tegniek, 13 Mrt. 1987, 77). Ryk goudafsettings is in die laat veertigerjare onder die Vrystaatse grasveld ... ontdek ... Afsettings van platina is by Rustenburg in die noordweste blootgelê (Beeld, 28 Mei 1999, 12).
2 Platinum: Gedurende die eerste dekades van hierdie eeu is platina hoofsaaklik vir juweliersware en verspreidingsdoeleindes gebruik (Panorama, Febr. 1973, 1). Die omskepper se belangrikste komponent is 'n keramiek-heuningkoek waarvan die oppervlak met platina, palladium en rodium bedek is (Kat, Apr. 1990, 32). Mans wat meisies en vroue gelukkig wil hou, moet weet ... platina sal die oë laat skitter (Rapport, 17 Des. 2000, 7).
platinum s.nw. Sagte, hoogs smeebare, wit edelmetaal, Pt, wat t.d. platinumgroep behoort, veral saam met palladium i.d. aardkors voorkom, wat 'n hoë weerstand teen chemikalieë en hitte bied, en as katalisator gebruik word, veral in uitlaatstelsels, i.d. vervaardiging van juweliersware en in elektroniese toerusting; sin. platien, platina, witgoud: Sewentig persent van die wêreld se platinum kom uit Suid-Afrika (Panorama, Mei 1978, 43). Katalisators is spesiale klankdempers waarin byekorfkonstruksies van keramiek, wat met platinum oorgeblaas is, aangebring is (Transv., 6 Jun. 1991, 22). Hulle ontwerp en verkoop handgemaakte juweliersware om by kliënte se smaak en persoonlikheid te pas, hoofsaaklik van goud en diamante, hoewel die klem geleidelik na platinum verskuif (Kat, Jan. 1991, 21).

Die rede is eenvoudig: platinum bestaan nie in die Nederlandse volksmond nie (raadpleeg die Van Dale). Platina is in Nederlands direk uit Spaans oorgeneem ( http://etymologiebank.nl/trefwoord/platina ). Die Afrikaanssprekendes het dus net die Engelse weergawe oorgevat. Jou ma is dus 'n puris, en kry by my +20 krediete. Suidpunt (kontak) 12:27, 22 Julie 2015 (UTC)[antwoord]

Hallo[wysig bron]

Hey, kan jy help verbeter hierdie artikels, dankie:--88.9.103.168 15:18, 9 Augustus 2015 (UTC)[antwoord]

Please refrain from posting machine translated content on our wiki. Best regards. Frank (kontak) 16:55, 9 Augustus 2015 (UTC)[antwoord]

Dankie![wysig bron]

Frank, dankie vir jou ondersteuning aan al my gogga artikels! Groete! Oesjaar (kontak) 09:01, 28 Augustus 2015 (UTC)[antwoord]

Ek probeer maar my kant bring, maar dis hoofsaaklik danksy jou dat ons sulke goeie vordering maak. Hou asseblief so aan! Groete. Frank (kontak) 10:26, 28 Augustus 2015 (UTC)[antwoord]

Baie goeie bron[wysig bron]

Hallo Frank.

Ek het vandag ingeteken by die Virtuele Instituut vir Afrikaans. Daaruit het ek 'n buitebron gekry waarvan ek salig onbewus was (of vergeet het om te boekmerk): http://library.nwu.ac.za/dbtw-wpd/textbases/dbat.htm . Daar is talle gratis tydskrifartikels wat jy vir bronne kan gebruik. Party bronne is ongelukkig geslote en slegs studente kan dit bykom. Tydskrifartikels soos Insig, Huisgenoot e.a. met betrekking tot taal is heeltemal vryelik toeganklik. Dit is meestal taalkundig (al sou ek graag meer artikels oor Deens, Sweeds en veral Goties wou sien!).

Vriendelike waarskuwing: hou by breë terme, soos "woordeboek", maar maak seker jou ewetoeganklike geheue is skoon wanneer jy "Afrikaans" intik.Suidpunt (kontak) 14:29, 21 September 2015 (UTC)[antwoord]

Ek sal gaan loer, dankie Suidpunt! Groete. Frank (kontak) 18:43, 21 September 2015 (UTC)[antwoord]

Burokraat[wysig bron]

Baie geluk Frank, jy is nou 'n burokraat. :) Groete. -- JCIV (Besprekings | Bydraes) 10:20, 23 September 2015 (UTC)[antwoord]

Geluk Frank! Groete! Oesjaar (kontak) 10:49, 23 September 2015 (UTC)[antwoord]
Dankie manne! Groete. Frank (kontak) 10:53, 23 September 2015 (UTC)[antwoord]

'n Baie geldige vraag[wysig bron]

Hallo Naudefj

Nadat ek pas aan die Checkershoender gaan smul het (wat die winkel in 'n elektries-elektroniese stoof teen 'n konstante temperatuur gebraai het en verkoop het teen R49,99 in 'n kliniese toeknipsakkie... so eie aan my moderne Europese erfenis op Erfenisdag), wil ek graag net iets by jou hoor.

Ek het eergister die storie so oor die Afrikatale by Praatsaam oor RSG gaan luister (persoonlik sou ek eerder Zoeloe (met 'n stewiger literatuur volgens KwaZulu-Natal se aanlynbiblioteekstelsel; dis reg, ja, tik in: "yr:2009 lg:zul") bo die ander Wes-Kapenaars se Xhosa aanleer, want Sy Majesteit Goodwill [en sy bankrot koningshuis] kom dalk net uit Zoeloeland op 'n diplomatieke blitsbesoek en dan raak sake vinnig 'n provinsiale verleentheid). Nou het ek 'n vragie.

Kyk, in die Wes-Kaap is ons mense mos nou al nie so "aangepas" soos die oude Transvaal wat dekades lank soveel tale moontlik aan die skoolleerlinge blootgestel het nie. In die Kaapland was dit nog al die jare English en Afrikaans, soos chicken or beef op nasionale lugvaart se ekonomieklas. En wat die onderwysstandaard destyds betref, jy ken my standpunte: ek het baie handboeke van destyds en weet van beter. Ek sou wat wou gee om sulke onnies en handboeke te hê. Toe jy nog jou Suid-Afrikaanse matrieksertifikaat op Oxford of Amsterdam se toonbank kon neerplak en aansoekvorms oorbodig was.

Maar nou het ek gewonder. Heel waarskynlik sou die Transvalers hetsy (Noord-)Sotho geleer het of Zoeloe. Nou is my vraag: is daardie klasse werklik "behulpsaam" soos jy nou in Gauteng bly? Beter gestel, het daardie klasse vir jou enigsins met kommunikasie gehelp? Al is dit om 'n gebraaide mielie op die sypaadjie te bestel?

Ek vra nie hierdie vraag om konflik te ontlok, soos my twee tannies nou nog baklei of die Kaapse of Transvaalse Onderwys die beste was nie [jy kan dit in elk geval nie vergelyk nie, dis twee ander stelsels!], ek wil net na die praktiese kant kyk.

Ek vra maar net, aangesien die woordeboeke van vandag maar beroerd lyk en ek tereg wonder of die kinders méér uit 'n biblioteekboek sal leer as wat op die bord met 'n afgewaterde leerplan aangebied word. Nie elke onderwyser is soos die meester Dirk Ziervogel nie. Suidpunt (kontak) 11:53, 24 September 2015 (UTC)[antwoord]

In die "slegte" Apartheidsjare was ons verplig om 'n swart taal op skool te neem, iets wat skynbaar in die verligte en verengelsde era oorbodig is. So moes ek dan Noord-Sotho leer. Nou ja, die onnie kon dit darem so effens praat, maar ons het ongelukkig nie genoeg geleer om kos by die sjabien te bestel nie. Almal wat daardeur is het darem "dumela", "o kae?" en "sala gabotse" bemeester (of so hoop ek). Jy sal nie glo hoe dit mense se gesigte laat ophelder nie! Maar nou ja, die swartes wil deesdae eerder Engels wees, en ek is nie heeltemal seker of dit nog die moeite werd is om te probeer nie. Aan die ander kant sal die lawwe uur waarin ons ons tans bevind seker die een of ander tyd verbygaan. Groete. Frank (kontak) 12:38, 24 September 2015 (UTC)[antwoord]
Baie dankie vir 'n eerlike antwoord! Jy sal nie glo nie, maar eintlik is die Engelse koekies in die regering nou besig om stadig in hul eie sous te braai (dit is nou nie asof die Engelse bekend is vir hul veeltaligheid nie), want as meer mense 'n swart taal aanleer, sal minder dit nodig ag om hul in Engels uit te druk. In 1994 was die wet so geskryf dat Engels 'n verpligte vak op skool was, maar sedert die volronde volksmoeder Naledi (en nie haar skeletweergawe nie!) se aanstelling van my hoërskoolkurrikulum, is dit glad nie meer so nie. TWEE landstale is nasionaal verpligtend. Jy kan nou kies of jy Afrikaans en Xhosa wil neem, Zoeloe en Xhosa ens. Natuurlik sal die meeste mense met pampoenpitte Engels neem, met nog bykomende tale by soos hul luskry (of wat die skool kan bied).
Reeds in 2001 het die Afrikatale sleg op Universiteit daar uitgesien: lees gerus Swart onderrigtale 'n Babelse verwarring (2001).
'n Goeie woordeboek neem so 11 jaar om te voltooi, lees ek nou die dag. En hoe ouer ek word, en hoe graag ek ook alle tekste in Afrikaans vertaal sou wil sien, hoe meer wil ek iets in sy oorspronklike teks lees. Nou die dag kom my moeder vir my vra watter misdade die twee aan die kruise weerskante van Jesus gepleeg het. Die een was mos 'n dief en die ander 'n moordenaar, het ons op Sondagskool geleer. Wel, dit staan nie in die Skrif nie! Albei was rowers, sê haar Afrikaanse Vertalings. Ek het toe die Griekse oerteks gaan kyk, die Latynse Vulgaat, die Franse Protestante Bybel, die King James Version, die Duitse Luthervertaling en die Hollandse een (Statenvertaling) op E-Sword. Al vier Evangelies is geraadpleeg. En daar sien jy hoe die verwarring ingetree het: die Luthervertaling praat van twee moordenaars en so ook die Statevertaling. En ek het doodseker gaan maak dit is die ou Griekse (Robinson) Bisantynse teks. Ek het ook my Nestle-Aland-bronteks uit die rak gaan haal (waarop die Nuwe Vertalings geskoei is (wat baie soos ek summier as New Age Bybels afmaak)), my Griekse woordelysie nadergetrek, en ook hier is geen sprake van moordenaars nie. Dit wys jou watter mag kultuur deur die jare heen so ongemerk ingeboesem het!
En ook baie dankie vir die artikel oor nagana, terwyl ek maande terug gegoogle het vir "Leopardkrankheiten", kom ek op die oulikste Duitse veeartsspeletjie af; 'Meine Tierklinik in Afrika'. Heelonder is 'n illustrasie wat 'n luiperd met koors wys. Toe ek hierdie artikel van jou sien, is dit die eerste gedagte wat by my opgekom het. Ek het iewers 'n 1945 Veeartsenyboek oor Animal diseases in South Africa, maar aai, ek sukkel mos so met oordrag van die Engels en die artikel is ook al 70 jaar oud en 30 bladsye bladsye lank. Die laaste woorde is net: Natal was danksy D.D.T. in groot dele skoongemaak van hierdie tsetsevlieg-siekte. Iewers is daar ook 'n veesiekteboek van 1975 in 'n affieplaasboekwinkel van Hermann Otto Mönnig & F.J. Veldman wat ek nog moet gaan aanskaf; ek wonder of hulle oor nagana sal uitbrei. Miskien moet ek die boek Soönoses: dieresiektes en die mens [1992] by die bib aanvra (dié is nog traag rondom daardie Boontjieskraalboek). Lyk my dit was die laaste boek in Afrikaans oor hierdie onderwerp. Of dalk sal die Suid-Afrikaanse Mediese Joernaal aanlyn iets oplewer. As malaria onlangs enkele gevalle spontaan in Gauteng opgelewer het, wonder ek hoe lyk sake vandag wat nagana betref in KZN.Suidpunt (kontak) 14:36, 24 September 2015 (UTC)[antwoord]

Tikfoute in aansture[wysig bron]

Hallo Frank

Ek sien pas jy het Groot Britanje uitgevee. Is daar nuwe reëls wat bepaal dat sulke aansture onaanvaarbaar is? Ek het dit altyd verstaan as iets om die bruikbaarheid te verhoog vir 'n leser as iemand wat skryf 'n fout gemaak het. Dit is ook 'n waardevolle bron vir navorsing oor foute, bv. Ek hoor graag. Groete, Alias (kontak) 05:43, 25 September 2015 (UTC)[antwoord]

Sjoe, ek weet nie regtig nie. Niemand gebruik die aanstuur nie en dit bevat meer as een fout. En het die Britanje-aanstuur gelos, omdat dit in Kategorie:Titels met spelfoute opgeneem is. As jy sterk daaroor voel kan jy dit gerus weer skep. Groete. Frank (kontak) 05:49, 25 September 2015 (UTC)[antwoord]
Nie spesifiek nie. Die punt van daai kategorie was om te dien as 'n plek om skakels met foute te kan kry en dan die artikels te kry wat hulle gebruik met "skakels hierheen" - dus slegs 'n kategorie vir ons om foute te kry. Tikfoute in die teks is een ding, maar foute in skakels is dalk so bietjie erger. Het sommer gewonder of daar 'n spesifieke plan is. Dankie vir die antwoord. --Alias (kontak) 07:58, 25 September 2015 (UTC)[antwoord]

Basshunter[wysig bron]

Hello. Why you deleted link to encyclopedics albums and singles? Look on experiences other Wikipedias, this is nonsense. Eurohunter (kontak) 20:17, 9 Oktober 2015 (UTC)[antwoord]

Om te keer dat mense nie artikels daarvoor skep nie. Wat maak 'n ou wat nie Afrikaans verstaan nie in elke geval op hierdie Wikipedia? Groete. Frank (kontak) 06:21, 10 Oktober 2015 (UTC)[antwoord]

Sjablone[wysig bron]

Hello Frank Ek het jou hulp nodig asb. Ek wou 'n nuwe sjabloon skep vir Formule Een (soortgelyk aandie Engelse bladsy) sodat mens maklik kan verwys na die verskillende seisoene onder andere. Maar my sjabloon skepping werk nie reg nie. Ek het dit reg gekry om my sjabloon in 'n oneindige lus te kry. ({{Inligtingskas motorsport kampioenskap}}) Kan jy my help asb? (verskoon asb. my dommigheid).

Ek sal bietjie later kyk of ek hom kan regkry. Groete. Frank (kontak) 09:17, 10 Oktober 2015 (UTC)[antwoord]
Hy werk nou so min of meer. Sit asb net al die velde wat jy benodig by. Groete. Frank (kontak) 13:38, 10 Oktober 2015 (UTC)[antwoord]

Hi, Naudefje, Zhaofeng Li is having a wikibreak, you might have to mail him. Lotje (kontak) 13:28, 20 Oktober 2015 (UTC)[antwoord]

Good evening, dear Naudefj, how are yoy? You helped me on Benedicta Boccoli page. Please, now T've opened this othe very short page, and I ask 4 minutes to read and correct my mistakes, please. I'll be pleased to help you in Italian or Portuguese pages.

Thanks a lot and have a nice evening.

Rei Momo (kontak) 20:49, 23 Oktober 2015 (UTC)[antwoord]

Thank you very much!!! Rei Momo (kontak) 00:50, 4 November 2015 (UTC)[antwoord]

Frank, help asb om verwysings onder die tabel te kry! Job het nie met Wikipedia gesukkel nie... Groete! Oesjaar (kontak) 10:30, 24 Oktober 2015 (UTC)[antwoord]

Uitgevoer Uitgevoer Aliwal2012 (kontak) 19:17, 24 Oktober 2015 (UTC)[antwoord]

Vogtigheidsmeter[wysig bron]

Ek het toe weer oor my bewoording by Waterbesparing in Suid-Afrika nagedink. Moet ek nie dalk die paragraaf afsluit met: "Andersins kan die persoon maar net sy vinger in die grond druk vir 'n vogtigheidstoets." nie? Ek is seker nou baie pragmaties, of hoe? Suidpunt (kontak) 11:13, 12 November 2015 (UTC)[antwoord]

Hoekom nie. Daar is geen rede vir duur instrumente as jy jou vinger in die baba se doek kan druk nie :-) Elke geval, moet mens nie eerder van 'n "grondvogmeter" praat nie? Groete. Frank (kontak) 13:12, 12 November 2015 (UTC)[antwoord]
Ek dink jy kan reg wees - want ek wil my amper deur 'n luiperd laat witlek [nice fantasy!] - dat geen normale mens praat van 'n higrometer (EN/NL: hygrometer) of psigrometer (EN/NL: psychrometer) soos die weerkundiges nie. Hierdie terme word ook net gebruik by lugvogtigheid. Volgens die WAT: higrome’ter s.nw. (fisika) Vogmeter, vogtigheidsmeter — enigeen van verskeie soorte toestelle waarmee die voggehalte van die lug of 'n gas of die doupunt bepaal word. ; psigrometer s.nw., psigrometers. Selde ook psikrometer. (psigro: Gr. psukhros, "koud") Higrometer, bestaande uit twee eenderse termometers, waarvan die bol van een nat en geventileer gehou word terwyl die ander een normaal funksioneer, en waarvan die verskil i.d. lesings op die twee termometers 'n aanduiding v.d. voggehalte v.d. lug gee deurdat droë lug aanleiding tot 'n groter temperatuurverskil as vogtige lug sal gee; sin. nat-en-droëbol-termometer, vogtigheidsmeter.
'n Vogtigheidsmeter is dus een van die ruimste begrippe in Afrikaans wat daar is.
Maar nou sien ons: neutronvogmeter s.nw. Apparaat vir die bepaling v.d. voggehalte van grond, wat berus op die beginsel dat vinnig bewegende neutrone, wanneer hulle met waterstofatome i.d. grond bots, in stadig bewegende neutrone verander wat oor 'n bep. tydsverloop getel kan word; sin. neutrongrondvogmeter (ongewoon).
Maar dan: Dit sou ideaal wees indien die kalibrasiekromme van 'n vogmeter onafhanklik kon wees van die grondtipe waarin dit gebruik word (Die Sagtevrugteboer). - aangehaal uit die WAT by 'kalibrasiekromme'
As jy sou voel dat ons moet spesifiseer met grondvogmeter is jy meer as welkom. Wat my betref: die Afrikaanse lot is soos die Dene in daardie opsig: een woord kan net so funksioneel vir tienduisend voorwerpe wees wat presies dieselfde doel dien. 'n Hollander sal daarenteen 'n naam soek vir elke spyker in die boeg - al doen hulle presies dieselfde ding. Suidpunt (kontak) 14:47, 12 November 2015 (UTC)[antwoord]
Ek is nou nog kwaad vir my Graad 7-onderwyseres. Die vraag was: "waarmee word aardbewings gemeet?" Toe sê ek: seismograaf. Dit is toe verkeerd, dit moet seismometer wees - soos die boek sê. My ouers het toe hierdie vraag by die kollegas laat rondloop - want ons almal soek tog die waarheid - en daar vind jy die antwoord: die seismograaf en seismometer doen presies dieselfde ding. Die seismograaf is net 'n ouer model. Ek was dus steeds reg! Maar leer vandag een ding: jy mors jou tyd om met 'n onderwyser te stry. Suidpunt (kontak) 14:50, 12 November 2015 (UTC)[antwoord]
Wag so 'n bietjie [WAT]:
  • Seismograaf: Toestel met behulp waarvan aardbewings en ander aardtrillings waargeneem word en wat die intensiteit, rigting en duur daarvan registreer; sin. aardbewingsmeter (ongewoon):
  • Seismometer: Onderdeel van 'n seismograaf wat die tyd en duur van bewegings of trillings i.d. aardkors, asook seismiese golwe wat deur aardbewings, kernontploffings of ander seismiese aktiwiteite veroorsaak word, meet.
Te moer met die skoolkurrikulum: EK WAS REG!! 2003 of te nie: Sy skuld my nog 'n donnerse punt!!!! Suidpunt (kontak) 15:02, 12 November 2015 (UTC)[antwoord]

Onbeskaamd[wysig bron]

Geagte Pion

Ek is Koningin Rozanne van der Westhuizen, die koningin van die derde boereryk van Krugersdorp. Hoe durf jy om my wysigings terug te rol? Ek het die korrekte inligting in daardie artikels bygevoeg. Ek het die verkeerde tekste en misleidende inligting reggestel! Ek BEVEL jou om my wysigings te herstel. Indien jy dit nie sal doen nie, sal my wagte jou gat uit my koninkryk skop.

Vriendelike Groete

Jou Koningin,

Koningin Rozanne van der Westhuizen (kontak) 20:16, 13 November 2015 (UTC)[antwoord]

Geagte Koningin Rozanne,
Dit spyt my om u mee te deel dat u heerskappy nie tot in Wikipedia-land strek nie. Om u heerskappy hierheen uit te brei, sal u konstruktiewe bydraes moet lewer. Dit is duidelik dat u die talent daarvoor het en reeds die wiki-monster oorwin het. Die land lê braak en is reg vir u oorname, mits dit reg gedoen word.
U onderdaan.
Frank (kontak) 05:29, 14 November 2015 (UTC)[antwoord]
Ha-ha, mooi gestel Pion Frank! Pion Aliwal2012 (kontak) 16:01, 5 Desember 2015 (UTC)[antwoord]

Frank, kan jy jou meesterbrein inspan en help met die stukkende verwysings en skakels asb? Groete! Oesjaar (kontak) 05:44, 15 November 2015 (UTC)[antwoord]

Uitgevoer Uitgevoer. Maak asb net seker alles is reg. Groete. Frank (kontak) 06:01, 15 November 2015 (UTC)[antwoord]
Dankie, dit lyk baie beter! Oesjaar (kontak) 06:05, 15 November 2015 (UTC)[antwoord]

Help met foto asb! Groete! Oesjaar (kontak) 06:51, 20 November 2015 (UTC)[antwoord]

Wat is fout met die foto?
Dit wys nie as 'n foto nie, gee slegs die leêr se naam.
Dit lyk heel mooi vir my.

Dankie[wysig bron]

Dankie vir jou help by die Elsiesrivier artikel.--Ainsleykg (kontak) 12:28, 26 November 2015 (UTC)[antwoord]

Afrikanergeskiedenis[wysig bron]

Frank, sien my inskrywing by geselshoekie oor bogenoemde asb! Groete! Oesjaar (kontak) 19:39, 26 November 2015 (UTC)[antwoord]

Pageviews[wysig bron]

Frank, sien https://stats.wikimedia.org/EN/SummaryAF.htm en loer na pageviews asb. Wat bedoel hulle met crawler traffic? Groete! Oesjaar (kontak) 18:30, 2 Desember 2015 (UTC)[antwoord]

Dit is besoeke van geoutomatiseerde bots, soos soekenjins, wat die web deurkruis. Met ander woorde nie-menslike besoeke. Groete. Frank (kontak) 19:11, 2 Desember 2015 (UTC)[antwoord]
Jou opinie hieroor... Goed of sleg? Van nuuskierige agie.... Oesjaar (kontak) 19:19, 2 Desember 2015 (UTC)[antwoord]
Dit hang seker af hoe jy daarna kyk. Die besoeke is af, maar wat nou gerapporteer word is nagenoeg slegs menslike besoeke. Groete. Frank (kontak) 19:24, 2 Desember 2015 (UTC)[antwoord]

Vandalisme bespeur[wysig bron]

Hallo Frank! Kan jy asb. Gebruiker:Swaggmaster0009 blokkeer, weens herhaalde vandalisme by 5 Seconds of Summer. Dankie, Aliwal2012 (kontak) 15:53, 5 Desember 2015 (UTC)[antwoord]

Uitgevoer Uitgevoer. Kan ons jou nie weer 'n administrateur maak nie? Dit sal help om die probleme onmiddelik vas te vat. Groete. Frank (kontak) 19:33, 5 Desember 2015 (UTC)[antwoord]
Ja, dit sal gaaf wees! Dankie vir julle vertroue in my, Aliwal2012 (kontak) 11:48, 6 Desember 2015 (UTC)[antwoord]
Uitgevoer Uitgevoer. Groete. Frank (kontak) 11:56, 6 Desember 2015 (UTC)[antwoord]

Google soek funksies[wysig bron]

Frank: sien die interessante artikel in vandag se Beeld getiteld: Soek maklik met Google. Kan jy dit dalk iewers inwerk in Google of Google Chrome? Vir eers terug by die huis..... Groete! Oesjaar (kontak) 05:45, 12 Desember 2015 (UTC)[antwoord]

Ek kry ongelukkig nie die Beeld nie. Neem die teks met jou foon af en e-pos dit na my. Groete. Frank (kontak) 07:28, 12 Desember 2015 (UTC)[antwoord]
OK, jou artikel is by Google (soekenjin). Jy skuld my een! Groete. Frank (kontak) 19:59, 15 Desember 2015 (UTC)[antwoord]
Gewis! Baie dankie, hierdie soort artikel voeg werklik waarde toe! Ek kan nie so iets skryf nie. Oesjaar (kontak) 20:08, 15 Desember 2015 (UTC)[antwoord]
Keiserpikkewyn! :D Groete. -- JCIV (Besprekings | Bydraes) 12:44, 20 Desember 2015 (UTC)[antwoord]
Keiserpikkewyn is klaar. Ek sal môre weer daardeur lees, ek nou te moeg om dit te doen. Groete. Frank (kontak) 19:47, 20 Desember 2015 (UTC)[antwoord]
Pragtig, baie dankie! :) Dit was maar net 'n voorstel vir 'n artikel wat Oesjaar vir jou kan skryf. ;) Hy hou seker ook daarvan. Groete. -- JCIV (Besprekings | Bydraes) 08:59, 21 Desember 2015 (UTC)[antwoord]
Weer eens goeie werk deur Frank! Groete! Oesjaar (kontak) 09:05, 21 Desember 2015 (UTC)[antwoord]

Hallo[wysig bron]

Dis oor hoe die Sjabloon:Gaan taal na nog steeds op die artikels Amina Desai en Aishwarya Rai is. Ek weet dat 'n mens my as 'n 'andertalige gebruiker' kan noem hoewel ek die meerderheid van my bydraes by die Afrikaanse Wikipedia gelewer het. Ek't ure lank op dit gewerk en ek hoop dat hulle nie vir verwydering sal kwalifiseer nie. Ek vra net oor die aspekte van die taal wat nagegaan moet word, soos die manier waarop jy dit vir my hier gedoen het - dit kan ook my taalvaardigheid verbeter. In die toekoms sal ek korter artikels oor hierdie goed skep sodat ek nie mense se tyd sal mors nie. Ek waardeer die hulp. Baie dankie en groete! --Nazeer (kontak) 09:00, 19 Desember 2015 (UTC)[antwoord]

Sjabloon Vir TV Kanale[wysig bron]

Naand Naudefj, ek wil graag hoor of jy/oom my nie dalk kan help om 'n sjabloon vir TV-kanale te skep nie, ek het ongelukkig nie kennis oor wikipedia sjablone nie maar sal graag die artikels oor TV kanale wil uitbrei en verryk. --Renier (kontak) 18:09, 20 Desember 2015 (UTC)[antwoord]

Sekerlik, is daar 'n voorbeeld op die Engelse of een van die ander wiki's wat ons as voorbeeld kan gebruik? Groete. Frank (kontak) 19:45, 20 Desember 2015 (UTC)[antwoord]
Reg so. Na so bietjie navorsing maak sjablone meer sin. Ek het die engelse een voorlopig vertaal en geskep hier. Sal jy asseblief daarna kyk en my laat weet wat kort (veral op sy eie blad (dokumentasie ens.)). Dankie --Renier (kontak) 10:02, 21 Desember 2015 (UTC)[antwoord]
Dit lyk 100% reg. Welgedaan! Groete. Frank (kontak) 12:32, 21 Desember 2015 (UTC)[antwoord]
Baie dankie vir die moeite!--Renier (kontak) 13:00, 21 Desember 2015 (UTC)[antwoord]