Hallo Nederduitsch,hartelik welkom op die Afrikaanse Wikipedia!
Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie.
Die Afrikaanse Wikipedia bestaan al sedert Desember 2001 en bevat reeds 115 794 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud.
Hierdie bladsy, wat nou op jou skerm staan, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap voltooi is. Kliek dan as laaste op "Stoor bladsy" om enige bewerkings te stoor.
As jy 'n verteenwoordiger van die kerk is en inligting van hul webwerf verbatim op Wikipedia wil plaas, moet jy dit oorweeg om 'n toestemmingsbrief te skandeer en op die besprekingsbladsy van die betrokke artikel te plaas. Huidig behoort alle inligting van die NHK se webwerf aan die NHK en Wikipedia kan in die moeilikheid beland as dit sonder toestemming gebruik word. Adriaan Joubert (kontak) 18:34, 15 Augustus 2012 (UTC)[antwoord]
Iemand het êrens gesê ons kan aanvaar dat jou wysigings in goedertrou is. Ek kan nie nou by hierdie gesprek betrokke raak nie, maar ek dink in elk geval op 'n punt in die toekoms gaan bewys gelewer moet word dat die kerk die inligting in die publieke domein plaas. Alle inligting op Wikipedia is in die publieke domein, maar op die kerk se webwerf maak hulle aanspraak op die kopiereg oor die identiese inligting wat op Wikipedia in hul artikel staan. Adriaan Joubert (kontak) 12:12, 16 Augustus 2012 (UTC)[antwoord]