Gebruikerbespreking:Oesjaar/argief2016

in Wikipedia, die vrye ensiklopedie
Jump to navigation Jump to search
Argief Hierdie bladsy dien as 'n argief van ou besprekings. Moenie die inhoud van hierdie bladsy wysig nie. Indien u 'n nuwe bespreking wil begin, of by een van die oues hieronder wil aansluit, doen asseblief so voort op die huidige besprekingsblad.


Hallo

Hallo, kan jy help om hierdie artikels te danke verbeter: Amaro Pargo, Tenerife, Santa Cruz de Tenerife, San Cristóbal de La Laguna.--83.59.142.53 09:36, 29 Januarie 2016 (UTC)

Onderseekabels vs. Satellietskottel as lugbrug in 'worst case scenario'

Na ons geselsie by Voyageur het ek nou 'n ander vraag. Gestel iemand is nou so "gaaf" om weerskante van die vasteland nou ons kabels te bom [hoewel ons tans "in vrede leef" met die ander state bly dit 'n worst case scenario]...

Die eerste uitwerking is dat hierdie webwerf onder ons voete uit geruk word. Ek weet glad nie wat die inpak op nasionale webwerwe [internet word verklein na nasionale netwerk] sal wees nie - skakels wat na "buite" Suid-Afrika gaan, soos wolkverwerking, bly natuurlik in die slag. Daar is ook Suid-Afrikaanse webwerwe wat grotendeels buite Suid-Afrika gestasioneer is, of steun op ander netwerke buite Suid-Afrika.

Verder word die druk gelaai op die telefoon- en selfoonnetwerke [wat ek sterk betwyfel transkontinentaal is, maar eerder via seeroete deur die kabels loop].

Daar is gelukkig die oplossing van 'n satellietskottel wat as lugbrug kan dien. Maar ek weet nie wat die spoed van die skottel is nie. By ons hoërskool (vanaf 2006) het die een rekenaarlokaal gewerk met so 'n skottelstelsel, en die spoed het gedurig gewissel [seker maar weer daardie verdomde donderwolk se skuld].

Wat is jou mening? Suidpunt (kontak) 06:45, 2 Februarie 2016 (UTC)

Ek sal later breedvoerig uitwei, maar indien alle veselkommunikasie met die RSA verbreek word kan die skottelantennas by Hartbeeshoek NIE al die bandwydte verskaf wat nodig is nie en ons gaan met 'n moerse probleem sit! Groete! Oesjaar (kontak) 06:59, 2 Februarie 2016 (UTC)
Aai, tog. My sodawater se gas begin teen kamertemperatuur nou opraak. My suurlemoenskyfie gly al pap teen die steil hange van die glas af... Ek luister met graagte na jou beroepservaring. Of is dit 'n staatsgeheim? Suidpunt (kontak) 14:25, 5 Februarie 2016 (UTC)

(be)vestig

Die graaf vestig die waterkappe nie. Die plaatslike mense het hulle gevestig -grass roots organizing-. Hy keur hulle net goed, gee hulle sy segen of so iets. Ek weet nie goe hoe dit in Afrikaans te sê nie. Die waterskappe is altyd 'n grass roots ding gebly. Selfs vandag het die sentrale regering nie regtig grip op hulle. Rede: die volk vertrou hulle meer as die politici. Snaaks, ek weet... Jcwf (kontak) 05:50, 11 Februarie 2016 (UTC)

CHARL WYNAND MARAIS MALAN

Dagsê Oesjaar, Ek het toevallig jou werk raakgeloop en is geweldig beïndruk - welgedaan en doen so voort!

Ek wil 'n korreksie voorstel vir jou Wiki-berig oor "CHARLES WYNAND MARAIS MALAN" wat volgens my inligting foutief is. Sy korrekte name is "CHARL WYNAND MARAIS MALAN".

  1. Die korrekte name is (net-net) sigbaar op die foto van die grafsteen in jou berig.
  2. Charl Wynand is 'n bekende familienaam in die Malan-stamboom.
  3. In die geslagsregister word dit korrek aangedui.
  4. In daardie jare was verskeie "Charl" Malans deur die engelse herdoop as "Charlie". Inteendeel, hierdie oud-senator was bekend by die noemnaam Charlie Malan juis as gevolg daarvan.
  5. Om dit te verhoed was daar 'n era waarin die Malans die familiename omgedraai het na "Wynand Charl" juis om die noemnaam "Charlie" te vermy. My eie oupa is een so 'n voorbeeld.

Groete,

Wynand Malan - Pretoria

(083) 445-2220

Ek het die naam verander na Charl, hoewel die Afrikaanse Kultuuralmanak hom aandui as Charles. Morne (kontak) 08:28, 17 Februarie 2016 (UTC)

JHB: Gesk van onderwys

Wat is jou probleem met my bydrae tot hierdie afdeling? Groete, Hentie

Verwys jy na die skakels wat ek ingesit het? Groete! Oesjaar (kontak) 11:37, 10 Maart 2016 (UTC)

Nee, jammer, ek sukkel nog om ook speurder te speel. Groete, Hentie Hentie Joubert (kontak) 04:30, 12 Maart 2016 (UTC)

Ek het 'n vraag...

Hallo Oesjaar, jammer dat ek jou data gebruik. Ek begin dit sterk oorweeg om (aanvullend) by 'n skafliker universiteit te studeer. Ek doen dus my huiswerk so deeglik moontlik. Ek is seker jy en jou knappe dogter het nou genoeg sout opgeëet om te weet wat verwag word en wat nie.

Klop my feite?

  1. Daar is kursusse wat wel in Engels aangebied word, maar nie alles nie. [Wat hier vereis word, wis ek nie]
  2. Om toegelaat te word aan 'n Duitse universiteit, om in Duits onderrig te ontvang, om die professore met vrae te bestook, het jy beslis 'n C2-Zertifikat nodig. Dit is die heilige graal. Hierdie sertifikaat bied jou ook die geleentheid om daar navorsing te doen, in Duitsland by skole klas te gee, ens. Let wel, ek weet dit is nie 'n Amulet wat NOODWENDIG vir jou 'n pos gaan oopskop nie. Jy ding steeds mee teen die 80 miljoen ander Duitssprekendes, en volksvreemdes; veral die Slawiese volke wat Duits verbasend goed kan besig. Ek is doodnugter! Maar met daardie sertifikaat kan jy wel 'n beter opvoeding bekom wat jy in 'n ander wêrelddeel kan aanwend.
  3. 'n C1-sertifikaat is goed genoeg vir 'n beurs.
  4. Jy mag wel by sekere Colleges gaan studeer, waarvoor jy iets tussen 'n B1 nodig het.
  5. Met die laagste "rang", A1, sover ek weet,volgens die Goethe Institut, kan jy vir kinders tussen die ouderdom van 10 en 16 klasgee in Duits.

Dit is natuurlik voor mens begin praat van geld.

Wat presies was jou/jou dogter se kweperlat? As jy dit nie oor die lug wil bespreek nie, ek het 'n e-posvakkie op my gebruikersblad. Suidpunt (kontak) 08:39, 11 Maart 2016 (UTC)

Pas weer die kykweer van Dagbreek Bestes gesien - jy lyk goed agter die mikrofoon! Suidpunt (kontak) 15:46, 11 Maart 2016 (UTC)
Suidpunt, die goed agter die mikrofoon is relatief.... Jou vraag, my dogter is toe nooit Duitsland toe nie. Sy het wel haar B.Com Regte en LLB aan Tukkies behaal. Die rede is eenvoudig: Chemie! Het die man van haar lewe ontmoet of so iets! Groete! Oesjaar (kontak) 14:12, 13 Maart 2016 (UTC)
Maar baie geluk! Mag hy 'n stewige bruidskat en lobola betaal (aangesien sy immers nou ook die tradisionele regte op haar vingerpunte ken...)! Suidpunt (kontak) 14:21, 13 Maart 2016 (UTC)
.. Ek begin dit sterk oorweeg om (aanvullend) by 'n skafliker universiteit te studeer... Regtig? Ek is geskok.... Daar loop daar baie van ons akademici rond! Jy weet dit tog, nê? Jcwf (kontak) 19:18, 13 Maart 2016 (UTC)

Ek probeer uitvind presies wanneer my wantroue in die Suid-Afrikaanse onderwysstelsel ontstaan het. Ek vermoed dit was in 2004, in die eerste twee maande van my hoërskooljare toe ek opgemerk het: "Onderwysers gee net klas vir 'n salaris". Dit was 'n uiters siniese opmerking wat nie alle onderwysers betrek nie, maar dit was 'n beginpunt.

Jou hele hoërskoolloopbaan leer jou, soos die staatsdiens oor die algemeen, om te swyg, omdat jy besef jy is magteloos. Die onderwysers kan met jou punte maak net wat hulle wil. Jy probeer maar goed hou. Jou beste hoërskoolvriendinne word jou aartsvyande - as jy net 'n aks beter as hulle doen. Want daaragter sit hul helikoper-mammas wat self 'n bôggerop op skool was. En hul vaders wat die skoolhoofde met geld probeer paai en omkoop. Welkom in die Derdewêreld. Al wat hulle kan doen is vicarious deur hul kinders leef (en dit sluit die hoerery in). Jou skoolprojekte word gesaboteer. Of verdwyn onverklaarbaar. Onwetend leer jy ook kortpaaie kies: so leer jy toerisme, Wiskundige Geletterdheid, ens. sodat jy vinniger punte kan insamel as diegene wat moet voortploeter met Natuur- en Skeikunde, en die Ware Wiskunde. Dit is onmoontlik dat hulle jou kan inhaal. En die resultate wys dit ook. Maar op 'n onverklaarbare wyse, wanneer die matriekuitslae in die koerante verskyn, merk jy op jou punte het op 'n onverklaarbare wyse drasties gedaal. Eers drie maande later, na die hermerk van die vraestelle, vermoed jy: die onderwysers het met jou deurlopende assesseringspunt (jou skoolpunt, nie jou eindeksamenpunt nie) gepeuter. Maar watter bewyse is daar? Die Onderwysdepartement sal ontken dat daar enige fout is, want dan lyk hy sleg.

Die tweede aardige gevoel wat ek gekry het was in 2008. Dit was my matriekjaar, het heel goed gevaar, maar eintlik, vergeleke met my suster se leerplan (kurrikulum), het ek soos 'n hond gevoel. Die dik handboeke van weleer het gekrimp tot 80 bladsye. My gesonde verstand het vir my gesê: hoe ouer 'n samelewing word, hoe meer inligting behoort die leerders mos te kry. Iewers het ek nog gehoop die onderwysers leer ons iets buite-kurrikulêr "vir ons eie beswil". Dit het nie gebeur nie. Juis nie: die onderwysers gee "halfpad" klas, sodat jy na-ure moet klasloop (teen 'n fooi!). Daardie onnosele [Van den Vondel-Nederlands: naïewe] hoop wat jy nog in grootmense gestel het, word onherroeplik vernietig. Dis seker maar 'n goeie manier om die volwasse wêreld te betree - vol haat en suspisie teenoor jou medemens. En 'n kerk wat uit voeling met die werklikheid is met sy mooipraatjies en die valse hoop wat hy bied. Die verdoemende bewyse is net te veel. Ek wéét hoeveel boekdele weggegooi is. Ek wéét hoe afgewater die stelsel is. Maar tog wou ek met blinde ywer Afrikaans studeer, aangesien niemand daarin geïnteresseer is nie. Aangesien daar geen aanlynbronne is/was nie. En omdat ek onnosel genoeg was om te glo vertalers het altyd 'n werk (wat boggerol help as daar nie kopers is nie - soos ons lojale boekemark die afgelope 100 jaar wys). En so gaan jy deur jou voorgraadse universiteit, salig onbewus.

Na die voorgraadse universiteit klap die werklikheid my in die gesig:

  1. Afgestudeerde dramastudente kry nie werk nie, studeer dan 1 jaar vir 'n diploma in die onderwys en onderrig dan hoërskoolleerlinge, terwyl my suster 4 jaar B.Ed studeer en met 'n onderskeiding slaag. Wie kry die werk? Nie my suster nie, sy is te duur. En buitendien soek die onderwys verkieslik "mans", want die vroue tree af of kraam sodra hulle trou.
  2. Jy beleef hoe jou tweedejaarsboek in 'n derdejaarsmodule op universiteit verander. Die gevaarligte brand al hoe helder. Want as dieselfde sertifikaat/graad al hoe makliker word vir jou "opvolgers", beteken dit die stuk sertifikaat in jou hand is ook onderhewig aan waardevermindering. Soos die inflasie van kontant in die hand.
  3. Hoe meer mense 'n soortgelyke kwalifikasie deel in 'n kollektiewe samelewing, hoe minder waarde het jou graad. En hoe hoër is jou mededinging. Dus, moet jy iets méér kry.
  4. Jy merk op hoe vreemde tale links en regs aan universiteite verdwyn, al bestaan die fakulteite sedert 1960. Dit verdwyn net. Engels is die toekoms en die enigste inklusiewe taal op aarde, word ons elke dag deur die Suid-Afrikaanse mediamonopolie gebombardeer. Isoleer ons van Duitsland, Frankryk en Nederland/België. Isoleer ons van enige land wat nie Engels kan praat nie. Isoleer ons van die verlede. Maak die argiewe onverstaanbaar. En juis daarom sal ek nie die lot hul sin gee nie.
  5. Jy raak absoluut histeries in die argiewe, wanneer jy uitvind wat die vereistes in die vorige bedelings was net om 'n doktorsgraad te kon doen. Toenemend lyk die Suid-Afrikaanse samelewing en sy toekoms soos 'n toneel uit die rolprent Idiocracy. Wanneer jy die professore hiermee konfronteer oor die standaarde wat geleidelik begin daal, skeel dit hulle nie 'n aks nie. Dit is nie asof hulle soos Dr. Alvin Kurzweil onderdeur die badkamerdeur 'n nota sal stoot wat sê: Vir jou eie beswil, Agent Mulder, leer dadelik hierdie drie tale, lees Boek X of lees BOEK Y. Vernietig hierdie brief onmiddellik nie. DIE SATANSGEBROEDSEL GUN JOU NIE EENS 'N BETER TOEKOMS NIE. Ek is seker as iemand sou vra "Prof. Folmer, is daar ekstra oefeninge wat ek kan doen?", dan sou jy vir hom 'n 12-boekdeel versameling wys. Met instruksies. Want vir sulke studente het mens tyd. Jy wil hulle sien verbeter. Sulke studente moedig jy aan.
  6. Moet ook nie vergeet dat Suid-Afrika in Iserbyt se boek The deliberate dumbing down of America bespreek word nie. Ons is sedert 1997 op presies dieselfde geteerde pad.
  7. Jy besef jou hele laer- en hoërskoolloopbaan was 'n leuen en 'n klug. Al daardie moeite was verniet. Met daardie matrieksertifikaat kan jy dit nie eens oorweeg om aan 'n buitelandse universiteit te studeer nie. Maar vreemd, andersom kan dit wel. En verbasend genoeg het daar nogal heelwat Israeli's aan Suid-Afrikaanse universiteite vroeër kom studeer in die 1990's. Waar is hulle nou? Waarom wil hulle nie na Suid-Afrika meer kom nie? Waarom wil die Europese studente nie meer hierheen kom nie?
  8. Vreemd genoeg sit ons met die grootste klomp blanke rou-Engelse (Britse) dames/tewe (nes jy wil) in ons onderwysbestuur, maar tog kan ons nie by Britse universiteite inkom nie. Waarom dan nie? Dit is 'n paradoks! Selfs in die hart van Apartheid kon Suid-Afrikaners dit sonder moeite vermag. Is dit doelbewuste ondermyning van ons Suid-Afrikaanse kurrikulum?
  9. Die rektore aan die universiteite stel dit duidelik, ook by my tweede gradeplegtigheid in 2013, dat getalle vir hulle belangrik is. Om die "grootste universiteit van Afrika te word". Om mee te wat? Waar is daar sprake van gehalte? Waar is daar sprake van deeglikheid? Al wat vir hierdie rektore belangrik is, is die slaagsyfer.
  10. Ons Afrikaanse letterkunde was nog nooit so swak in 25 jaar nie. Ek lees nou die dag Die nag het net een oog deur Francois Bloemhof (1991). Die eerste Gotiese roman in Afrikaans. Die gehalte van die boek (1991) kan nie vergelyk word met die huidige breinlose konsumpsieboeke, met bedrieglike mooi voorblaaie, wat vandag skaamteloos aan ons opgedring word. Ek is te skaam om sulke boeke 'n resensie op GoodReads te gee. Met die agtergrond van La trahison des clercs word die Hertzogpryse, DEUR AKADEMIESE INSTANSIES, aan politieke klagskrifte toegeken. Ek skaam my dood. N.P. van Wyk Louw, dit is goed jy is dood!
  11. Jy besef skielik vir die eerste keer dat die hele Suid-Afrikaanse samelewing binne 'n visbak leef. En die hoeveelheid water in die visbak al hoe minder word. Ook die hoeveelheid visse waarmee jy 'n ordentlike, sinvolle gesprek kan voer. Die vraag is, wat maak jy met jou kennis as jy hier is? Die gemiddelde Afrikaner het in 'n sielkundigverslaafde kultuurproduk verander. Hy is 'n uitmuntende, voortreflike proefkonyn wat vir enige sielkundetoets ingespan kan word en 100% in die kapitaliste se bemarkingsfoefies se slaggate kan trap. Onderwerpe wat bespreek word, is beperk tot hul enigste Afrikaanse media: KykNet, RSG en die enkele hoofstroomuitgewer se advertensies. (En liewe hemel, dit gaan meer as die popelende Bobby van Jaarsveld of Sandra Prinsloo se pruilende gesig kos wat oor die verlede gorrel om 'n produk genaamd "die toekoms van nuus in Afrikaans" aan my af te smeer! En nee, die dood van Madiba, Reeva Steenkamp en Oscar Pistorius, Rolien Strauss se kroning as "Mej. Wêreld", ens. IS NIE GOED WAT MY WERELD RAAK NIE. Dink hulle nie ek weet hulle word betaal om sulke twak kwyt te raak nie? Op hul eie privaatkanaal? En verskoon my, maar die bejaarde Sandra en Bobbie is vermaaklikheidsterre en prikkelpoppe, geen wetenskaplikes nie. Waarom moet ek na hulle luister? Waarom word hierdie gemorslike advertensies dag-vir-dag sedert 09 Julie 2015 uitgesaai?) Nie een van die Afrikaners dwaal in diep donker gate met hul eie navorsing rond nie. Ons hier op Wikipedia is die weiniges. Die res doen dit uit plig, want dit is wat die universiteit van hul vereis. Buiten hierdie punte, bly politiek, godsdiens, geld en onderwys [en celebs] die enigste hoofbesprekingspunte op die agenda, want dit is al gemeensplasies. En tog is daar geen gemeenskaplike doel nie. Geen gemeenskaplike en samebindende hoë ideale nie (behalwe die reënboogkots van Max du Preez). Geen hoë ambisie en intellektuele resultate nie. Geen hoë mikpunt nie. Geen reik na hoë kultuur nie. Behalwe geldmaak, vakansiehou en penisoorplantings van 'n losbandige hoerkind (wat dan ook gou sy nuwe speelding gaan uittoets). Jy merk 'n vaste patroon op wat hom klokslag herhaal. Keer op keer. Soos op Google Trends.
  12. Suid-Afrika word gekenmerk aan afwatering. Eers die afwatering van Nederlands, toe Latyn en Grieks, toe logika (wat vervang is deur onnuttige whiteness studies (wat op sigself die onwetenskaplike rasseteorie aanhang) en genderstudies), later ander vreemde tale. Magtig man, trek net enige Suid-Afrikaanse matriek- en universiteitsvraestel post-2010, vergelyk dit met 'n Nederlandse een voor 1968 en oordeel self. Ek is jammer Prof. Folmer, maar jou soort is aan die uitsterf.
  13. Die wetenskaplike boeke wat ek soek is nie in Suid-Afrika beskikbaar nie. Daarvoor het die universiteite te veel besuinig. Die Rand-Euro-wisselkoers is ook nie aan Suid-Afrika se kant nie. Google Play bring tydelike verligting, maar kan nie in al my behoeftes voldoen nie.
  14. Ek wil voel ek het iets verdien. Nie iets wat jy halfpad present gekry het ten bate van jou idiotiese medelandsburgers wat 'n graad net as werkversekering beskou nie. Jy kan die beste dosente hê, dit is nie hulle wat die leerplanne opstel nie [nee, want daar is altyd moderators wat kla oor die hoeveelheid druipelinge].
  15. Buitendien, hoe wil jy as Suid-Afrikaner met Europese kollegas saamgesels oor sake waarvan jy net die bergspits raaksien, maar nog nooit geklim het nie?

Dit is 'n weinige troos dat Nederland ook 'n agteruitgang in sy skoolstelsels beleef. Helaas, dit is geen troos nie. Nee, nee - ek weet van geen Nederlanders meer nie. Suidpunt (kontak) 22:11, 13 Maart 2016 (UTC)

Oor Kaapse biblioteke

Hallo Oesjaar, onthou jy nog die algemene jaarvergadering van 2014? Ek het toe nog vuur gespoeg oor die biblioteke:

Cquote1.svg

GLAM (bladsy 11). Wikipedia articles on libraries in South Africa either do not exist, or are of very poor quality in relation to their counterparts in the rest of the world. Dit klink vir my so tipies na 'n oorversadigde Engelse Wikipedia: by die Afrikaanse Wikipedia is daar belangriker onderwerpe waaraan voldoen moet word. Ek wonder trouens of Morné se kerkartikels nie van groter waarde is nie - veral in ag genome die ontkerklikingskoers van die tradisionele kerk, waar laasgenoemde lank 'n magtige invloed en adhesie in die gemeenskap tot stand gebring het - Morné het immers bronne waarna mens terug kan verwys. Ek kan hoogstens net 'n foto van my plaaslike dorpsbibliotekie plaas en ook maar net weergee wat die munisipale werkers vir my sê - dit is glad nie ensiklopedies nie (vergelyk ons boikot teen opspring-skoolartikels). Nietemin sal ek graag meer mense die biblioteke wil sien gebruik - ons betaal nie verniet belasting daarvoor nie. GEBRUIK DIT. En bring daardie kennis na Wikipedia. Dus: fokus eerder wat BINNE die biblioteek is.

Cquote2.svg

Raai wat - nou is die tyd eers ryp! En tog is dit maar vier paragrawe oor my biblioteek. Ek het uiteindelik 'n bron gekry - Cape Librarian/Kaapse bibliotekaris. Daar is wel enkele weergawes wat nie hier gelys word nie, maar die kort geskiedenis van biblioteke word wel genoem. Elke jaar verskyn daar ook die Jaaroorsig wat toon hoeveel boeke uitgeneem is.

Ek was juis vandag na my biblioteek toe - en daar kry ek die uitgawes waarna ek soek. Daar is twee biblioteke in ons dorp en die sirkulasiesyfer van die een waar ek is, is beduidend hoog.

2012
Volwassenes (lede): 3 176
Kinders (lede): 590
Volwasse Afrikaanse boeke in sirkulasie: 50 219
Volwasse Engelse boeke in sirkulasie: 23 944
Volwasse Xhosa boeke in sirkulasie: 1
Volwasse Niefiksie in sirkulasie: 12 442
Afrikaanse kinderboeke in sirkulasie: 10 086
Engelse kinderboeke in sirkulasie: 4 122
Xhosa kinderboeke in sirkulasie: 2
Kinderniefiksie in sirkulasie: 2 012
Tydskrifte: 4 156
CD's: 229
VHS: 133
DVD's: 595

In Julie/Augustus 2013 word aangegee:
Ledetal: 3 766
Sirkulasie: 107 941
Voorraad: 32 342

2014
Volwassenes (lede): 5 430
Kinders (lede): 721
Volwasse Afrikaanse boeke in sirkulasie: 49 548
Volwasse Engelse boeke in sirkulasie: 20 548
Volwasse Xhosa boeke in sirkulasie: 6
Volwasse Niefiksie in sirkulasie: 9 113
Afrikaanse kinderboeke in sirkulasie: 10 450
Engelse kinderboeke in sirkulasie: 3 657
Xhosa kinderboeke in sirkulasie: 0
Kinderniefiksie in sirkulasie: 1 921
Tydskrifte: 3 689
CD's: 143
VHS: 68
DVD's: 406

Die sirkulasie bedoel: kere wat boeke uitgeneem is. Dit kos nie 'n genie om in te sien dat baie boeke nooit uitgeneem word nie [daar kan een boek wees wat tot 32 keer uitgeneem kan word].

Wat hierdie syfers geweldig interessant maak is die ledetal wat gegroei het, terwyl die hoeveelheid boeke wat uitgeneem word 'n ligte duikie gekry het. Die verdere ironie is dat daar verreweg(!) meer Engelse boeke [seker 7 tot 13 rakke fiksie alleen (van bo tot onder)] in ons biblioteek is, maar meer boeke in die Afrikaanse hoekie uitgeneem word. Goed, die Afrikaanse rak is sommer by die ingang. Daar is ook 'n ander biblioteek in ons dorp waarvan die kinderledetalsyfer met 200 lede gedaal het, terwyl my biblioteek met 131 lede gegroei het. Kan dit wees dat hierdie kinders binne twee jaar volwassenes geword het, of het almal na my biblioteek migreer?

Eintlik is die hele biblioteekwese so ingewikkeld, maar deksels interessant: boeke word van Kaapstad, Swellendam ens. deur drommels soos ek aangevra: om die syfers nou goed op te neuk. Tog moet ek sê: die biblioteke gee almal presies dieselfde diens. Daar is boeke wat ek moes laat aanvra het by naburige dorpe; ek doen dit ook gereeld. Ek sou juis dink die Wikipedia-artikel, Biblioteek , sou meer onontdekte boeke aan die mark bekendstel, maar tog lyk dit nie so nie. Kan dit wees dat mense eers "aanlyn"-navorsing doen omtrent 'n boek, voordat hulle hom gaan uitneem... sou dit sin maak? Dit kan wees dat:

  • die bejaarde bevolking krimp [veral van die ouetehuis, wat die groot lesers is],
  • die hoeveelheid nuwe (of ou) lees- en kykstof wat op die rakke gesit word verminder het [eintlik ja, veral niefiksie!],
  • meer geld aan rekenaars [en hul herstelwerk] bestee word, wat knaag aan die boekebegroting
  • mense werklik minder tyd aan boekelees afstaan [maar waarom groei die kinderboeklesery dan? Volwassenes lees tog ook kinderboeke (Afrikaanse kinderboeke is tot dusver beslis skoner, glo my! Buiten die enkele probleem- en wroegboeke).]
  • die biblioteeklede net oningelig is watter genres beskikbaar is
  • daar werklik minder Afrikaanse titels uitkom wat werklik bruikbaar is [te wyte/danksy die Internet]
  • daar minder werke in Afrikaans vertaal/gepubliseer word, weens die ekonomiese druk / benepe uitgewers.
  • die hoeveelheid VHS-bande uitgegooi word
  • die hoeveelheid ou boeke uitgegooi word [en in my boekrak huiskry!]
  • die smaak van die mense verander het [Twilight van Stephenie Meyer kan net vir 'n jaar 'n foefie bly, dan verbleik die rugkant in die son vir die res van sy lewe, en die wolwe se vlooi-eiers broei uit]
  • die aantal tydskrifte beslis gesny is, veral die peperduur buitelandse tydskrifte, soos Popular Mechanics (Amerikaanse uitgawe, waarin sigaretadvertensies nog vryelik voorkom).
  • die media (soos kykNET, die susterkoerante, miskien Huisgenoot ook) voortdurend die ou meesters in Afrikaans ophaal - en natuurlik gaan mense oor Brink se brieweplesiertjies met sy selfmoordnooi lees. En sommer oor 'n paar ander boeke van hom ook.
  • die hoeveelheid studente groei wat afstandonderrig loop [soos moa].
  • die naburige dorp se skool, wat reeds in 2009 gesluit het, die syfers aangepas het: indien hierdie leerlinge na ons hoërskool gaan, dan is hierdie biblioteek sommer op hul pad. Die ouers kan dan ook saam met hul kinders by dieselfde biblioteek uitneem.
  • mense soos ek meer boeke van hul keuse by Google Play aankoop. Soms blindelings.

Dink jy ek moet 'n artikel oor die Kaapse biblioteke doen? Is dit die moeite werd? Dit is vrek baie... Tans lyk en:Category:Libraries_in_South_Africa nie te hot nie hoor: ek het mos die wind uit hul seile loop staan en haal - maar dit was daardie jaar nog 'n geldige punt! Tog moet ek my die vraag afvra: wat daarvan? / En jou punt is? So, ek skets nou die hele biblioteekverhaal van 2014 weer voor my - watter nut sal dit hê?

Daar is egter wel interessante artikels in die Kaapse bibliotekaris, soos die Paarl wat 'n spesiale Franse rak het vir sy Franssprekendes. Ek sou nooit kon dink dat die Paarl, van alle dele in ons land, 'n Franse bevolking sou hê nie. Hoor jy, Voyageur?! Eerder Franschhoek. Ek weet wel van Kleinmond wat 'n Duitse boeke-afdeling het - ek wens hulle kon in my biblioteek wees! Suidpunt (kontak) 14:54, 4 April 2016 (UTC)

Allô - oui, j'écoute. Ek het hierdie interessante artikel op die Franse ambassade se webtuiste gevind: French festival in Paarl. --Voyageur (kontak) 19:41, 4 April 2016 (UTC)
Ek wou nou eers myself korrigeer - volgens Kaapse Bibliotekaris is dit eintlik nou Parow Openbare Biblioteek waar Franse boeke uitgedeel is - maar by nadere ondersoek sien ek Paarl Openbare Biblioteek het sowaar (!) Franse boeke. Praat van toeval. As jy gaan na hier, jy kies "Paarl PL" en jy tik "lg:fre" dan pop daar sommer heelwat (party selfs stokou) Franse boeke op. Dit is verstommend. En Franschhoek? Nie 'n enkele een nie! Suidpunt (kontak) 20:21, 4 April 2016 (UTC)

Blou

Ek dink dis nou gewoonte om selfs blou skakels te verwyder. Jcwf (kontak) 13:28, 10 April 2016 (UTC)

bron?

Beste Deon,

Op Pieter Bruegel die Ouere staan dat hy moontlik in Bree gebore is (wat nou in België is). Ek kan dit nêrens terugvind. Daar is bronne ca. 1600 wat sê dat hy in 'n dorpie naby Breda gebore is en daar bestaan 'n dorpie Breugel noordelik van Eindhoven. Beide is nou in Nederland. Hoe kan ek om 'n bron vir daardie Bree vra? Ek het sjabloon:bronbenodig geprobeer, maar dit poot 'n hele verhaal op die bladsy sonder kat. Is daar 'n ander sjabloon? Jcwf (kontak) 16:53, 17 April 2016 (UTC)

Jaap, ek is nie werklik 'n fundi oor die bronne dinge nie. Ek vermoed Gebruiker:Suidpunt of Gebruiker:Morne kan help. Groete! Oesjaar (kontak) 16:56, 17 April 2016 (UTC)
By 'n Duitstalige/Nederlandse toerismeburo ( http://www.toerismepeer.be/du/content/1890/pieter-bruegel-geboren-in-peer.html ):
Cquote1.svg

Over de geboorteplaats van Pieter Bruegel de Oude is weinig gekend. In 1604 schreef de schildersbiograaf Carel van Mander echter:

"Pieter Brueghel, den welcken is geboren niet wijt van Breda, op een Dorp, gheheeten Brueghel"

Recent historisch onderzoek toonde aan dat met "Breda", de Limburgse stad "Bree" bedoeld wordt. Het "Dorp gheeten Bruegel" duidt dan weer op "Grote-Brogel", een deelgemeente van Peer. Archeologische opgravingen legden daar de resten van het vermoedelijke geboortehuis bloot.

Cquote2.svg

Suidpunt (kontak) 17:05, 17 April 2016 (UTC)

Ek sal 'n verwysing insit. Morne (kontak) 17:07, 17 April 2016 (UTC)
Dankie Suidpunt & Morne. 'n Toerismeburo... Hmmm. Hoe kom dat Bree eintlik Britte is? Jcwf (kontak) 17:27, 17 April 2016 (UTC)
Ek dink outomaties aan "die Welt ist hier mit Bretten vernagelt". Hout, planke, woud... Toe ek vandag deur die ou Latyn-Hollandse woordeboek blaai, kom ek op lūcus af: dit is onder andere 'n oop (gehakte/gekapte) stuk land binne 'n woud wat as nedersetting kon dien (afgelei van lūx, lūceo - iets van lig wat deurstraal). Dalk sinspeel Britte ook hierop. Suidpunt (kontak) 18:15, 24 April 2016 (UTC)
Hierdie outomatisme is nogal Germaans, Suidpunt. Veral vir 'n gebied wat Kelties gepraat het... Bodien was my vraag eintlik hoekom dat dit Britte pleks van Breda was? (In die 11de eeu. In Latynse teks). Is dit $$$Toerismeburo$$$volksetimologie? Of is daar regtig 'n Latynse bron wat dit Breda noem. Verwysing? Jcwf (kontak) 18:29, 24 April 2016 (UTC)

Ja, ek het by Google Books 'n draai gaan maak - hy is gebore by Brueg(h)el, net buite Breda. Aanhalings:

  • Brueghel was geboren in het dorp van dien naam, aan de rivier de Dommel, ten zuiden van 's Hertogenbosch gelegen... [1] Kunstkroniek
  • Pieter Brueghel, den welcken in geboren niet wijt van Breda, op een Dorp, gheheeten Bruegel, welcks naem hy met hem ghedraghen heeft, en zijn naecomelinghen gelaten. Hy heeft de Const gheleert by Pieter Koeck van Aelst... [2]
  • Pieter Brueghel de oude (I) genaamd Boerenbrueghel, geboren omstreeks 1525 te Brueghel bij Breda,
  • Pieter Bruegel d. Ä. geboren zwischen 1526 und 1530 in Breda (?), gestorben am 9. September 1569 in Brüssel.
  • De meest uitvoerige bron is het Schilderboeck van Carel van Mander. Hij vertelt daarin dat Pieter in het dorpje Brueghel is geboren, maar vermeldt geen geboortedatum. Suidpunt (kontak) 08:47, 26 April 2016 (UTC)

Damn... ek sien die vraag het verander... Britte... hmmm.... Sal moet gaan kyk. Volmaan goël met my kop. Suidpunt (kontak) 08:52, 26 April 2016 (UTC)

Jou antwoord: In het jaar 1007 werd de abdij Thorn door koning Hendrik II bevestigd in het bezit der kerken van Britte, van Hameritte (Hemert) en van Auesaze (Avezaat). Waar lag dit Britte? De een verstaat daaronder Bree (bij Maaseik), de ander ons Breda. Aan beide opvattingen kleven bezwaren: de kerk van de stad Breda is nooit door Thorn bezeten (res van boek wys nie)... [3] Suidpunt (kontak) 08:55, 26 April 2016 (UTC)
Dit is Gilze.

Militêre museums in Berlyn en skakels

Haai Deon, dankie vir die uitnodiging om koffie te drink en 'n lekker geselsie. Ek het dadelik begin om navorsing te doen oor watter militêre of oorlogsmuseums daar nog in Berlyn bestaan. Die Deutsches Historisches Museum (een van die historiese geboue wat ons vandag langs gestap het) het tot die Tweede Wêreldoorlog militêre versamelings vertoon. Tans is daar nog die volgende:

  • Militärhistorisches Museum Berlin-Gatow, geleë op die voormalige Britse militêre lughawe in Berlyn-Gatow (uiterste noordweste van Berlyn). Dit is net 'n tak van die hoofmuseum in Dresden, deelstaat Sakse, wat vegvliegtuie vertoon en 'n oorsig oor die ontstaan en ontwikkeling van militêre lugvaart in Duitsland gee.

En daar is reeds enkele artikels hier oor besienswaardighede wat jy vandag al kon sien:

Groete, --Voyageur (kontak) 16:48, 24 April 2016 (UTC)

Help met inligtingssjablone

Ek het so pas die bladsy Aloe reitzii geskep. Nou wil ek graag leer hoe om daardie inligtingsboks ook te doen. Help my asseblief. Groete Hentie Hentie Joubert (kontak) 06:55, 3 Junie 2016 (UTC)

Jou operasie en herstel

Hi Oesjaar! Lyk my jy is weer op die been? Het jou operasie toe goed afgeloop?

Sterkte met jou herstel van ons almal hier! Aliwal2012 (kontak) 11:16, 5 Junie 2016 (UTC)

Gert, ja dit gaan goed! Operasie was 'n sukses! Herstel nou die sleutel! My longe is moeg na die operasie! Groete! Oesjaar (kontak) 12:36, 5 Junie 2016 (UTC)
Dankie, bly dit gaan goed met jou! G

Request

Greetings.

Could you create the article Buitelandse betrekkinge van Azerbeidjan (Foreign relations of Azerbaijan) in Afrikaans Wikipedia?

Thank you.

Lys van indringerspesies

Dagsê Oesie!

'n Klokkie het by my gelui na ek jou nuutse artikel lees. Daar bestaan reeds 'n plante-een: Lys van indringerplante in Suid-Afrika, kyk net dat ons nie onnodig dit dupliseer nie. Gaan jy joune net oor waterdiertjies hou?

Groete -- Aliwal2012 (kontak) 14:31, 7 Augustus 2016 (UTC)

Gert, sien my opmerking op Geselshoekie. Groete! Oesjaar (kontak) 16:13, 7 Augustus 2016 (UTC)

afrikaans.com

Hi Oesjaar,

Hoekom hulle verwys na die Engelse artikel oor ons? sien

Jcwf (kontak) 20:57, 8 Augustus 2016 (UTC)

"Probleemplante en indringeronkruide" - 'n boek so in jou kraal / kraam

Hallo Oesjaar

Jy moet amper sjirurgies te werk gaan om hierdie goedjies uitgeroei te kry...

Kan ek vir jou 'n boek aanraai wat jy met liefde kan aanskaf of in jou biblioteek kan aanvra? Ek weet glad nie in watter toestand jou plaaslike biblioteekdienste is nie...

  • Clive Bromilow se Probleemplante en indringerkruide van Suid-Afrika (2010), uitgegee deur Briza en trots geborg deur Bayer (die gifmense). Toe ek nou die dag in Bargain Books rondgeloop het in Hermanus (o, hemel, dis seker ook weer 4 maande terug) is die boek teen so R300,00 te koop. Jy kan dit seker goedkoper kry - in Transvaal is die telefoongids seker dikker. In daardie selfde winkel kos Vier bloedmane bv. R120(?), terwyl ek hom teen R45,00 vir my moeder by 'n tweedehandse winkel in Mosselbaai kon aanskaf (ek moes dus net wag...).
  • As jou biblioteekdiens puik is, stel ek voor jy kyk by 581.652 BRO. Die boek wys die verspreiding, en beskryf selfs daardie vieslike basterknoffel (Nothoscordum gracile). En die boek is 100% korrek - jy moet amper 'n graf ses voet diep grawe (eintlik net 25 cm). En dan moet jy die bolletjies uitgrawe - en bewaar jou siel as jy 'n worteltjie agterlaat! Gooi die terrein sommer lekker dik van die water, want jy moet al die saad wat daar al geland het laat ontkiem, anders kom hulle later net weer op (wanneer jy dit die minste verwag). Ek het al gekyk: sewe maal moet jy hierdie ritueel deurmaak. Dan eers is dit klaar met kees.Suidpunt (kontak) 10:55, 10 Augustus 2016 (UTC)
Jongman, dankie hiervoor. Ai, die tyd om al die dinge te doen.... Groete! Oesjaar (kontak) 11:47, 12 Augustus 2016 (UTC)

Gatvol

Ek is nou behoorlik gatvol vir administrateurs wat met my sukkel. Op Sondag 21 Augustus 2016 het ek besluit om ʼn artikel oor Albert Geyser te begin. Ek het die artikel om 09:38 geskep en ʼn enkele reëltjie, vertaal uit die Engelse Wikipedia, ingevoeg. Ek het dan ook ʼn nota bygevoeg dat ek Albert Geyser begin het. Ek het toe inligting begin versamel en my eerste afdeling geskryf om in te voeg. Toe ek die artikel wou oopmaak, was dit weg. Op my dophoulys het ek gesien dat om 10:08 het Aliwal2012 die artikel verskuif sonder om ʼn aanstuur agter te laat. Hy los wel ʼn nota wat lees: "Hentie, skryf asseblief eers jou artikel klaar voor jy dit publiseer (Enkele sinne hoort nie in ʼn ensiklopedie nie)". Om 13:35 skryf ek soos volg op Aliwal2012 se besprekingsbladsy: "Verwys my asseblief na die reël wat sê ek moet 'n artikel klaar skryf voordat ek dit mag publiseer. Ek wil ook sommer weet waar kry jy die reg om artikels wat ek begin het, sommer binne 'n kort tydjie deur te haal sonder om my eers te laat weet." Oesjaar verskyn toe om16:09 op die toneel en gooi sy stuiwer in die armbeurs :"Dit is 'n gemeenskapreël. Vandat jy hier begin het wil jy alles jou manier hê, probeer help en nie 'n probleem word nie. Groete! " Om 23:58 kom die anonieme skrywer 176.0.92.203 op die toneel en skryf: "Hentie, brei die artikel uit en skuif dit terug! Waar is die probleem? " Om 07:26 op 22 Augustus skryf Aliwal2012: "Ons kan net hierdie wiki maak werk as ons almal die huishoudelike reëls nakom. Dit spreek tog vanself dat jou enkellyn-artikel nie op die Afrikaanse wiki se hoë standaard is nie! Jy het nou die boodskap gekry van 2 administrateurs (ek en Oesjaar). Jou artikel is nie geskrap nie, ek het dit slegs verskuif na jou eie "sandput" totdat dit verbeter is. Lê nou bietjie geduld aan die dag en brei jou artikel uit, met verwysings daarby, dan kan ons dit weer terugskuif na die hooflys. Sterkte daar! -- Ek skryf om 08:18: "Jy het nog nie my vrae beantwoord nie." Ek het al talle artikels met ʼn enkele sin begin. Hier kan ek dink aan Frits Krause, Palmietfontein lughawe en Sarah Richards. Met Pretty Yende was Frank Naude kort daarna op die toneel om goed by te voeg. Met Jan Hendrik van der Westhuizen was Voyageur binne ʼn paar minute daar om sy eie bydraes te maak. Ek sien Oesjaar begin ook sommige van sy artikels met ʼn enkele sin. Sien byvoorbeeld "Sebra-kalkoenvis". Aliwal2012 se enkelsin artikel is Volstruispoort. Ek dink hierdie twee perde moet aan die bek geruk word. Ek dink Aliwal2012 behoort aangesê te word om die artikel oor Albert Geyser terug te sit. Hentie Joubert (kontak) 10:49, 22 Augustus 2016 (UTC)

Ek is gatvol vir gebruikers wat net kla, kritiseer en bloed weinig bydrae! Groete! Oesjaar (kontak) 18:43, 22 Augustus 2016 (UTC)

Blouhaak

Kyk asb na die artikel se bronkode. Daar is 'n vraag in vir jou. Groete. Frank (kontak) 16:16, 27 Augustus 2016 (UTC)
Volgens Amazon is die ISBN nommer van die boek 978-0869772218 en wat geskryf is nie deur die outeur, in hierdie geval Gebruiker:Aliwal2012. Groete: Oesjaar (kontak) 05:08, 28 Augustus 2016 (UTC)
So hoe los ons die probleempie op? Roskam vir Aliwal2012 :-) Groete. Frank (kontak) 09:33, 29 Augustus 2016 (UTC)
Hallo, ek het destyds <!-- my vraag so geplaas-->, menende Oesjaar moet bevestig as hy wel die blouhaak in sy Moll-boek kan opslaan. Julle kan dit maar verander/verbeter/skrap as dit nodig is. Groete! --Aliwal2012 (kontak) 11:24, 29 Augustus 2016 (UTC)

Streepstert-loerie

Het jy al van die voël gehoor? Dit is Malawi se nasionale voël.[4] Groete. Frank (kontak) 09:26, 29 Augustus 2016 (UTC)

Sal in die boeke van wysheid moet gaan kyk! Vanaand... Groete! Oesjaar (kontak) 09:27, 29 Augustus 2016 (UTC)
Hierdie naam kom glad nie in Sasol en Newman se boeke voor nie! Oesjaar (kontak) 19:11, 29 Augustus 2016 (UTC)
Daai artikel is verkeerd, Malawi se nasionale voël is die visarend.[5] Groete. Frank (kontak) 19:18, 29 Augustus 2016 (UTC)

Boom

Hi Oesjaar

Hoekom Afrikageelmelkhout is Afrikageelmelkhout en nie gewoon Geelmelkhout nie? Is daar 'n ander boom wat die naam dra? Jcwf (kontak) 00:29, 30 Augustus 2016 (UTC)
Jcwf, ek het die naam net so uit die bron geneem. Ek het ook opgemerk dat boom name tussen verskillende bronne nie konsekwent is nie. Groete! Oesjaar (kontak) 06:27, 30 Augustus 2016 (UTC)

my fout

Hallo Oesjaar,

Ek het jou op die verkeerde idee gebring. Ek het geglo dat al die taksonomiese name skuins geskryf word, maar dit is nie waar nie. Dit is net die familiename en laer wat gewoonlik so geskryf word. Die familiename is 'n twyfelgeval. Sommige doen dit wel, andere nie. Ek doen dit nou wel. Ek het wel 'n parameter |titelweergawe= aan die taksoboks toegevoeg wat dit moontlik maak om die bladsytitel ook kursief te maak.

Ekskuus vir my gemors. Jcwf (kontak) 18:17, 29 Oktober 2016 (UTC)

Luapulatinktinkie

Wat 'n naam, dit lees nogal moeilik die eerste keer, maar dit is korrek!

Loer net vir ons asb by die artikel, daai eksterne bron van "Wikispecies" bestaan nie. Ek weet ook nie of die voëltjie in Sasol Voëls van Suider-Afrika verskyn nie, ek het net SASOL BIRDS of SA. Dankie, --Aliwal2012 ("Die perd se bek") 16:00, 30 Oktober 2016 (UTC)
Gert, dit kom voor in Sasol, bl 358. Groete! Oesjaar (kontak) 18:15, 30 Oktober 2016 (UTC)

Maatskappye op Wikipedia

Dag Oesjaar,

In die anderstalige Wikipedias is daar baie artikels oor Maatskappye. Soos bv https://de.wikipedia.org/wiki/Hilti (selfde sektor soos Maxpower).

Ek is nou tans met ´n ingenieursvakwoordeboek besig om die "inhoud" van die besigheid van die mpy te skryf. Ek het spesifiek ´n ingenieursmaatskappy met ´n "passer-en-draaier"-besigheid gekies omdat die vakterminologie tans op die Afrikaanse Wikipedia ontbreek. - Wernigruenenfelder (kontak) 16:19, 10 November 2016‎

Argivering van jou blad versoek

Dagsê Oesjaar!            (Ek hou nogal van daai groetwoord, behalwe dat mens 'n kappie op die "e" moet sit)

Is dit moontlik dat jy hierdie Gebruikerbespreking:Oesjaar van jou kan argiveer/"truncate"? Ek sukkel soms op kleiner skerms om tot onder te rol vir nuwe gesprekke!

Net as jy wil, moenie geforseer voel nie!

Gaan julle akkoord dat ek die Geselshoekie maandeliks argiveer, soos tans? Groete, geniet die naweek! --Aliwal2012 (kontak) 10:37, 10 Desember 2016 (SA-tyd)