Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie.
Die Afrikaanse Wikipedia bestaan al sedert Desember 2001 en bevat reeds 115 867 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud.
Hierdie bladsy, wat nou op jou skerm vertoon word, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap gestuur is. Kliek dan laastens op "Publiseer wysigings" om enige bewerkings te stoor.
Kyk asseblief onder "Gereedskap" na "Laai lêer" aan die paneel hier links. Vandaar kan jy die foto oplaai. Jy kan ook self kies watter lisensie jy die beeld wil gee. Gewoonlik kies ek die "openbare domein" (openbare besit / public domain), want dan gee ek die publiek volmag om daarmee te maak wat hulle wil. Ek het van my eie foto's al op plaaslike briefhoofde (en ek is seker selfs koerante) gesien, wat my uiters gevlei laat voel, hoewel ek geen sent daarvoor verdien nie. Nou goed, andersins kan jy 'n strenger lisensie kies.
Sodra jy die prent klaar opgelaai het [ONTHOU DIE NAAM VAN DIE PRENT!], kan jy byvoeg in Wikitaal by die Wikipedia-artikels: