Gebruikerbespreking:Stefanusvanzyl

Welkom

Hallo Stefanusvanzyl, hartelik welkom op die Afrikaanse Wikipedia! Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 127 768 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy jou kiekies wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm staan, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap voltooi is. Kliek dan as laaste op "Stoor bladsy" om enige bewerkings te stoor.

--KabouterBot (kontak) 17:38, 14 Junie 2018 (UTC)

Anglisisme

@Stefanusvanzyl:, volgens watter reëlboek bepaal jy watter anglisisme geldig en watter ontgeldig is? Groete! Oesjaar (kontak) 19:14, 17 Junie 2021 (UTC)

@Oesjaar: Goeiedag en aangename virtuele kennis! Ek gebruik 'n kombinasie van die AWS, WAT, HAT, PAEEA, SAAZ en VivA se versameling om die relevansie van die inskrywings uit die verouderde bronne (1952, ek dink die Rossouw-bron kom uit die 1960's?, 1983, 2003 – daar is lankal 'n nuwe uitgawe van NVA) wat onderaan die Wikipedia-inskrywing gelys word te meet. Voorts toets ek dit aan die hand van die verskeie taalfora op Facebook waar taalpraktisyns en lede van die Taalkommissie besprekings oor die onderwerp voer. Ek sal graag die bronnelys van die inskrywing ook later bywerk. Ek hoop dat my bywerkings, nes die oorspronklike inskrywing, deskriptief eerder as preskriptief van aard beskou word – taal is mos 'n lewende ding wat deurentyd verander. (Let daarop dat die woord "ongeldig" in jou boodskap sonder die "t" moet wees.)

Dankie, ek neem kennis. Wat is jou agtergrond? Taalkundig, ingenieures ens? Groete! Oesjaar (kontak) 12:31, 18 Junie 2021 (UTC)

@Oesjaar: Ek het 'n PhD in Afrikaans en Nederlandse letterkunde en is tans 'n voltydse taalpraktisyn.

@Stefanusvanzyl:, dankie goed om te weet. Jou hulp is altyd welkom, tewens enige hulp is welkom! Daar is 'n paar artikels wat geproeflees moet word waarvan Manhattan-projek een is. Dit is 'n vertaling van die Engelse blad en ek hoop dat dit gou op ons voorblad sal wees. Vir daardie ledige aandjie om 'n gasvuur... Groete! Oesjaar (kontak) 12:52, 18 Junie 2021 (UTC)

Help die ou man!

@Stefanusvanzyl:, die volgende sin kom in die artikel North American X-15 voor: Dit het die amptelike wêreldrekord opgestel vir die hoogste snelheid ooit aangeteken deur 'n bemande, kragaangedrewe vliegtuig, wat steeds staan. Moet die hoogste nie eerder die grootste snelheid wees nie? Groete! Oesjaar (kontak) 13:48, 12 Augustus 2025 (UTC)

Volgens Pharos se aanlyn woordeboekversameling en die VivA-korpus is die korrekte uitdrukking hoogste snelheid. Stefanusvanzyl (kontak) 19:51, 12 Augustus 2025 (UTC)

Self-sealing fuel tank

@Stefanusvanzyl:, die ou man is nog nie klaar met jou nie! Wat sal bogenoemde in Afrikaans wees? Selfhelend, selfdigtend, selfselend... Groete! Oesjaar (kontak) 06:34, 13 Augustus 2025 (UTC)