Gebruikerbespreking:Suidpunt/Strategieë ter bevordering van Afrikaans

Hallo Suidpunt, ek wil net dankie sê vir die artikel-in-wording, dis fantasies!

As jy klaar is daarmee gaan ek die eerste wees om dit te lees! Groete!Charlielv55 (kontak) 07:07, 1 Oktober 2019 (UTC)

Plesier, hoewel ek onlangs in Tuiste in eie taal begin lees het en bevind alles wat ek nou opsom eintlik in die 1970's of vroeër al probeer is, maar in die vergetelheid geraak het. Daar was selfs iemand wat in die 1970's iets soos die Goethe Institut of Alliance français vir Afrikaans voorgestel het - maar dit het eenvoudig nooit op dreef gekom nie. Ek kry die indruk ons is op pad soontoe (ek droom seker net), maar die pilare soos elektroniese woordeboeke (wat Afrikatale insluit) word stelselmatig gebou. Ek voel egter die uitreik van 'n C2-sertifikaat of so kon al lankal deur 'n Afrikaanse liggaam uitgereik geword het, veral Europeërs soek bewyse op skrif.Suidpunt (kontak) 07:56, 1 Oktober 2019 (UTC)

Verskoon my onkunde Suidpunt, maar wat is 'n C2-sertifikaat? Afrikaans het denkers en vegters soos jy BITTER nodig. (ek hou van jou gebruikerblad en die kwinkslae daarop, veral die een oor die bedrieglike en verfoeilike "wetenskap" wat ons sielkunde noem! (ernstig bedoel neem ek aan ...en net vir interessantheid, ek stem volmondig saam met jou!). In dieselfde asem dink ek daar is baie soos jy, en begin Afrikaners (en alle Afrikaanses ook) nou hopelik wakker te skrik (die tekens is daar, in die media ens.) en kry hulle daardie veglus terug saam met 'n goeie dosis "conservative wokeness" (enige voorstelle vir 'n Afrikaanse vertaling van die begrip?).

Ek besit slegs Prof. Steyn se "Trouwe Afrikaners", en nodeloos om te sê is dit 'n boek wat elke Afrikaner MOET lees en baie leersaam. Ek het ook die video van sy nuutste publikasie "Verset en opbou" (Kraal Uitgewers) se bekendstelling by NALN op ons eie goeie ou (Afrikaans nogal) kultuurmarxistiese blad Litnet (alhoewel van Heerden en Kie seker ook goeie werk doen via die skryf en verspreiding van Afrikaanse akademiese onderwerpe en die uitbou van Afrikaans op akademiese vlak) gekyk, en nooit geweet dat hy, so geniaal soos hy is, eintlik so 'n skugter en skaam persoon is nie! Hy is my held!Charlielv55 (kontak) 09:37, 1 Oktober 2019 (UTC)

Die C2-sertifikaat is die Heilige Graal van die Europese verwysingskader, dit wil sê, wanneer jy Afrikaans so goed praat en die nuanse so goed verstaan en 'n natuurlike aanvoeling het dat jy 'n verhandeling of proefskrif aan enige universiteit kan voltooi. Die meeste universiteite in Europa vereis vir 'n kursus (ek weet nou nie of dit bloot voorgraads is nie) slegs B1 of B2. In Duitsland moet jy C2 hê. Ek dink egter heelwat Afrikaanse Departemente sou moes sluit as jy daardie slagboom moes inbring (en tog sou dit soveel onderhoude spaar waar iemand wél Afrikaans-magtig is); want liewe hond - die taalgebruik! En tog - ek dink jy sal juis buitelanders motiveer om 'n taal soos Afrikaans te leer. Dan het jy mos nou bewyse op papier. Ongelukkig, sover ek weet, verval die sertikaat van die Goethe Institut nooit nie, maar:

"Goethe-Zertifikats A1 through C2 do not expire. Many institutions and employers, however, expect the certificate to be dated not more than two years ago."( bron )

My siening is - die mens is van nature 'n lui spesie en wil bedien word met die druk van 'n knoppie. Juis daarom dink ek is Intensiewe vorme redelik suksesvol. Het die Afrikaanssprekendes 'n lees/skryf-kultuur: ja! Maar niks meer as 5 bladsye nie. (Party selfs 600 karakters...)

Om die braaivleisvuur hou die meeste braaitang-taaldebatte, maar sodra jy egter 'n pik en graaf in hul hande stop - weg is hulle. Maar nou: ek het begrip - mense sal nie iets uit vrye wil doen as hulle dit nie op hul CV kan aanbring nie. Die persoon sal nie, tensy hy regtig so buitenissig soos ek is, iets soos Roemeens loop leer nie - want waarom? Wat is die nut daarvan? Selfs al bring jy ook die persoon tot nuwe insigte, dat jy op voetsoolvlak moet begin, klim die hele wêreld steeds 'n "slippery pole": almal wil op die spits van die stronthoop sit.

Die meeste mense wil meer geld verdien om:

A.1) in die duurste en eksklusiefste woonbuurt te gaan bly

A.2) weg te vrot in luukshede (algehele nihilisme)

A.3) elke naweek te gaan inkopies doen in Parys, eersteklasvlug

A.4) die land te verlaat

of

B.1) nou al voorsiening te maak vir die pensioen [ek neem niemand hier kwalik nie!]

B.2) om soos Moeder Theresa as melkkoei te dien vir die Rooms-Katolieke kerk (of watter organisasie van jou keuse ook)

Omrede tyd geld is, probeer almal seker 'n ekstra werkie kry ens., wat min tyd vir iets anders laat.

Dit is regtig min dat jy iemand sal kry wat, byvoorbeeld, 'n private, persoonlike weerstasie sal aankoop en R129,00 per maand betaal net sodat mense die regstreekse weer kan kyk. Party loop boonop ook die gevaar om hul GPS-data te verklap, sodat almal presies kan weet waar jy is: kom steel my. Tensy iemand belasting probeer wegwerk in die naam van onbaatsugtigheid.

Ook het ons nog nie geleer uit die probleem van Suidoos-Asië in die 1990's nie: as jy nie geld in ontwikkeling belê nie (en glo my, mense wil, maar...), en slégs in eiendom en roerende bates, dan gaan jy agteruit bly boer. Jy kan geld skenk, maar hoe weet jy waarheen jou geld gaan? Want nou kry jy organisasies wat hul uitgee vir die ontwikkeling van Afrikaans, maar eintlik net in grond en geboue belê vir bekostigbare vakansiewonings en winkelsentrums op Hartenbos. Elke sent wat verlore gaan is 'n vermorsing (sê my suinige Hollander-Skot-kant). Die punt om Afrikaans te bevorder wat handboeke, woordeboeke ens. betref het hééltemal agterweë gebly, ten spyte van 'n kwartaallikse glanstydskrif. Nee dankie, ek gebruik my geld om eerder my eie boeke aan te koop. Geld is 'n wortel voor die neus, maar iemand moet die donkie wees wat die werk doen. En dit wil niemand.Suidpunt (kontak) 10:43, 1 Oktober 2019 (UTC)

Baie dankie vir jou waardevolle terugvoering:) Sterkte! Charlielv55 (kontak) 11:09, 1 Oktober 2019 (UTC)

MEDIA - iets oor Maroela Media Suidpunt? Die Here weet, as dit nie vir die mediahuis was nie weet ek nie wat sou word nie! Ons sou dan uitgelewer gewees het aan Naspers se subtiele manipulasie en indoktrinasie asook hul NWO trawante se tonnelvisie en linkse eggo-kamers! Weereens dankie vir die besondere artikel-in-wording! Groete!Charlielv55 (kontak) 07:47, 3 Oktober 2019 (UTC)