Gebruikerbespreking:Teachalakazi

in Wikipedia, die vrye ensiklopedie
Jump to navigation Jump to search
Hallo Teachalakazi, hartelik welkom op die Afrikaanse Wikipedia!
Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie.
Die Afrikaanse Wikipedia bestaan al sedert Desember 2001 en bevat reeds 83 862 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud.
Verifieerbaarheid
Die eerste van Wikipedia se drie kernbeleide
Geselshoekie
Die gewilde bymekaarkomplek
Geen oorspronklike navorsing
Die tweede van Wikipedia se drie kernbeleide
Sandput
Eksperimenteer na hartelus
Neutrale standpunt
Die derde van Wikipedia se drie kernbeleide
Redigeringsinstruksies
Hoe maak ek: teks wat skuinsgedruk is? ’n opskrif? tabelle?
Wat Wikipedia nie is nie
Daar is ook ’n paar dinge wat ons nié hier doen nie
Beelde
As jy jou kiekies wil oplaai
Beleefdheid
Ken jou maniere
Wenke vir die skryf van ’n goeie artikel
Soms sê die naam alles

Hierdie bladsy, wat nou op jou skerm staan, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap voltooi is. Kliek dan as laaste op "Stoor bladsy" om enige bewerkings te stoor.

Welkom[wysig bron]

Welkom, daar wag 26 785 artikels wat 'n proeflees of twee skort...Oesjaar (kontak) 12:45, 12 Mei 2013 (UTC)

Dankie! Maar hoeveel ure meen jy is daar in my dag? Ek sal probeer . . .Teachalakazi (kontak) 13:28, 12 Mei 2013 (UTC)
Ja, tyd is min en die taak groot. Elke geval, dankie vir die ure wat jy hier inploeg. Groete. Frank (kontak) 14:53, 12 Mei 2013 (UTC)

Antwoord[wysig bron]

Hallo,

Ek het 'n antwoord op Gebruikerbespreking:slashme gesit. --Slashme (kontak) 03:59, 17 Mei 2013 (UTC)

Is die onderwysberoep met nagraadse kwalifikasies die moeite werd?[wysig bron]

Môre Teachalakazi

Ek weet nie wanneer jy by hierdie boodskap sal uitkom nie; ek skryf daarom hier 'n ope brief, so enigiemand wat hierdie brief lees is welkom om te antwoord.

As 23-jarige student wat binnekort my meestersgraad in Afrikaans begin in 2014 (DV), hou ek soveel agterdeure moontlik oop wat beroepskeuses betref. Ek besef dat, sou ek wel die onderwys oorweeg in die sekondêre rigting (die hoërskool), dit sal beteken dat ek hetsy 'n Nasionale Onderwyssertifikaat of Hoër Onderwysdiploma moet bekom. Die tersiêre rigting bespreek ek daarna. BELANGRIK: EK PRAAT VAN 'N DEPARTEMENTELE POS, EN NIE DIE BEHEERLIGGAAMPOS WAT JOU LEWE BEHEER NIE.

By jou as (voormalige?) lektor wil ek graag meer omtrent die salarisskaal uitvind.

Volgens die SAOU se | "Salariskerwe vir voltydse staatsdiensamptenare" word diegene volgens "mag" ingedeel.

Dit wil sê, soos ek uit 'n ou artikel van | Beeld aflei:

  • Vlak 7: Onderwysers met 3-4 jaar tersiêre kwalifikasie
  • Vlak 8: Departementshoof
  • Vlak 9: Onderhoof
  • Vlak 10: Skoolhoof
  • Vlak 11-12: Akademici en hoofde van kolleges.

Volgens die tabel maak ek die berekening dat die hoogs besoldigde amptenare in Vlak 7 (7.16) slegs R2 533,00 per maand verskil van diegene wat pas by die klaskamer ingestap het (7.1).

Ek maak dus die afleiding: dit maak nie saak of jy 30 jaar diens gelewer het of nie, 25+ wetenskaplike portuurartikels (peer-reviewed articles) ingelewer het nie, oor 'n doktorsgraad beskik en gedien het op al wat skoolraad en sportgebied is nie - jy gaan niks meer geld verdien as jy nie die skoensole van jou voorgangers blinkgelek het om hul op te volg nie. Jy is gedoem tot vlak 7 tot die dag van jou aftrede. En jou inisiatief word dan indirek aan bande gelê. Daar kan natuurlik gereeld vir 'n ander skoolpos geskiet word. As beginnende skoolhoof praat ons van 'n veronderstelde R26 225,75 per maand (sien tabel). Sou jy egter later "huis opsit" (met vroulief, kinders, hond en kater), is die kans goed dat jy minder bereid sal wees om te trek en sodoende stagneer.

Nou goed, 'n mens kan 'n lektor word. Ek dink mens word dan vlak 10; soveel kontant in die hand soos "meneer die skoolhoof". Om by vlak 12 uit te kom gaan jy eerstens 'n doktorsgraad moet kry en 'n papiermeule moet word: publish or perish. 'n Loopbaangids van 1990 stel dit so pragtig: 'n Meestersgraad of doktoraat is dus geen waarborg van indiensneming nie (hoewel dit help). Die aantal publikasies wat jy op jou kerfstok het, is wel van groot belang.

Die naywer en mededinging in die tersiêre onderwysberoepe is kwaai en die gesag is burokraties. Daarby gaan jy min tyd saam met jou gesin of vriende hê, vele kritikasters hê wat jou werk verkeerd interpreteer, te min tyd hê vir eie navorsing weens administratiewe rompslomp (IS DIE STAAT NIE BEKEND DAARVOOR NIE?!) en daardie helse klomp onnodige (kantoor en geslags)politieke druk hê wat netjies omseil moet word.

Bereik jy wel bloedbelope die hoogste sport, gaan jy onder R60 000 per maand kry.

Persoonlik dink ek kan mens beter doen in die privaatsektor, of hoe? Suidpunt (kontak) 09:05, 6 Julie 2013 (UTC)

Ek is aangenaam verras deur jou vinnige antwoord. Baie dankie!
My innige meegevoel met jou loopbaangeskiedenis. Ek skrap onderwyser dadelik van my lysie... en daarmee red jy 10 toekomstige bloedjies, hul ouers en kollegas se lewens...
Die hele probleem waarmee ek sit is net dat mens nie onnodig koste aangaan om verder vir iets te leer as dit nie waardeer (en finansieel teruggewerk) kan word nie. Die tabel van die SAOU en jou antwoord bevestig dubbel en dwars net my vermoede omtrent die onderwys. Dit is 'n doodloopstraat.
Ek torring nog net aan die idee van tersiêre onderwysberoepe. Volgens die beroepstoetse op die Internet is hierdie gebied my forte.
Ek is egter nie 'n mens wat daarvan hou om ander mense se werk te merk nie. Ek het 'n siening/idee/lees iets interessants, ek gee dit weer/vertaal, ontstook moontlik 'n paar mense, en die publiek kan daarmee doen wat hul wil. Solank dit nie in 'n argief gesmyt word nie.
Buitendien, ek kan altyd op 'n Sondagmiddag aan 'n LitNet-vaktydskrifartikel werk as ek wil. Ek hou nie daarvan om verplig te word om met 'n navorsingstuk vorendag te kom net om "dalk" bevorder te word nie. Dis 'n vorentoe-drukkery/stotery/bakleiery/moddergooiery/oorlog net om die boonste leerstoel warm te sit. Dit loop net so langsaam en ingewikkeld soos die pouslike verkiesing!(YouTube:How to Become Pope)
Die kans is groot dat jou artikel om geen verklaarbare rede gepubliseer word nie. Dan was al jou moeite verniet. Dit is net so meganies. En die gehalte wys dit. As mens 'n navorsingstuk wil lewer, dan moet dit deeglik wees. Al moet 'n boek vol bevindinge 30 jaar duur om voltooi te word.
My laaste verweer teen hierdie werk van aansien: jy bly steeds 'n kripvreter. En die kos bly dieselfde.Suidpunt (kontak) 21:37, 6 Julie 2013 (UTC)
Baie dankie vir jou hulp, Teacha. Ek sal verder Google, naslaan en rondvra. Suidpunt (kontak) 10:27, 7 Julie 2013 (UTC)

Dankie![wysig bron]

Dankie vir die taalversorging by Satyagraha Huis! --Slashme (kontak) 06:42, 10 Augustus 2013 (UTC)