Gebruikerbespreking:Voyageur/Calendario delle manifestazioni

Begroting

Hoe kon jy die belangrikste vergeet het?

Mensig, ek was onlangs dikbek en bitter. Ek het my oor 'n mik geskrik toe ek na 'n onlangse reisprogram vir 'n toer tussen 22 Mei en 06/12 Junie 2020 deurlees. Wil jy glo? R100 000! En dit is nog voor jy met jou inkopies begin het. Die ergste van alles is, jy kan nie eers meer gaan voetslaan met 'n rugsak nie, want die akkommodasie is seker klaar tjokvol van die vlugtelinge. En al wat ek in Europa wou gaan doen is inkopies doen. Soos ek nou hierna kyk sal ek maar eerder 'n handelaar vra om boeke te bestel... Of sal 'n visumvrye Moskou mens beter pas (Suid-Afrikaners het geen visum nodig nie)? Suidpunt (kontak) 16:46, 14 Januarie 2020 (UTC)

Daardie reisprogram is 'n luukse pakkettoer wat dan ook nog die Passiespel in Beiere insluit. Daar is sekerlik goedkoper alternatiewe. Ek het al gewonder of ons Afrikaanse reisinligting moontlik hier kan plaas. Moskou is 'n alternatief as jy belangstel in Russiese kultuur, boukuns ensovoorts - en dit is 'n inkopieparadys met inheemse en ingevoerde goedere uit alle wêrelddele (alhoewel modes daar dikwels teen hoër pryse verkoop word as in Wes-Europese metropole). Die naglewe is ongeëwenaar, net soos die keuse van restaurante.

Daar is nogtans enkele buurte wat buitelanders liefs moet vermy. Sommige is nie geskik vir westerse toeriste wat maklik as sulks herkenbaar is nie, ander weer is nie die regte plek vir buitelanders (of inheemses) wat nie soos etniese Europese Russe lyk nie... Hulle raak hul Tsjetsjniese bom-broers sodoende blykbaar in Berlyn kwyt. (LOL) In elk geval moet alle amptelike wenke vir 'n veilige verblyf (sien bladsye van ambassades ens.) nagekom word. Mooi Russiese vroue sal nie noodwendig buitelandse toeriste in kroeë en restaurante aanspreek nie. Liggelowige enkelreisigers sal maklik die slagoffer van kriminele bendes word.

Dan is daar ook soms polisiemanne wat blykbaar op lae salarisse moet leef en graag my landgenote plunder. Hulle vra mense vir hul paspoort, begin dan twee minute daarin rondblaai en steek dit dan weg in hul broeksakkie - met 'n vriendelike «Ek moet nou maar nog eens jou paspoort sien.» Dit het niks te doen met die hoë grafiese standaarde van Angel-Saksiese paspoortdrukkerye nie, maar beteken net - daardie slim jongeling wil graag 'n ekstra roebeltjie verdien.

As die seun van russofiele ouers sal ek Moskou of Sint Petersburg in elk geval as reisbestemmings aanbeveel, maar as jy 'n enkelreisiger sonder Russiese vriende/kennisse of taalkennis is, is ander Europese bestemmings moontlik 'n beter keuse.

Die reisinfrastruktuur van klassieke bestemmings soos Italië is natuurlik ook beter ontwikkel om vir alle soorte besoekers 'n aangename reiservaring te waarborg. En as jy op soek is na goedkoop boeke, insluitende literatuur in Engels, is, sal Berlyn 'n beter keuse wees as Moskou (tensy jy Russies kan lees). Duitsers reis oor die hele wêreld, koop alle soorte boeke en raak later ontslae daarvan in Oxfam- of ander boekwinkels waar jy hulle dan tweedehands kan koop (vir pryse so laag soos €1 of €2 per boek in een van my gunstelingwinkels).

Akkommodasie is orals in Italië beskikbaar teen bekostigbare pryse - selfs rugsaktoeriste sal maklik hul droomverblyf kan vind. En treinvervoer is goedkoop en gerieflik. In watter streek of stad stel jy belang? Rome? Veneto met Treviso en Venesië? Milaan? Turyn? Napels?

Moontlik is Londen of enige ander metropool in die VK 'n goeie keuse as tussenstop vir Suid-Afrikaanse toeriste op pad na vastelandse Europa. Daar is goedkoper vlugte vanaf alle Britse lughawens na Italië (danksy easyJet en Ryanair). easyJet bied daarnaas sy eie pakettoere aan - vlug en hotel (5 nagte) kos dikwels minder as £400. Ek weet nie of hierdie pakkettoere ook deur oorsese toeriste bespreek mag word nie - indien wél, is dit 'n goeie keuse wat Speedy Boarding insluit (jy mag voor die ander passasiers die vliegtuig binnestap en 'n groot bagasiestuk van 23 kg asook twee kleiner stukke saambring).

easyJet UK: Holidays • www.booking.com: Hotelverblyf • https://www.airbnb.co.uk/ : Akkommodasie (insluitende privaat gashere)

Pryse in Rome soos in Januarie 2020: Huurmotor vanaf die lughawe Fiumicino na die middestad: €48 (amptelik vasgestelde prys vir amptelik gelisensieerde wit huurmotors - vermy bestuurders wat toeriste op lughawens aanspreek; hulle verskaf onwettige, nie-gelisensieerde vervoer in privaat motors en vra 'n betreklik hoër prys); Leonardo-eksprestrein: €16; busvervoer wat aanlyn bespreek word: €6. 'n Biljet vir Rome se openbare vervoernetwerk (7 dae): €24. Toeristebelasting: €4 per nag. Reuse-pistachio-roomys à la Voyageur: €4. Daar is restaurante in alle prysklasse. Toegangsgelde tot musea kan betreklik hoog wees. Daar is egter baie besienswaardighede met vrye toegang - of goedkoper alternatiewe soos Ostia Antica (€12).

Meer binnekort. Voyageur (kontak) 17:14, 14 Januarie 2020 (UTC)

"De Mormonen in Zuid-Afrika" 'n betoog uit 1863.

À votre service: [1] Suidpunt (kontak) 21:59, 29 Julie 2020 (UTC)

So reg uit my Goodreads-resensie: Ek het die boek op Google Play gekry en wou lankal eintlik hom deurgelees het. 48 blaaie lees mens vinnig klaar.

My algehele indruk: die vingerwys en vermaning en toesnou deur die skrywer is plek-plek kostelik. Dis amper soos: [dit en dit en dit] Sies! [dit en dit en dit] Die hel is reeds vir hulle voorberei! [dit en dit en dit] Hulle is familie van die Mohammedane! [dit en dit en dit] Hul boek is so verfoeilik soos die Alkoran!

Die veelwywery word as troefkaart vir laaste gehou, en natuurlik ook die Vrymesselary wat met die organisasie hand aan hand gaan.

Ook moet ek ook sê skryf die skrywer baie uit die standpunt van "ons is reg". Dit noop hom nie om te dink: uhm... waarom dink hierdie groep so nie? Waarom wil mense daarby aansluit? Waarom kry ons gemeente nie soveel aftrek nie? Ook skryf die skrywer nie uit 'die binnekring' nie, maar verlaat hom alleen op eksterne bronne. Suidpunt (kontak)

Interessant. Weer eens, baie dankie! Voyageur (kontak) 22:36, 29 Julie 2020 (UTC)