Gebruikerbespreking:Vryheid vir Suid-Afrika

Hallo Vryheid vir Suid-Afrika, hartlik welkom op die Afrikaanse Wikipedia! Message in English Bericht in het Nederlands Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 127 746 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy beelde wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm vertoon word, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap gestuur is. Kliek dan laastens op "Publiseer wysigings" om enige bewerkings te stoor.

Skakeling na ander tale en Wikidata

Onthou asb dat ALLE nuwe artikels na Wikidata en ander tale geskakel moet word. Doen dit asb, as jy hulp nodig het vra. Oesjaar (kontak) 08:59, 20 Maart 2025 (UTC)

Ongelukkig is dit onmoontlik met nasionale sokkerspanne.

Vryheid vir Suid-Afrika (kontak) 09:01, 20 Maart 2025 (UTC)

Ek verskil want hulle bestaan op die Engelse Wikipedia. Ek het so pas Skotse nasionale sokkerspan deur geskakel, gaan kyk. Jy moet dit net gaan soek. Sien en:Wales national football team. Oesjaar (kontak) 09:08, 20 Maart 2025 (UTC)

Saadjies vs groot artikels

Baie dankie vir jou werk met die sokker dinge! Gaan loer 'n bietjie oor Geselshoekie waar daar na saadjies verwys word. Ons soek kwaliteit, nie kwantiteit nie. Ek het geloer, baie van jou kort artikeltjies oor klubs en spelers is tot 160 k groot op die Engelse Wikipedia. Ek kan nie onthou dat daar al ooit 'n sokker artikel op die voorblad was nie. Skep eerder minder saadjies en meer groot artikels, tewens gaan vir 'n voorblad. Dit is harde werk... Ek vra mooi werk saam met ons. Groete! Oesjaar (kontak) 17:39, 27 Maart 2025 (UTC)

Ek gaan nie 'n saadjie begin oor enige lukrake klub nie, maar mense wat in Afrikaans lees moet die geleentheid kry om te onderskei tussen die sportklub Fenerbahce en sy meer bekende sokkerafdeling. Vryheid vir Suid-Afrika (kontak) 17:44, 27 Maart 2025 (UTC)

Jy mis die punt, dit maak nie saak waaroor jy skryf nie maar ons soek eerder groter as kleiner artikels. Oesjaar (kontak) 17:54, 27 Maart 2025 (UTC)

Dit is 'n kwessie van balans. Ek dink dit is belaglik dat die bekendste Afrika-sokkerspelers, soos Didier Drogba, nie bladsye in Afrikaans het nie. Terselfdertyd dink ek dit sal ewe belaglik wees as Didier Drogba dieselfde teksbedrag kry as een of ander Boeregeneraal. Vryheid vir Suid-Afrika (kontak) 18:16, 27 Maart 2025 (UTC)

Daar is baie goed wat nie bladsye in Afrikaans het nie, ons kort 1000de insekte. Ek sien meer en meer jy is geneig met politieke ondertone in jou opmerkings. Versigtig. Sê eerder dankie vir die mense wat wel hulle tyd afgestaan het om bydraes hier te maak. Hulle leer nie die kinders oor sportmense, poltici, rolprentsterre ens op skool nie. Ek weet, my vrou is Hoërskool onderwysers. Hulle leer wel die kinders aardrykskunde, geskiedenis, biologie, wiskunde, wetenskap en dit is waar ons baie beter toegerus is. Oesjaar (kontak) 18:31, 27 Maart 2025 (UTC)

Galatasaray SK

Nog 'n saadjie? Wat verstaan jy nie oor saadjies nie? Verduidelik asb? Oesjaar (kontak) 18:32, 27 Maart 2025 (UTC)

Nee, want as jy die bladsygeskiedenis van Galatasaray lees, kan jy duidelik sien tit is in 2007 begin en baie sleg onderhou: https://af.wikipedia.org/w/index.php?title=Galatasaray&action=history&offset=&limit=500

Ek het dit na Galatasaray SK geskuif omdat Galatasaray ander betekenisse het: https://en.wikipedia.org/wiki/Galatasaray_(disambiguation) Vryheid vir Suid-Afrika (kontak) 18:42, 27 Maart 2025 (UTC)

Galatasaray SK op Engels is 34,489 grepe groot. Jou vertalinkie net oor 1000. Verstaan jy nou? Oesjaar (kontak) 18:47, 27 Maart 2025 (UTC)

Ek sal probeer om dit bietjie uit te brei maar ek dink eerlikwaar nie dit is dringend om 'n universiteitstesis oor 'n Turkse sportklub in Afrikaans te skryf nie. Vryheid vir Suid-Afrika (kontak) 18:55, 27 Maart 2025 (UTC)

Weereens herhaal ek myself: ons vra langer artikels en minder kort artikeltjies. Baie min saadjies word groter gegroei, na 16 jaar hier weet ek dit. Dit maak nie saak waaroor jy skryf nie, dit bly jou keuse. Ons kort nog 'n sokker onderwerp voorblad, 30,000 grepe.... Oesjaar (kontak) 19:08, 27 Maart 2025 (UTC)